انك تِغتَص وتتوجع لحالك هو شعور أسوء من كل هاي الغصة والوجع،
قلبك رح ينبض بحزن وانت لحالك، وتصيبك نوبات الإكتئاب وانت لحالك ومـ'حدا معك، وبالنهاية بيجوا شوية بشر بكذبوا كذبات حلوة وبقولوا : "احنا معك، احنا حدك"، بس انا توجعت كثير وانا لحالي ومشفتش حدا منكم حدي!
رغم انه في اكم حدا حكالي كذبات الناس الحلوة الا انه كان صادق فيها، لانه مستسلمش من سكوتي وبكائي بذات الوقت، لانه ميأسش من كتماني، لانه بكل مرة قلت مـ'حدا حدي هو وقف حدي!، وبعمري وطول ما انا عايشة مش رح انسى هدول الناس، الي صدقوا وسط كذبات الناس المزيفة والحلوة!
الناس بطلوا يفيدوني، بس سورة يوسف هي الي بتفيدني وبتريحني نوعاً ما!؛ لانه ببساطة بتعطيني دافع لحتى اكمل؛ لانها وببساطة سورة بدت بحلم انتهت بحقيقة، لانها سورة حكت عن الظلم بانواعه وبالنهاية الفرج عن المظلوم، لانها بدت باوجاع واوجاع وانتهت بفرح وسعادة!
رغم اني حاسة اني اكبر فاشلة بالدنيا، ورغم احساسي بانه وجودي وعدمه واحد الا اني مستمرة بالحياة والنمو وسَط يأسكم مني، لاني متأكدة انه بيوم رح انجح وربي رح يفتحها بوجهي ويرزقني بفرحة اسجدله فيها سجود طويل من السعادة!
ورغم كل وجعي ولملمة شتات نفسي الي إكتئب وتعبت ونجرحت ونكسرت وتناثرت على الارض وفاتت بنوبات الإكتئاب المُرة، الا اني بقدر امر من كل هاي المراحل الموجِعة، بقدر اصحى على حالي والملم كسري واعالج جرحي!
وبالنسبة لحياتي الي ما بتعرف غير لونين!
حياتي السودا والبيضا، بقدر احمل الالوان الفاهية والَّونها، ورح انجح بتلوينها، ورح يشوفوني الناس الي كرهوني وانا اسعد منهم وافضل منهم حال،
رغم وجعي بعمري ما رح اظهرلهم اني بيوم نأذيت بسببهم، انهم بيوم قدروا يجرحوني، وبتعرفوا؟ رح يجي يوم اقتلهم بطيبتي معاهم فيه، صح في محل بقلبي رح يكره هاد الموضوع، بس بالنهاية هم الي رح ينخدشوا من طيبتي الي ما بتنتهي؛ لانهم ببساطة رح ياكلوا حالهم ندم على الي عملوا فيي!
من عائلتي، لاصحابي، للمفتريين، للغدارين، للظالمين ، واهم شي للناس الي لبسوا قناع وتقمسوا معه شخصية "الصديق الحقيقي/ توأم الروح!"
وحياة هالاتي السودا الي نَمَت من تعبي وتفكيري الطويل وسط هدوء وكئابة الليل الا يجي يوم تتندموا فيه بوحشيتكم الدامية معي!؛ لانه ببساطة ربي رح ياخذ حقي من كل انسان اذاني وظلمني وجَرَح ولو جُرُح صغير بقلبي!
ورح اضلني قوية واحارب، وشوفوا كيف رح انجح ببساطة وسط حكيكم بالسوء عني ووسط كرهكم الي كل يوم بيزيد اكثر!
#M_A
أنت تقرأ
خواطري
Randomسأكتب ما يخطر لي من كلمات !! سأكتب حتى تنتهي الكلمات !! حتى لو كانت هذه الكلمات لم تعجب احد .. سأكتب حتى النهاية !! سأكتب باللهجتين : العامية والفصحة وليس كل ما اكتبه شيئ قد حدث او اذاني !! انما هي مجرد خواطر من عندي قد تحدث مع اي شخص ...
