لقت امها جاياها تجري
امها. تي خيرك تعيطي يافرخه
سرور. شن جيبهم صغار بنتك وولدك توا 😢
امها. خلعتيني ياعن😬 شكلك اختك ومرت خوك حطو صغارهم وطلعو مع بعض مش عارف وين بيمشو
سرور. بايتين😢
امها. لا
البنات . كيف حالك ماما امل طبعا يقولو لامهات بعض ماما لان علاقتهم قويه هلبا
امل. بخير الحمد الله سامحوني لهيت في هالمهبوله
البنات. ههههه لالا عادي
خلي نعرفكم علي عائلة سرور
بوها جمال عمره50راجل كويس ومحترم
امها امل عمرها 48طيبه وحنونه بس احيانا تكون شديده
خوها محمد متزوج عنده بنت بطير بتجنح عمرها3سنين عمره 30 نقشه علي الاسمر ولحيه وعضلات وجنتل ويحب مرته ويموت فيها
مرته اسراء عمرها23كويسه وطيبه تهبل ومتفاهمه مع حماواتها واللاها(ام راجلها)
ومتزوجه علي قصة حب خرافيه
خوها. امير مواليد95ولد طيوب بس عصبي خاطب بنت خالته توا نتعرفو علاها
اختها وفاء متزوجه عندها بنت وولدين بيجبدو من السمي شقفه😂 علي قولت حناي عمرها 24وراجلها صاحب محمد
اختها تويبه مواليد2003قصيره والوحيده يلي جت تشبه امهاعيونها واسعات لونهم عسلي وشعرها طويل ولسانها احرف من سرور
خلي نرجعو لروايه
مشو البنات بدلو خدو من سرور ورقدو باش يصحصحو
في حوش رنا
احمد السلام عليكم
امه. وعليك السلام
احمد.وين الفرخه رنا امانا
امه.عند صاحبتها تقرا
احمد.اماوحده
امه.علي الاساس تعرفهم انت😒
احمد . أ....أ لالا غير نسأل 😥
امه. امممم
احمد اني راكب نوضيني وقت الغدي
احمد قريب فضحت روحي اول مره بنت تاخد عقلي وتفكيري لازم مانعترفلها معاش نتحمل خلاص قعد يفكر لين خداه النوم
عند البنات
امل .نوضو بنياتي
البنات.شويه بس😢
امل. معاش في وقت باش تلحقو تقرو
ناضو البنات ونزلو باش يتغدو لقو امير
امير. اوووو فرخه رنا عندنا
طبعا رنا وامير كل مايتلاقو يتعاركو وعلاقتهم قويه لان امهاتهم صاحبات هلبا
رنا. سكر فمك فرخ امير😒
امير. احترمي نفسك يادريه😂
رنا. طالعتلك
امير.كدابه اني طويل😏
رنا. برا اقلب وجهك😤
البنات.ميتين بضحك😂
رنا . الطول طول عماره والعقل عقل حماره غير افهمه بلمذكر😏
البنات. ااوووو تم قصف الجبه ههههههه
امير. سكرو فمكم يافرخات😤لا والهي انجيكم
رنا. ياي قرندايزر
رتاج. ياترامب
هدى .ياابوشهاب
سرور وملاك .غير راهو يطربقلك عرق بس
امير قعد يجري وراهم وهما يضحكوعليه كيف معصب
امل. اكبرو عاد درتو العار
البنات. هوا الاول
امير. والله الا هما
امل . سكر فمك انت وياهم وتعالو تغدو وانت فرخ امير حسابك بعدين
البنات بهزوه . فرخ امير مسكين ههههههه
امير. اميييب
امل. خلاص تعالو تغدو
مشو يتغدو
سرور. شن جيبكم انتم
بنت اختها رزان. والله ياماما حوش حنينه
سرور . حي هلي طولت اللسان يافرخه كولي واسكتي
البنات. يضحكو
خش بوها
بوها . السلام عليكم
البنات . وعليك السلام كيف حالك عمو
بوها . الحمد الله كيف حالكم انتم
البنات. الحمد الله
الصغار . جدوووو راهو😈........ يتبع
#فرصه ثانيه
أنت تقرأ
فرصه ثانيه
Lãng mạnقصه ليبيه خياليه ماليهاش اي شي بلواقع تحكي علي مواقف اتصي معانا نتمنى انها تعجبكم ❤
