فصلية حبيبي🔞🔞🔞🔞🔞
(للكاتبه⚘ارجوانه)
البارت الاحد عشر
جنه :مرت الايام وكلشي عادي ماكو شي مهم جنت اشتغل ليل انهار والبنات خطيه بالبسكوت يساعدني لان ام علي متقبل وتراقبني وانه حيل احترمهه بس هي اوف شسوي امري لله علي مجان يريد نسوي اطفال مرت ٦ اشهر البنات طبن كلية وانه فرحتلهن حيل ونقهرت لان جنت حيل شاطره وردت اكمل لو ما ابويه وكف بوجه اخوتي وكوه كملت للسادس جنت واكفه اطبخ والبنات ثنينهم بالكلية وام علي بالكيليدور طبحت مقلوبه وتشريب اصفر و دجاجتين بالفرن وزلاطه وخضره وخبز حار خبزت والريحه تفتح الكلب تعبت ظهري اشنج من الوكفه كلت خل اسبح وامدد واروح اصعد ارتاح بين ميجون انزل احمي الغده واصبلهم تهدرت الكدور طفيتهم وطفيت الفرن رحت لام علي
جنه : ماما اني صاعده ارتاح واغسل الاكل كمل والدجاج استوه وتهدرن طفيتهن خو ممحتاجه شي
ام علي : لا ماريد شي روحي
جنه: وعلي هسه مال نومه بس خل اسبح اول شي رحت سبحت وطلعت خابر علي
علي : هلاو حبيبي شلونج
جنه : ها يروحي زينه انت شلونك
علي : تمام محتاجه اجيب شي قبل مااجي
جنه : بعد شكد وتجي (ردت انام شويه لان حيل تعبت )
علي: فد ساعتين هيج ممحتاجه شي
جنه: لايروحي بس لبن للغده
علي : صار باي
جنه: الله وياك كملت سديت التلفون مشطت وظفرت شعري لان طويل وحاره الدنيه مو مال افله ومددت ونمت
ام علي: والله يجنه والي سماج جنه مااخليج ترتاحين واله احرك كلبج مثل ما حركتوا كلبي بأبني صح ابني صار محبس بيدج ويمشي وراج ورجلي واكف وياج هو والبنات اله اخلي يطلكج اذا ماطلكتج اني مو سهيله كمت علكت الكدور وعلى نار عاليه اريد احرك الاكل السوته وشغلت الفرن على اعلى حراره
جنه : نمت نومه كبر من كثر التعب اشتم ريحه جنهه حرك بس لني طفيت الكدور خاف ديحركون زباله بره كمت صار وكت الصلاه صليت دالم السجاده طب علي الله يساعدك حبيبي
علي: ويساعدج قبل الله يعمري اكولج شو ريحة حرك بالبيت
جنه : مااعرف حته اني شتمستهه عبالي زباله ديحركون بره
علي : لا هسه روحي طلعيلي ملابس خل اغسل اديه وجهي وانزل كولش جوعان
جنه : صار تأمر امر كمت طلعتله خليتهه على الجربايه علي عليي
علي : ها
جنه : ملابسك ع جربايه ولتخربط الفراش نازله اسوي غده البنات على جيه وعمي هم
علي : اوك روحي
جنه : نزلت واشم الريحه والبيت كله دخان انهبطت عبالي احتركنه واركض للمطبخ والكا الاكل مفحم صاير بذيج اللحظه ماادري شسوي ردت ابجي جان شويه وعمتي كام تصيح
ام علي : يااااا احتركنه ولك علي الحكلنه شنو هاي الدخانه والريحه
جنه ليش هيج الاكل مو كلتي طفيته شنو شجاج نسيتي جماله اني امنت مطفيه الكدور وطلعت بره رشيت الحديقه
علي : نزل يركض ولكم هاي شنو احتركنه شنو هل دخاخين شبيجن احجن
ام علي : يا ييمه مرتك عافت الكدور على النار وصعدت نامت واني غفلت عنهن امنت كالت طفيتهن
جنه: علي والله اني بيدي طفيتهن اني متأكده دااحجي طبن البنات عمي جايبهن .......
ويتبع
