فرصه ثانيه

الحلقه الاولي❤

الحلقه(1)
لايك قبل ما تقروا وتعليق بعد ما تقرو
لو لقيت في تفاعل ح انزل كل يوم
.
.
.
.
.
.
.
..
خلي نبدو👇👇
#فرصه تانيه
عند عيلة رنا
امها:رنا نوضي الساعه 6:30معاش وقت ع مدرستك 📖وتي روحك وانزلي افطري
رنا: باهي يا ماما 10د بس نبي نرقد😴
امها:قتلك نوضي مش منك ماهو من السهر ع النت📱 نوووضضيي😠
رنا:اهو نضت هي😣😣
ناضت رنا ولبست ونزلت لقت امها وبوها وخوها يفطرو
رنا:صباح الخير
بوها :صباح النور 💖
خوها(احمد):هوا يلي يشوف وجهك مزال يجيه الخير 😂
رنا :قعد خير من وجهك😑
احمد:انوضلك ره😬
رنا :شن تحساب روحك كان درت عضلات💪 خلاص😏😏
احمد:شوف بنتك يا بوي
بوهم :😂😂😂
امهم:خلاص كبرتو ره واللهي ما تكسابو ذرة عقل تقولي صغار في الابتدائي
احمد :هيا افطري بسرعه يا طشه والحقيني للسياره
رنا:باهي باهي يا بليد -هي باي ماما باي بابا
طلعت رنا وصلت للباب وولت تجري بابا بابا
بوها:خير شم في؟؟
رنا:نبي فلوس💵عيد ميلاد صحبتي 🎉اليوم ونبي ناخدلها هديه 🎁
بوه:كم تبي
رنا:نبي.... .
بوها:هاك تعالي خودي
رنا:جت باست بوها شكرا يأحلى بابا
بوها:هي بري يامهبوله خوك يستني
امها:فيسع بري😙
ركبت رنا للسياره وصلت تلفونها ب مسجل السياره وقعدت تسمع
لين اتصلت بيها صحبتها ملاك
ملاك:الو وينك يا معفنه عطلتي يا حيوانه مش اتفقنا بناخدو سيلفي كل يوم قبل ما اتجي الاخصائيه اي حقى منو بيجيبك خوك الطرف💖ولا بوك💔
رنا :اول شي خودي نفس تاني شي انا قريب نوصل تالت ببااايي
احمد كان يضحك
رنا: شن يضحك فيك
احمد 😂😂شكلها صحبتك مخنشه زيك
رنا :امممم شن رايك انت😒😒
طبعا شويه ووصلو قدام المدرسه اتلفت احمد القي رنا تشبحله وتبتسم😊😊👧👀
احمد:شن تبي من الاخير
رنا:يا وخيتي سلملي خوي حمادي💋 يلي يفهم ع الطاير
احمد:لسني لسني
رنا:بنبرة بريئه نبيك ترفعني بعد المدرسه ناخد هديه لصحبتي
احمد:يصير خير
رنا:قولي ايه👍ولا لا👎
احمد:باهي انزلي
نزلت رنا من اهني وجوها صحباتها من اهني اتضبطو بعض تقول ليهم سنين معاش تلاقو
خشو للمدرسه وقعدو يهدرزو لين رن جرس الطابور
مكانش خاطرهم في الطابور
رنا:واك مخاطريش في الطابور بكل
ملاك:ولا انا--ملاك:فكره
سرور:فكيني من افكارك ماوراها الا المصايب
رتاج:فكونا عندنا الاولى كيمياء لازم نحضروها
رنا:اسكتي اسكتي مرض يرفعها ابله الكيمياء
هدى:امين
ملاك:فرخه سرور وفرخه رتاج اسكتوا خير ما انجي ناكلكم
سرور&رتاج اسكتنى😐
ملاك:خلي نقوللكم فكره اتريحنا من ابله الكيمياء ومن الطابور مره وحده
رنا:شنو هيا
هدى:اي اي تكلمي هيا
سرور &رتاج لالا فكونا
ملاك :غر اسمعو
طبعا اول حاجه بنديروها هيا ......
يتبع#فرصه تانيه