وعدني_أن_لايغيب

part 6

#وعدني_أن_لايغيب

بارت 6

"بقلم سجى الربيعي "

اخذتني ورحنه زرنه الامام علي(ع) ورديت نفس شي لزمت شباك الامام علي وابجي واعيط والناس تحاول تهدي بيه،،

ياابوو الحسنين دخليك 😭😭 تعبت عيني يابو الشدايد خلي اشوفهة لو مرة وحده بحلمي وابجي واصرخ بااعلى صوتي ..

انهد حيلي سنيني احسهة ضاعت 💔 ،، شلون راح اكدر اعيش؟ يابو الحسنين هديلي بالي وراحمها و اشفعلهة دخيلك ..

كمت من شباك ضليت اصلي واقرة قرأن اني وامي لحد ثاني يوم ،، رحت زرت قبر سهر لاكن بهدء تام قريت الفاتحه و رتلت قران و اخذت امي ورجعنة لبغداد،،، .........

نور... ضلينه بيت سهر وداخل غرفتهة يومين اني وزهراء،،، وضلينه بـ الفاتحة واهلي شكد حاولو نرجع لاكن شافو حالتنه وخلونة،،،

رغم كل صار ام سهر مو متئثرة ابد فقط كدام الناس تبجي ومن تخلص الفاتحة عادي تكعد بغرفتها وتعلك التلفزيون وتباوع تركي وممهتمة 💔

ابو سهر جان احسن من ام سهر بشوي جان مبين علية الزعل لاكن مرتة هية الي مسيطرة علية،،،

سالم اصلن ماشفنة يجي اخر ليل سكران يطب للغرفه ينام ويطلع من صبح محد متئثر بومتت سهر ابد،،، ثاني يوم خلصت الفاتحة ... رحنه نترخص اني و زهراء من ام سهر .. خالة احنه رايحن للبيت و اخدنة كم حاجه من غراض سهر ويانه ذكرى تبقة يمنه 💔

ام سهر... اي خاله براحتكم ،، اصلن الغراض كلهن حنذبهن اي شي بغرفه تريدو اخذو،،،

زهراء... شنو 💔 ليش تذبوهم خاله؟

ام سهر...لعد شنسوي بيهن؟؟

نور ... "طبعآ تمنيت انو اموت قبل مااسمع هل كلام شنو من ام انتي حسبي الله عليج وع كلبج "

خاله لا لذبوهن فد يومين نجي احنه انلمهن ،، ونوزعهن ع فقرة والايتام لان هنه هواي غراض 💔

زهراء... يي خاله مثل مكالت نور،، حتة الناس تترحملهة 😔😔 ،،

ام سهر... ماشي 😒

نور... يلا مع سلامة خالة 😔

ام سهر... الله وياكم 😒 "لاهلة ولا مرحبا"

زهراء... طلعنة من بيت سهر و رحنة لبيتنه اخذت كم حاجة من الغراض لحسين خليتهم بجيس وضميتهم حتة انطيا،،، ...............

ام راكان... هسة شنو هاي البنية حضل يمنه خطية ؟

راكان... يي يمة حضل يمنه،،، لو متقبلين؟

ام راكان... لا يمة ليش مااقبل اخليهة بعيوني بس شنكول للناس؟ ...

ابو راكان... اي احد يسئلج كوليلة اقاربنه من بعيد و فضي السالفه،، حرام علينه انسوي شي لو مانتقبلهة هم عدنة بنيات احتمال الله يراوينه بيهن نفس شي، ،