حب حياتي

بارت 2

قمر:اخذت الاسئلة اللي نطانياها كرار وقريتها ورحت للامتحان وشفته واكف بالباب ماهتميت رحت للمدرسة وشوفت البنات الاسئلة اللي نطانياها كرار متحنه وفعلا اجه سؤالين من الاسئلة اللي نطانياها كرار
طلعنه من الامتحان
مريم:عااااا لكم الاسئلة سهلة جاوبت اني وانتو
رحمه:اني هم جاوبت وخاصه السؤالين الرابع والسابع والفضل يرجع للحب مو قمر 😉
مريم:اي والله لج هذا صدك يحبج
قمر:والله هاي تخيلاتكم انتو ماكو هيج شي وبعدين حتى اذا يحبني اني شعليه اني اكره هاي السوالف مال حب ومادري شنو والشباب كلهم يدورون لعب واني ما اصير لعبه لواحد وكافي
مريم:والله بكيفج بس هو مبين خوش ولد
رحمه:اي والله صحيح
قمر:نجبوا عاد كافي امشي نطلع
رجعت للبيت وهم جان كرار واكف بالباب صاح عليه
كرار:رجعت قمر من الامتحان سألتها ها بشري شلون جاوبتي
قمر:اولا شكرا عالاسئلة اللي نطيتنياها
وثانيا:هالشي ما يخصك اذا جاوبت او لا
وثالثا:بعد لا توكف يم الباب لمن يجي الخط اذا عندك شغل الصبح انتضر يروح الخط واطلع اني ما اريد تجيني حجايه مو زينه اذا احد نتبه عليك اني ابتلي فهمت
كرار:قم.....
مالحكت احجي وياها عافتني ودخلت للبيت بس ردها عجبني لان ما تنطي مجال لاحد
بس حقها اني هم ما اريد احد يحجي عليها قررت اراقبها الصبح من ورة الباب

قمر:بدلت وتغديت وگعدت اقرة الى ان صارت الساعه 10 تعبت وكعدت اتصفح نت شوية وانام فتحت الفيس وطلعت طلبات الصداقه وشفت طلب من كرار حذفته وقفلت الجهاز وبقيت افكر هو صح حلوو وشكله خوش ولد بس اني ما اريد اخون ثقة اهلي وهو اكيد مثل باقي الشباب بس يلعب عالبنات بقيت افكر هو يحبني لو لا اووو تعبت خل انام نمت وجان يوم خميس والسبت عدنه امتحان كيمياء

كرار:تعرفت على اخو قمر حباب بس اني علمود قمر وشفت اخوها الصغير بس فدووة لالله يخبل المهم سألت اخوها اذا عنده حساب فيس وكال اي عنده كال اسم حسابه ودزيتله طلب صداقه ووافق دا اگلب بالمنشورات وشفته ناشر صورته ووحده معلقتله (منور اخويه حبيبي) عرفت هاي قمر دخلت على حسابها وفعلا جانت هي دزيتلها طلب بس حذفته ورجعت دزيتلها بس ماوافقت عفته ونمت

قمر:كملت امتحاناتي وانتضر النتايج طبعا كرار من بعد ما حجيت عليه بعد ماشفته ابد بس الصراحه ما اهرف ليش ضجت عليه

وبعد الامتحانات بيوم جنت نايمه العصر اجتي ماما گعدتني
ام قمر:قمر قمر حبيبتي گومي
قمر:ها ماما اريد انام
ام قمر:گومي هاي جيرانه اجتي وتريد تشوفج
قمر:منو جيرانه
ام قمر:جدة كرار وامه كومي
قمر:اي ماما گمت
رحت غسلت وجهي وعدلت شعري ونزلت
السلام عليكم
الكل:عليكم السلام
ام كرار: يمه صلووات عالنبي شنو هالجمال هذا
قمر:تسلمين خاله عيونج الحلوة
جدة كرار:اي والله گالولي انتي حلووة بس ما توقعتج بهالجمال
قمر:😊😊😊

صارت ماما واهل كرار كلش صديقات

خابرتني مريم ثاني يوم الصبح
لج قمر راح تطلع النتائج هسة
قمر:جذب
مريم: وجع امشي على عمو كوليله يطلع النتائج
قمر:رحت على بابا كتله بابا طلعلي النتائج
ابو قمر:لحضه
بقيت ادور عالنتائج بس ما لگيتها
قمر:لعد هسة شلون
واحنه گاعدين ندك الباب
قمر:اني افتح رحت فتحت الباب وشفت كرار
كرار:😊 هلاوو
قمر:اهلين
كرار:النتائج طالعه واني راح اطلع نتائج بت عمي اذا تريدين اطلعلج نتيجتج
قمر:والله اي حباب هسة بابا حاول يطلعها بس ما طلعت
كرار:يلا هسة اطلعها شنو اسم المدرسة
قمر:******
كرار:طلعت وي اختي بنفس المدرسة
الرقم الامتحاني
قمر:*******
كرار: اي طلعت
قمر:والله شطلعت احجي
كرار:ما توقعتج هيج تطلعين عبالي شاطرة
قمر:كمت ابجي 😭😭😭😭😭 ليش
كرار:😂😂😂😂 يمعودة اشاقه وياج ناجحه ومعدل 98
قمر:ضربته على جتفه خفيف عابت خوفتني
كرار:😂😂😂 خبله يلا اني رايح
قمر: شكرا تعبتك ويايه
كرار: تدللين تعبج راحه 😉

قمر:دخلت كلت الاهلي وفرحوا كلش وخابرت البنات
بنااات نجحت وبمعدل 98
مريم:الف مبروووك حبي اني هم نجحت ومعدلي 90
رحمه:اني هم نحجت ومعدلي 93
قمر:الف مبرووووك حبيباتي
رحمه:لج شلون طلعتيها اني شلعت گلبي يلا طلعت
قمر:اي بابا حاول يطلعها بس ماطلعت
مريم:لعد منوو طلعها
قمر:كرار اجه طلعلياها
مريم:جذب
رحمه:يمه الحب يمه
قمر: هههههه طاحضكم يا عوبات

قمر:بالليل احنه گاعدين جان يندك الباب طلع اسيد يفتح الباب اجه جان يگول كرار جاب كيكه مال نجاح قمر
قمر:😳😳😳
طلع بابا گاله الحجيه دزت كيكه لقمر بمناسبة نجاحها
جاب بابا الكيكه كاتبين عليها( الف مبرووك النجاح يا احلى قمر)
كلش فرحت مو بالكيكه بس صدگ حسيته يحبني

كرار:كلش فرحت بنجاح طفلتي حبيبتي اني حجيت وي لمار اختي اني كلشي احجيلها وعرفت اني احبها گالت گوم اشتريلها كيكه مال نجاحها شتريتها ووديتها الها جنت مقرر بس تخلص الرابع اروح اخطبها  كلت لاختي اريدج تتعرفين عليها هي وياج بالمدرسة

اجتي السنه الجديده واني هسة رابع علمي
داومت اول يوم وشفت صديقاتي واحنه كاعدين اجتي عليه بنيه كالتلي انتي يا صف
قمر:رابع علمي
لمار:انتي اسمج قمر موو
قمر:اي صح بس منين تعرفيني
لمار:اني لمار
قمر:تشرفت بيج حبي
لمار:اني اخت كرار جيرانكم وحبيت اتعرف عليج ونصير صديقات
قمر:اممم تشرفنه حبي اعرفج البنات مريم ورحمه صديقاتي

صرنه اني ولمار صديقات كلش
وكرار جان كل يوم يوگف بالباب لمن يجي ياخذني الخط بس اغلس

بيوم جنت العب بالفون صاحتني ماما كالت
تعاي حطيلي مي حار عالطباخ
قمر:حاضر ماما
حطيت المي وحمه ردت اشيله وتكبه على ايدي منه ونحرگت ايدي كمت اعيط اجتي ماما رحنه اني وياها على الصيدلية ضمدت ايدي ثاني يوم داومت وجان كرار موجود شاف ايدي ماهتميت بس كمت انتضر اليبح يجي حتى اشوفه ما اعرف شنو مشاعري بالضبط بس مابينت هالشي لكرار

كرار: اجه خط قمر وطلعت شفت ايدها ملفوفه تخبلت شبيها ايدها وجانت لمار بيومها ما مداومه يعني ماتكدر تسالها

رجعت من الدوام نزلها الخط براس الشارع وهي اجتي تتمشى رحت سالتها شبيها ايدج
قمر:مابيها شي
كرار:شنو ما بيها شي شوفيها ملفوفه (احجي وياها ولازم ايدها)
قمر:كرار شبيك هد ايدي اذا احد شافنه هسة راح تصير مشكلة
كرار:لا تخبليني شبيها ايدج
قمر:كمت ابجي لان جان ضاغط على ايدي تاذيت كتله نحركت هد ايدي
كرار: شفتها تبجي مسحت دموعها ولزمت وجهها بايدي كلتلها والله اسف مو بقصدي بس خفت عليج
واحنه نحجي سمعنا صوت يصير قمممررر بس بعصبيه
قمر:سمعت اسمي بس واحد جان معصب لتفتت وشفت......

منو تتوقعون شاف قمر وكرار
وشنو راح يصير

تفاعلوووو حتى انزل بارت جديد