#حبيبتي_بدينة للكاتبة ميار الشمري 🍁

لماذا تنتقديني

البارت الثاني "

ريم ،،،جنت تنبل اكل ونوم ونت ماالي هدف بالحياة وعايشة بس اكل واشرب وانام واتصفح نت 
كمت من اداوم بالجامعة البنات بس يسولفن بوسيم وبالمجمع مالتة اطب للفيس الكاهن مشاركات منشورات البيج مالتة كبر حتى كبر شبيجن خبلتونة بي 
ومرة بالليل وفجأة من قهري انفجرت بالبجي من قهري على جسمي ولان قربت حفلتنة وماكو ملابس الية وجان الكة البيج مالتة بوجهي وادخل على البيج مالتة الي منزل بي بضاعتة وانزلك بي وبضاعتة تعليقات على انها تعبانة ومابيها شي راقي واسعارة خيالية واكو هواية محلات نفس القطع الي عندة يبيعوها بنص السعر وعلى انه تعاملهم تعبان مع الزبون وميحترموه
وطبعا جان اغلب كلامي مبالغ بي 
ميار الشمري
كمت اعلق وتنحذف تعليقاتي من البيج حسيت بردت كلبي 
دخلي خاص وكلي اختي شنو مشكلتج ويانة وليش هيج تهجمتي على البيج مالتنة والمجمع ؟؟ ميار الشمري
ريم ،،،شكد فشلت بوكتها وماعرفت شنو ارد 😕

كلي احنة معروفين ومعروف اسمنا بالسوق والكل تشهد برقي ملابسنا ومن مناشئ عالمية وماركة مسجلة وبالنسبة للأسعار فطبيعي اذا ماركة تكون غالية وبالنسبة للتعامل فآذا احد من العمال زعجج جان المفروض تتكلمين وتوصلين رائيج بصورة ارقى ومتصرفين هالتصرف 
ريم ،،،متت قهر من الفشلة رزالة تسوة عمري غلقت الفيس بدون مااردلة وحطيت راسي ونمت

ثاني يوم بالكلية الحمدلله الظاهر ولا وحدة لحكت تشوف تعليقاتي لان جان يمسحها اول بأول بس ظليت مقهورة
تغدينة بالنادي ومن رجعت هم تغديت بعدين فتحت فيس وضغطت موافقة على رسائلة ورجع يدزلي ياريت تردين شنو مشكلتج مع مجمعنا 

ريم ،،،ارد وميتة من الفشلة اني اعتذر كلش على الي صار قبل فترة زرتكم وجان تصرفكم واسلوبكم مع الزبونات محلو وهذا الشي زعجني وعلقت هيج بس مو قصدي اكطع رزقكم اكرر اعتذاري 
وسيم ،،،شلون يعني اسلوبنا محلو شنو الي صار ممكن اعرف ؟؟
ريم ،،،مااحب احجي بالموضوع واعتذرت منك  ميار الشمري
وسيم ،،،اني دألح عليج لان مااريد الموقف يتكرر مع غيرج وسمعة المجمع تتأثر ياريت تحجيلي منو من العمال الي زعجج وجان اسلوبة مو حلو وياج 
ريم ،،،شلون ثقة بالنفس عالساس متأكد وواثق من نفسة اسلوبة لبق شكد مغرور لعد 
جاوبت مااعرف العمال الي عدكم حتى اكلك عموما حصل خير وحتى تعليقاتي انمسحت ومااعتقد احد قرأها او اطلع عليها 
وسيم ،،،اكيد حصل خير وان شاء الله الي صار وياج ميتكرر واليوم اجتنا بضاعة جديدة ياريت تشرفينا والج هدية خاصة من المجمع عطل وضرر اعتبريها هههه
ريم ،،،شوف القهر عبالة جسمي لبيس وبضاعتة تجيني اوف يالقهر
كتلة اوك ان شاء الله بهل يومين ازوركم بس كون اشوف اسلوب لبق 😒
وسيم ،،،ان شاء الله وحياج الله 
ريم ،،،اشكرك باي
#حبيبتي_بدينة للكاتبة ميار الشمري 🍁