قمت من النوم بطلت جهازي في احد كلمني وانا نايمه بعدين رحت الحمام خذيت شور ونزلت اكل الفطور
انا ساره
من كنت صغيره وانا اسمع امي وابوي يتهاوشون ودائما تنتهي هذي الهوشه في ابوي يطلع من البيت وامي تتم قاعده وتطلع حرته فيني مرات اقول حرام لانه ابوي كان يصرخ عليه ومرات اعصب انه انا اكون مستانسه واهيه تطلع حرته فيني
امي اسمها نوره و ابوي اسمه طلال انا اكبر وحده مع اخوي الصغير امي كله تطلع ولا تهتم فينه وايد انا ربيت اخوي ليمن امي يابت اخوي انا كنت في الصف التاسع اهوه كان اجمل شي في حياتي كنت العب معاه اهتم في كل شي اطبخ له والبسه واسبح كنت ايمع فلوس عشان اطلع معاه واغير جوه ومرات اطلع نمشي ونسمع اغنيتنه من كثر حبنه له نغني معاه ولا نغلط في كلمه وحده او حرف واحد فيه
اخوي عمره ٧ سنين واسمه ابراهيم يحب يلعب اكثر اكله يحبه معكرونه مع دجاج كنت كل اسبوع اسويه هل وكل يوم خميس انروح الزواره ويوم الجمعه نروح البحر والسبت نروح الالعاب
اليوم يوم السبت وقلت حق امي وابوي نروح نلعب رحنه وفي الطريج ابوي كان معصب من امي وامي كانت تحاول تراضي لانه اهيه الغلطانه انا كنت العب مع اخوي جان اسمع صوت امي تصااااارخ دير بالك
ودعمت فينه سياره
امي كان عنده خلع في الرجل وانا رضوض مع اخوي بس ابوي مات كنت كل يوم ابجي واقول يريت انا مو اهوه وكل يوم اتذكر كل شي صار تميت شهر كله احلم في الحادث واقوم ابجي واصرخ واخوي الصغير يلمني ويقول لا تبجي سارونه انا احبج لا تبجي واهيه تحضن اخوه وتحمد ربه انه عنده اخو مثل هذا
بعد سنتين انا صرت في الصف الثاني عشر وكنت ١٨ انا من كنت في السنه الخامس عشر ايمع فلوس حق السياره ومع ورث ابوي شتريت السياره الي ابيه شتريت مني كوبر لونه احمر صرت اودي اخوي الروضه واروح المدرسه عندي رفيجه اقصد اخت اسمه موضي هذي اعز رفيجه عندي احبه واايد كل ما احتاجه موجوده وكل ما انا احتاجه اهيه موجوده اهيه الوحيده الساعدتني في موضوع وفات ابوي طلعتني من التعب
اليوم وانا طالعه من الجمعيه كان في شباب يلحقوني وانا مالي خلق احد ليمن ما رحت مدرستي وبعدين وقفو ونزل واحد هذا يوسف
يوسف عمره ٢٠ اول سنه جامعه يدرس في جامعة الخليج وراح يصير مهندس عنده مشاكل مع امه وابو بس ماشي حاله اعز صديق عنده اسمه خالد هذا بنسبه له اخو واكثر
انرد حق ساره
انا ابي اطلع عشان ادش المدرسه وفي واحد ياي يكلمني انا ما احب اكلم احد او اي شي كان ياشر لي بطلي الجامه وانا قول لا روح جان يتم واقف انا ما كنت ابي ادق على امي ولا ابي احد يدري وتصير فضيحه نزلت
