#الجزء_التاني....
ارتما نوار ع الارض...ومات والدم بلش ينزل منو ...حكاية ما تحملت اعدت بالارض وبلشت تبكي وحاطة ايديها ع راسها ...
ارب منها لؤي (لؤي شب عمرو 26 خريج هندسة وعايش لحالو بحمص واهلو برا البلد ...طويل والو عضلات اسمر ...وعيونو خضر) ماعرف لؤي شو يعمل
_شو اسمك
وهي بترجف
_حكاية
_شو !!
_اي هيك اسمي
_طيب حكاية لازم تطلعي من هون هلئ خلص الكل ح يعرف يلي صار بعد شوي
_كيف بدي روح ع الشام
_انا بساعدك
اخدها وراح لحتى يأمن عليها طبعا الطرقات مسكرة كلها وماعاد تئدر تطلع من حمص ...
_شوفي حكاية بعرف طرق بس من البرية ... ح نصير نروح مشي بس بنطول ترى
_طيب ...
لاحظ لؤي الخوف بعيونها منو
_شوفي حكاية بدي منك ماتخافي مني ...بوعدك حافظ عليك وما اتركك لحتى امن انك صرتي بخير..
مدت ايدها حكاية لعند لؤي وفتحتها ...حط ايدك هون ..
استغرب لؤي...
_يلا حطها شبك
حط ايدو بايدها ...
_وعدني ما تأزيني
_بوعدك ..وابتسم بهدوؤء
بلشت معاناة حكاية بليل يئعدو وبالنهار يمشو...
_انتي نامي هون
_وانت وين تروح.
_ح ضل فايئ انتبه عليكي
_لاتروح ولاتنام ممكن
_اطمني .. نامت حكاية باول ليلة ولؤي ساند ظهرو ع شجرة وبفكر وفجأة بلشت تتحرك حكاية وتأن بنومها
_حكاية ...كانت حكاية بتهدس
_انا ئتلتو
_حكاية
_انا السبب ...بيتنا راح بابا ...كلو بسببي
مسكها لؤي من كتافها وهزها فتحت عيونها وهي بتبكي...ضمتو ل لؤي بدون ما تحس وهي تبكي
_انا صرت مجرمة
_انتي ما عملتي شي...انا يلي ئتلتو..انسي اذا بتريدي...حكاية وعديني تنسي يلي صار ...ومد ايدو
_بوعدك ...وحطت ايدها ع ايدو
_لؤي انا جعت كتير
_طيب بروح شوف اكل من شي بيت أريب
_وانا
_انطريني هون
_لاء مستحيل يا خدني معك او بلاه الاكل
_طيب امشي
لؤي جبلا اكل واعد قبالها وهي تاكل وهوي ابتسم ...
_ههههه كلي بهدوء حكاية
_جوعانة لان...مابدك تاكل
_شبعي انتي هاد المهم...جابت السندويشة بايدها وعطتو نصها ...كول
_يسلمون حكاية..صح لي هيك اسمك غريب
_اسمي غريب بس الو قصة بتحب تسمع
_اي اكيد
_بابا وماما تزوجو بعد قصة حب طويلة دامت 5 سنين ...وانا الكبيرة عندون ...اول ما خلئت فكر بابا وال انا دليل حكاية حبون...وسموني حكاية ههههه
_هههه غريب والله بس حلو
_شكرا
وهيك بلشت تمضي ايام حكاية ولؤي خوف جوع ورعب
واخيرا وصلو للعاصمة اخدها زبط اوراقها
وصار لازم يبعتها لعند اهلها بعد 15 يوم ضلون معها وتعود عليها
حجزلا بعد 12 ساعة
_حكاية
_نعم
_ما بئولو كل شخص بيتمنى يكون في عابر بحياتو يحكيلو كلشي بالبو ويروح وماعاد يشوفو
_صح
_جعبالي احكي يلي جواتي الك لارتاح
_طيب يلا احكي ...وضحكتلو ضحكة خفيفة
#يتبع…
كمل ولا لا وين دعمكن
