حب حياتي

بارت 1

قمر:طلعت من الدرس كالت مريم
مريم:لج قمر هذا الولد مرة شفته يم بيتكم موو
قمر:اي هذا جيرانه يمكن
رحمه:بس ترة صاك
قمر:واحنه شعلينه امشي نروح
رحمه ومريم طريق بيتهم يختلف عن طريق بيتي هم راحو واني امشي وحدي وحاطه سماعه باذاني اسمع اغنية اجتبية هادئة كلش تريحني واني حاسه اكو سيارة تمشي وراية بس مغلسه  وكفت يمي سيارة جان يدك هورن
كرار:طلعت من الدرس وشفت قمر تمشي وحدها بالشارع مشيت وراها بس ما نتبهت حاطه يماعه باذنها اخر شي وكفت يمها ودگيت هورن جان تصيح
قمر: خير شتريد صار ساعه لاحكني شكو
كرار: شفتها مدت لسانها وتحجي ههههه طلعت راسي من الشباك كلتلها اني جيرانكم وطريقنه واحد امشي اوصلج
قمر:يمه فشلت الفشلات خرب حضي كتله شكرا ما اريد
كرار: لج دا اكلج طريقنه واحد امشي اوصلج
قمر:وبيتنه قريب ميحتاج اصعد وي واحد ماعرفه وعفته ومشيت وحطيت السماعه باذني وعليت الصوت اكثر حتى ما اسمعه اذا حجه وصلت للبيت دخلت بدلت ملابسي وگعدت اقره بقيت اقرة الى ان نعست ونمت

كرار:عصبتني كلش هالبنية بقيت امشي وراها الى ان دخلت للبيت واني هم رحت نمت

قمر:رحت ثاني يوم للمحاضرة وجانو البنات والشباب موجودين دخلت وبلش الدرس
الاستاذ يشرح جان يلتفت كرار باوعلي وبتسم اني غلست جان مريم تضحك كلتلها شبيج كالت ما نتبهتي
قمر:على شنووو
مريم:يمعوده شغله صارت البارحه وهم صارت هسة
قمر:احجي عدل ترة كلشي مافتهمت
مريم:خليها بعدين
قمر:اوووك غلست بس ما فتهمت على شنو تقصد
مريم نتبهت على كرار كل مرة قمر تلتهي تحل هو يلتفت ويبقه يباوعلها بعدها يندار بس الثولة بنت عمي ما منتبها
قمر:واحنه كاعدين طفت الكهرباء طلع الاستلذ يشوفها رجع جان يكول
الاستاذ:مع الاسف الكهرباء عطلت وفد نص ساعه يلا يجون يسووها والجو حار شنو رأيكم نطلع بالحديقه ندرس
الكل: اوووك عادي
طلعنه كعدنه عالكراسي ونفس الشي الاستاذ رتبنه الشباب كدام كعدو واحنه ورة بلش الاستاذ يشرح وكرار لتفت اني سويت نفسي ملتهية وي الدرس

خلص الدرس وطلعنه اني والبنات
قمر:لكم خرة بعمي نكسر ضهري صارله ساعتين يشرح ما يكول هذوله خطية تعبوا ماتوا (حجيتها بسرررعه)
البنات:يمعودة على كيفج
سمعنه صوت ورانه هههههههههه خبال
كرار:طلعت وسمعتها تحجي وي صديقاتها وحجت على الاستاذ بس حجتها بسرررعه ضحكت على طفولتها ههههههه لج خبال
قمر:هاي عليمن
كرار:عليج صار ساعه بس لوك لوك لوك راح تموتين بس مو من التعب من الحجي 😉
ههههههه
قمر:اصلا ما تضحك 😒😒 يلا بنات
مشينه اني والبنات جانوا جايين على بيتنه نقرة اني وياهم سوة
كلت المريم لج مروشه على شنو ضحكتي اليوم
مريم:هههههه تبا للثول لج بابا انتي حوله ما نتبهتي
قمر:لا والله على شنو احجي
مريم:انتضري خل اسال رحمه
رحمه نتبهتي على شي صار البارحه بالدرس وصار هم اليوم
رحمه:عاااا انتي هم نتبهتي عبالي بس اني
قمر:بنات نعالات تحجون لا اموتكم
رحمه و مريم من صوت واحد:كرار
قمر:شبي كرار
رحمه:لج خرة بالغباء والله انتي ثوله
مريم:لا ماكو شي سلامتج بس هو يحب وحده
قمر:بشرفكم زين اني شعليه
مريم:خرة بحضي ياربي اكلج قمر الله لمن وزع العقول انتي وين جنتي
رحمه:اكيد جانت نايمه هههههه
قمر:😒😒😒😒 (ما جنت متوقعه انهم يحجون عني اني )
رحمه:بس الي يحبها كلش حلوة وثوله
قمر:منو هية كولولي اعرفها اني
البنات:اي حيييل زين تعرفيها
مريم:اي والله الله يصبره عليها
رحمه:بس خطية هسة تشلع گلبه
مريم:عادي اليحب كلشي يتحمل وبعدين هي جيرانهم يعني دائما يشوفها
قمر:بذاك الوكت فتهمت انهم يقصدوني اني
كلتلهم بنات عن منو تحجون
مريم:اوويلي يابه نحجي عنج كرار مبين يحبج وميت عليج
رحمه:اي والله من بداية المحاضرات وهو كل شوية يلتفت يباوع عليج بس انتي حيوانه وممنتبهه
قمر:هههههه انتو شتحجون هذا كله تخيلاتكم ماكو هيج شي
مريم:قنعي نفسج بهالحجي
وصلنه دخلنه بشارع بيت قمر وشفنه كرار واكف يم بيتهم ويباوع على قمر ويبتسم الها
كلتلها شوفي شلون يباوع عليج وترجع وتكول ما يحبني
قمر:اي اكييد ما يحبني (بصراحه جنت ابد ما مقتنعه بحجي البنات واكول يمكن يتوهمون)

اجت امتحانات البكلورية واني ميته خوف ومتوترة كلش جانت مريم بايته يمي كعدنه الفجر ب4 نقرة اني وياها صارت ب7كمنه بدلنه وتريگنه واجه ابو الخط صعدنه بالخط جان تضحك مريم ههههههه
قمر:شبيج خبله شو تضحكين وي نفسج
مريم:لا والله اضحك عليج ما شفني
قمر:منوووو
مريم:خررة بحضي لج كرار جان واگف يم باب بيتهم
قمر:لا والله ما شفته
مريم:انتضري هسة ابو الخط راح يلوف ويرجع حتى يطلع من شارعكم وشوفي
قمر:اوووك نشوف
وفعلا شفته جان واكف
مريم: يمه الحب يمه
قمر: اكلي خرة عوفيني اقرة يا عوبه
مريم:ههههههه

دخلنه للامتحان وجانت الاسئلة سهلة رجعت بالخط وجان اشوف كرار هم واگف يم بابهم عفته وردت افتح الباب جان يصيح
شلون جاوبتي
قمر:لتفتت وشفت كرار يباوع ويكلي شلون جاوبتي الاسئلة سهلة لو صعبة
كتله سهلة بس انت شعليك
كرار:هيج
قمر:😒
كرار:شنو عندج باجر امتحان
قمر:احياء
كرار:هاج هاي اسئلة مهمه كلش اقري عليها
قمر:شكرا
كرار:ولوو يدللو الحلوين 😉
قمر:دامشي روح
كرار:هههههه باي

تفاعلوووو حتى اكمل 😉😉

احبكم 😘