زواجي ...كان مجرد انتقام

البارت التاني

دازت يومين وجا لبابا إتصال من عند رياض كايقول فيه بلي اليوم غايجي لعدول ياخد الإمضاء ديالي وغايديني شيفور. ..قلبي تقبط عليا أولا الإهانة لي حنا فيها تانيا مسيفط ليا العدول بلا مايجي اش هاد تكبر تفوووو كرهت راسي كرهت الحياة ولكن هادشي ليمكتاب ليا
#العشية😔
نضت جمعت حوايجي قاديت حالتي بأوامر من ماما 😒 نلبس قفطان دجوهرة بيض وشربيل بيض وزيف بيض تقول أرملة ودارت لي الكحل وحكر حمر خفيف ماحملتش راسي حسيت بحالا شي قحبة كاتوجد لشي ليلة من ليالي الحمراء
وصلات العشية ماما وجدات الطبلة عاونوها صحاباتي جا العدول وجات معاهم واحد لمرا زوينة ماشي كبيرة بزااف لابسة تقليدي باينة فيها من العائلات المرموقة...لي ثار ستغرابي ماما وبابا تصدموا يعني كايعرفوها
ماما:ترية!
ترية:سلام عليكم
بابا:وعليكم السلام
ترية:(جات لعندي) مشاء الله علا عروستي غزالة مشاء الله بحال ماماها
انا:(تزنكت حشماتني) شكرا اخالتي ربي اخليك
ترية:ممكن ندويوي على إنفراد أنا وياكم
ماما:اه تفضلي....دخلي
ترية:شوفي أنا عارفة بلي هادشي ليواقع مافاهمينوش علاش ولكن هادشي لي عطالله انا أبدا مابغيتش بنتك تزوج بهاد طريقة ولكن كانواعدك اصاحبتي بلي غادي نحطها فعينيا وماغايمسها حتا ضرر
ماما:بدات كاتبكي ..علاش علاش باغيين تناقموا من شيحاجة حنا براسنا كنا ضحايا اشنو درنا ليه
ترية: عييت معاه ولكن فقلبو جمرة وباغي يطفيها
ماما:هادي هيا الصحبة ياك راجلي كان صاحبو ياك دوزنا صحبة و المحبة وملحة والعشرة. .المهم دابا تطمنت ملي غاتقابلي بنتي عافاك هيا مادارت والو
.
.
.
.
.
العدول:وقعي ابنتي هنا
انا:واخا
العدول:مبروك ابنتي برفهية والبنين
ترية:أمين ياربي ....يالله ابنتي غانمشيو. .
توادعت مع ماما وبابا وانا كانبكي مازال ماشبعت منهم
.
.
.
.
.
شدينا الطريق لدار ولكن بان ليا خرجنا من لمدينة دازت ربع ساعة ووصلنا لباب كبير تحل دخلنا لفيلا كبيرة وزينة ولكن مااتراتش فيا
ترية:دخلي ابنتي باش نوريك بيتك نتي وراجلك
انا:ممكن نشوفو
ترية:غايجي وتشوفيه ههههه راه باقي جوون وزوين انا:واخا
ترية:هادا هو بيتك حطي حوايجك الخدامة غاتجي تقادهم وبدلي حوايجك هانا كانتسناك لتحت
....بدلت حوايجي ونزلت
ترية:كاتعرفي ابنتي طيبي؟؟!
انا:اه
ترية:لاش كاتعرفي؟؟؟
انا:كانعرف نعجن وندير طواجن كاملين(حوت،لحم،دجاج،الخضرة) وكانعرف ندير لgratan لعدس لوبيا لكفتة نشويها ولا فطاجين شلايض كانعرف ليهم العواصر الكيكات البغرير المسمن الحرشة البطبوط الكريب هادشي لاش كانعرف
ترية:واخا غانعلمك سكسو و تريد حيت ولدي صااارم فالماكلة يعني خصكي ديري ليه كوولشي علا حقو وطريقو
انا:واخا اخالتي
ترية:بدينا انا غانقوليك ونتي صايبي وحفضي واخا؟
أنا:واخا..بقات كاتوريني وانا كانصاوب وكانطيب دغيا عرفت اشنو ندير واصلان انا كانلقا راحتي فطياب طيبت سكسو وتريد ودابا وقت تدوق غادوق
ترية:ممممممممم ألله ألله هادشي بنين ابنتي مشاء الله عليك بحال جداتك ليطيباتو أطلع بنين
انا:منين كاتعرفي جدا؟
ترية:جداك الالة كانت جارت ماما وكانو صحبة طيبة اوا انا وماماك صحابات بنات صحابات ههه
انا:علاش راجلك وولد دارو معانا هكا
ترية:غايجي لوقت وتعرفي لاش ...دابا اجي بغيت نهضر معاك انا عارفة بلي هادشي لي واقع ليك مايبغيه أتواحد أوقع لبنتو ونتي بحال بنتي ولكن ماعليك إلا تصبري أن الله مع صابرين للمهم المهم انا غانمشي ودلي رياض دابا فطريق انا ساكنة قدامك إلا بغيتي شي حاجة قولها ليا
انا:واخا اخالتي...مشات وبقيت بوحدي فدار خفت حيت كانخاف نكلس بوحدي فدار بقيت كاندور فدار حتا سمعت لباب تحل تخلعت صحابلي شفار طليت عليه من ضروج وغوت
رياض:نزلييييي
انا:نزلت كانجري خلعني
رياض:ممم نتي هيا
انا : أه
رياض : سيري وجدي ليا ماناكل غانطلع ندوش نخرج نلقاك ساليتي
انا :واخا. ...دخلت لكوزينة درت داكشي لي قالت ليا مو درت سخنت داك تريد وحطيتو ليه وعمرت اتاي
.
.
.
.
نزل و هو كيهرط
رياض: فيينك اديك دبابة واتحركيييي
انا:(هازة القصرية و تقيلة عليا) هاني جاية حطيتها ليه وبقا كيخنزر فيا
رياض:منين جبتي هادشي
انا : طيبتو
رياض:ماعندك تا18 عام مقادة وطيبتيه
انا:اه طياب ماشي بالعمر انا كانعرف
رياض:كاتزيدي فالهضرة دابا ....ناض لكوزينة ولقا لمعان فاش طيبت مازال ماغسلتهم ورجع ....جريت الكرسي باش نكلس ناكل حيت فيا جوع وهو يصعر عليا
رياض : ااانوضي تجمعي ياكما اصحابليك فدار باك غاتبقاي فالكوزينة حتا ناكل وملي نسالي عاد تاكلي كاتسمعي
انا :واخا. ...مشيت لكوزينة وبديت كانتمتم اش هاد دكتاتورية تفو علا زهر ...غسلت دوك لماعن و بقيت كانتسنا حتا خلعني كايعيط عليا
رياض: و ديك البرهوشة تحركي لهنا
انا:نعام
رياض :مدام دخلتي لهاد دار يعني خصكي تعرفي اشنو ملزومة ديريه هنا ماعندك تاحق انا ليكانحكم و انا لي كايحدد شنو ديري و عندك اصحاب ليك حيت مرتي غادي تيقي راسك نتي هنا غار جارية ديالي "بتاسم بسخرية" كاتعرفي شناهي الجارية ولا نشرحها ليك
انا: حركت راسي بمعنى اه عارفة
رياض: اوامري كيتنفدوا بالحرف الواحد و بلا نقاش ويلا فكرتي تقولي لا غادي تشوفي وجه خايب مني. .و غاتعيطي ليا سي رياض مفهوم
اه: مفهوم اسي رياض
رياض (هادي مالها لي قلت كاتقول واخا) مزيان غانطلع لبيتي 5 دقايق تحضري ليا قهوة تكون قاسحة
انا:واخا سي رياض. .مشيت كانجري لكوزينة وجدت ليه القهوة و طلعتها ليه دخلت و هو يغوت
رياض : واش نتي بهيمة ماكاتعرفيش دقي لباب قبل مادخلي
انا : كانعتادر ماغاتكررش مرة آخرى
رياض؛: لا غار عاوديها و نتفاهموا ديك ساعة
نزلت لتحت باش مجمع طبلة كنت باغا ناكل ساعة تسدات ليا شهية كلست كانفكر و كانشوف هاد الحيوان معامن كاينة هادشي غار نهار لول حسبلاك ليامات الجاية اش غايدير فيا ...ولكن انا هادشي درتوا علا قبل عائلتي. ..علاش قاسي و حاقد عليا تالهاد درجة انا اشنو درت  انا عمري حتا مشفتوش
.
.
.
.
.
رياض : مزال ماشفتي والو هادشي قليل مقابل داكشي لي غايوقع ليك غاتخلصي كولشي لانتي لا باك غانعدبوا بيك كيما تعدبنا حنا
وديك البرهوشة فييييينك طلعييييي لعنديييي
انا: سمعتو تيغوت تاني و طلعت كانجري نشوف اش بغا ...نعام اسي رياض
رياض: تحركي وجدي ليا دوش باش ندوش
انا: واخا اسي رياض. .دخلت كانجري وجدتو ليه وعيطت ليه باش ايجي يالاه غانخرج و هو يدفعني لداخل
رياض: فين غادا كاتجري
انا: غادا نخرج حيت نتا غادوش
رياض:كلعي ليا حوايجي
انا:عفوا!!
رياض: (جمعت معاها بتصرفيقة) كلعي ليا حواااايجي سمعتها دابا و آخر مرة تدوي بداك الأسلوب كاتسمعي
انا :واخا اسي رياض كلعتو حوايجيو و البكية حابساها غار بزز عينيا بغاو اطرطقو بدموع
رياض؛ (بدات كاتحيد ليا حوايجي و حناكها ولاو حمرين و و عينيها تاهما و بغاو اطرطقو بدموع. ...انا عجبني للحال فديك اللحظة )
.
.
.
يتبع

هاي حبيباتي عارفة تعطلت مي هاني رجعت تاني. ..لمهم تفاعلو باش نحط بارت اخرا دغيا 💋😚💋😚 ويلا مالقتش تفاعل غاندطر نحيد القصة 💔😤 يالاه ماتحشمونيييش