تميت افكر فيه رحت غرفتي بدلت ملابسي وانسدحت الكل كان موجود بس انا مالي خلق احد قعدت ارسم واسمع غنية شوق اسماعيل مبارك هل غنيه احب وايد ليش مادري بس مرات ليمن يكون متضايق يسمع الغنيه وتكون الغنيه جنه مسوينه لك او لج وتمشي مع كل شي صار بحياتج وانا ارسم دمعت عيني لانه تذكرت شي ماودري اتذكره وليمن خلاصت صورته وحفضته عندي
دشت علي امي فجأه
الام:ساره عيال عمج وعيال خالتج بيون شرايج تروحين تتمشين ادري ما تحبينهم ويقثونج اصلا
ساره:اي والله خلاص ابدل واطلع رحت حق امي ليمته وحبيت راسه
بدلت ملابسي لبست جنز لي الفخوذ وبلوزه ثري كورتر ابيض ومخظه احمر وخذيت الفلات الازق وفيه ورده حمره مع جنطتي الصغيره
وانا طالعه قلت حق امي تحتمال اروح اخذ قهوه وجم شغله من السوق الي يم الشاليه قلت اوك طلعت وانا ماسكه الفلات حطيته بالجنطه وطلعت تلفوني مع السماعه ركبته وشغلت غنية somo kings and queens وقعدت امشي عند البحر ليمن وصلت بعيد وانا راده دق علي يوسف
يوسف:الو ساره
ساره:هلا يوسف شفيك
يوسف: انا محتاج احد اكلمه تقدرين تيين
ساره:انشالله افا عليك بس انت وينك ؟؟
يوسف:مساع رحتي مكان الفلاني وسمعتي صوت ركضتي ردي بهل مكان انا كنت مناك وليمن ييتي انخشيت
ساره:اوك انا الحين يايه
حسيت انه لازم اروح اساعده حسيت انه فيه شي ومتضايق من صوته وانا امشي فجأه قمت اركض له طنت اخاف يصير شي وصلت وانا تعبانه مافيني نفس
طلع يوسف وركضلي عباله فيني شي او موقادره اتنفس الصراحه ماكان في نفس لانه ركضت بسرعه وبكامل طقتي
يوسف:هاها شفيج ليش كنت تركضين هاج ماي شربي
ساره:خذيت الماي وشربت بعدين قلت له خفت فيك شي من جذي عادي عادي المهم شفيك فيك شي صوتك يقول متضايق
يوسف :تعال خل نقعد
سوري بس تعبت راح اكمل البارت بعدين
فوت كومنت
