هيله يا رمانة ... هيلا يمه ... من هيه الزعلانة ... هيله يمه
تمني ..... تمننننني ... وينج يله نزلي يمعودة مو هاله صار له ساعة تصيحج ...كلبها انشلع
لحضه لحضه ... لهيها بأي شي ... خلي بابا يروح يمها ... هسه أجي
فتح باب الغرفة ودخلت بغضب مندفعة
متكوليلي شنو هالدفتر الصارلج ساعتين تقرين بيه
دفتر مذكرات هاله
يا هاله ؟؟؟
يعني أكيد مو هاله بنتي العمرها سنتين
زين شنو مكتوب بيه
كل شي عليهم هيه وبابا
أررررريد أقره
دهاج اقري بين ما أنزل أسوي حليب لهاله وأنيمها وأجيج نكمل الباقي سوه .... أني وصلت للصفحة الي أبويه حجه بيها إلها السبب
سببيش ؟؟؟
دقري اقري بين ما أخلص وأجيج
****************************************************
أنا تمني جميعكم تعرفوني أمنيه هاله الخالدة أبلغ من العمر الآن الرابعة والعشرون
تسكن في أحضاني الآن هاله طفلتي الشقية التي ﻻ تنام إﻻ في أحضاني وأنا أدنن لها .... هيله يا رمانه ... تماماً كما كانت جدتي رمانه تدنن لي ليتني أحمل جمال صوتها ليت وكم من ليت مرت على حياتي
