قمت من النوم الساعه ٥ الصبح ورحت اخذ شور نشفت شعري ولبست نفنوف خفيف وخذيت جنطتي شلت تلفوني من الشحن ولبست السماعات وشلغت غنية a drop in the ocean و طلعت من الشاليه رحت البحر افكر في يوسف
شلون هذا الشخص دش فجاه في حياتي وفتح قلبه لي ووثق فيني وارتاح لي انا كنت افكر انه محد يحبني ويهتم لي ولا شي كنت كله احس في الوحده وانه احتاج احد معاي يفتح لي قلبه وافتح له قلبي يفهمني ويعرف انا شنو
اليوم الساعه ٨ راح انرد البيت وانا مخلاصه غراضي لانه من كنت اخذ شي ارد الباجي بالجنطه عشان اقدر استمتع في اخر ساعات لحريتي
انا انسانه اعشق البحر احس اهوه الي اقط له همومي الي افتحله بس ليمن يه يوسف حسيت شي غير بس انا توني عرفته بس الي بيناه صداقه لا اكثر ولا اقل لانه مابي احب احد راح يكسر قلبي في النهايه
رحت بعيد ولحضت انه اذه كملت ماكو وقت ارد فيه رديت وقبل لا اوصل قعدت شويه وشفت في جنطتي وكان ثقيله حيل وتذكرت انه خليت العصير الي احبه كله بجنطتي وماشلته خوف انه احد يشربه وانا رحت وتعنيت عشان اييبه
دق علي يوسف بس مارديت شفت التلفون وتنحت قعدت افكر تسكر بعده بشويه دق مره ثانيه وانا متضايقه مابي ارد واضيق خلقه بعد
انا محد معاي كله مع نفس اهلي ما ينقال عنهم اهل احب اكتب احب ارسم اعشق شي اسمه اغاني احب البحر اقعد اسبوع اشرب فيتامين سي بس ما اكل عادي كثر حبي هل عصير
انا من كنت ف المدرسه والكل يعيب علي ويطلع عني حجي ليش كل ما اتعلق مع وحده واحسه اكثر من اخت لي تروح من وراي وتخرب سمعتي
الي يقهرني ويضايقني اني ما سويت لهم شي اساعدهم ومن يحتاجوني انا اول وحده اكون واقفه معاهم بس ليمن احتاج احد محد يكون موجود لي محد يهتم انا فيني شي وله لا
حطيت راسي على ركبتي وقعدت تدمع عيوني على حالي على وحدتي على الي رفيجاتي سوو فيني على ابوي الي ماراح اشوفه مره ثانيه على تعب الي اتعبه ومايكفي بعين احد
قعدت ابجي وابجي ٢ ساعتين وانا ابجي بلاعيمي قعدت تعورني حيييل قمت وخذيت تلفوتي وشغلت غنية young & beautiful somo قعدت اسمع وانا امشي كنت احس في دوخه بس قلت يمكن اني قعدت واايد ابجي ولا عطيت الموضوع هتمام
بعد مسافه اوصل الشاليه جان يدق علي يوسف رن رنه رنتين وانا عيوني تدمع رديت عليه
يوسف:ساره وينج شفيج دقيت ثلاث مرات فيج شي ساره ردي عليي
ساره:يوسف انا تعبانه احس في دوخه انا انا مكسوره محد يحبني محد يهتم فيني ماكو احد يقدرني وله يسمعني مافي احد اشكيله حالي انا اشكي لنفسي ابجي مع نفسي اتضايق وانقهر وليمن اطلب من احد انه يوقف معاي يرفض بس انا كنت موجوده له متى ما يبي ويحتاج انا مكسوره انا تعبانه انا متضايقه
