ذكريات لا تموت

مجيء الشرطة الى دار الدعارة

*عند اكرام
سلايت الحصص بحال العادة خرجت مشيت لواحد لمحال حدا المدرسة كاي صايب سندويتشات كاي حمقوا شريت من عندوا او مشيت لبحر واخا الجو بارد كاي حمقني نمشي او نجلس قداموا كانحس بيه هو المتنفس الوحيد اللي كانرتاح فيه جلست شحال هاد جبدت السندويتش ديالي بديت ناكلوا او انا كان شوف فالامواج لبحر هايج بزاااف كانحس بحال الا الامواج هوما داخل ديالي اما لجو مغيم كاي هبلني رتاحيت شوية من الضغط او تميت غادا فالطريق كان شوف الناس غادين جاين حدايا لكوبل غادين مشادين او عيالات هازين وليداتهم او رجال جارين وليداتهم او انا نتفكر بابا هبطات دمعة حارة على خدي كات عبر على الاشتياق ديالي ليه مات او انا باقا صغيرة مات او انا باقا محتاجاه مسحت دموعي او قوية راسي بكلمة الله ارحمك او يوسع ابابا كملت طريقي لدار المشؤومة وصلت حليت لباب او هاد لمرة لقيت رجاء جالست فوق واحد خوانها او خدامة كات بوس فيه عيفاتني لحمد لله مالقيتهاش كات دير شي حاجة خرا دخلت لبيتي سديت لباب او تكيت طلقت موسيقتي او غمضت عيني او بديت نحلم راسي عايشة مع عائلتي فأجواء زوينة بعيدة كل البعد على هاد الواقع لي عايشة فيه  ضرباتني لفيقة ستغفرت الله او طفيت لموسيقة دخلت لدوش دوشت او خرجت لبست بيجامتي او درت الفولار او بديت كان صلي صلاتي هزيت القرآن او قريت بحال عادتي نضت شعلت لبيسي او بديت كان حفظ حتى كان سمع باب بيتي كاي تهرس فالاول تخلعت كان عند بالي شي حد سكر او جاي ليا نضت او ترددت واش نحل ولا لا فالاخير حليت دفعني واحد خينا حتى طحت فالارض
البوليسي 1:دخل شوف ليا اش كاين هنا(دخل البوليسي كاي قلب ليا فالبيت او لاخور شادني من دراعي)
البوليسي 2: سيدي ماكاين حد هنا
البوايسي 1:فين خبيتي صحيبك دوي
إكرام :والله ا سيدي مامعايا حد انا كانحفظ غا بوحدي
البوليسي 2: حتى لتما او عاودي ليهم هاد شي
اكرام:ولكن ....
جرني البوليسي من دراعي او خرجني لقيت الجيران كاملين كايتفرجوا ماحملتش راسي طلعوني لسطافيط لقيت ملاك شادينها مع داك خونا لي كان معاها او رجاء نفس الشيء او شبه عاريانات بففف هزيت راسي لفوق او دموعي شلال كان تفكر لحظة لي كان كايموت فيها بابا اصعب نهار فحياتي فاش كان كايوصي رجاء علينا
احمد(بابا):رجاء بناتي امانة فرقبتك تهلاي فيهم راك عارفة معندهم حد فهاد دنيا
رجاء:كون هاني راهم بحال بناتي او كتر هوما بناتي لي ماولدتهومش من كرشي
احمد:الله يرضي عليك
اكرام:اهئ اهئ اهئ بابا ماما خلاتني ماتخلينيش حتى نتا ياك واعدتيني غادي تشري ليا طونوبيل فاش نكبر او تعلمني نسوق بنفسك
احمد:انا عمري نخليك انا ديما هنا فقلبك او ديما حداك
ملاك:اهئ اهئ اهئ بابا عافاك ستحمل غير شوية لمن غاتخلينا
احمد:ماتبكيوش ا لاميراتي واخا انا عمري نخليكم انا ديما معاكم
ملاك:لا نتا ماغديش تبقا معانا حيت ماغنبقاش نعاود نشوفك مزال اهئ اهئ
احمد:شووووو
اكرام:بابا مابقاش نصدعك غير....
قاطع تفكيري صوت لبوليسي
البوليسي:ماسخيتيش ياكما باغنا ندبوا بيك دويرة خرا
نضت مع البوليسي شادني من دراعي او غادي بيا كولشي كاي شوف فينا فالكوميسرية اصلا باينين بنات دار دعارة جلسونا فواحد الكراسة لي غادي ايتفرج او لي جا يتفرج ماقدرتش نشوف فملاك مزال عيني عامرين بالدموع شوية جا واحد الراجل باينة فيه الكوميسير تكون عندوا ديك 50 عام لي داز من حداه كاي عطيه التحية دخل للمكتب ديالوا او تبعوا البوليسي لي جابنا
البوليسي:سيدي جبنا دوك البنات ديال دار الدعارة
الكوميسير:مزيان دخلهم وحدة بوحدة
البوليسي:واخا اسيدي (عطاه تحية او خرج لعندنا جا فالاتجاه ديالي او هزني من دراعي او تم غادي بيا لبيرو دخلني عند الكوميسير وقفت حدا لبيرو او بقيت شحال هكاك
الكوميسير:زايدة واقفة جالسي لأرض
هزيت براسي بواخا او جلست او دموعي شلال
الكوميسر:زيزونا ولا كلا القط لسانك ديروها قد راسكم و بداو تبكيو منين ماقداش عليها اشلاحك ليها الطيران
إكرام :لا ا سيدي انا........ (قاطعني بصوت حاد)
الكوميسير:حسك قطعيه انا لي كان سول الا ماعطيتكش لإذن ماتدويش غان طرح شي اسئلة او نتي جاوبي
(هزيت براسي باه موافقة)
الكوميسير:سميتك/اكرام:اكرام العلمي/الكوميسير :سميت باك اكرام :احمد العلمي/الكوميسير:سميت موك/اكرام:مهربان أرسلان/الكوميسير :شحال عندك من عام/اكرام:19 عام/الكوميسير:اش كات ديري فحياتك من غير الدعارة/اكرام:طالبة فالسنة الثانية من التعليم العالي او ما كان مارس لا دعارة لا والوا انا مستعدة نحلف على المصحف او الا بغيتي ندير الفحص انا كنت كان حفظ بوحدي حتى دخلوا عليا لبوليس
الكوميسير: اوا اش كنتي كات ديري فدار الدعارة كات تخرجي سلكة
إكرام:الا سمحتي ليا نعاود ليك لقصة كاملة
الكوميسير:نتي شدوك فدار جا عليها بلاغ بدعارة او كاتقولي ليا نفسر ليك
اكرام:والله حتا لقاوني كانحفظ او سول البوليسي لي جابني
الكوميسير:عرفتي الا كذبتي عليا ماغانسمعكش من هنا لبرودة
إكرام:والله ما كانكذب
(الكوميسير هز التلفون او عيط لبوليسي لي جابني من الدار)
البوليسي:انا تحت اوامرك
الكوميسير:فين هو الشخص لي كان مع هادي
البوليسي:سيدي هادي لقيناها بوحدها قلبنا لبيت مزيان مافيه حد حتا من الشرجم كايطل على لاكور يعني قلبنا الدنيا كاملة
الكوميسير:اش كنتي كات ديري فداك الوقت
إكرام:كنت كانحفظ
الكوميسير:واش هاد لهضرة لي قالت بصح
البوليسي:نفس الهضرة قالتها لينا او فعلا كانوا الكتوبة تما
الكوميسير:تقدر تفضل
(البوليسي هطاه السلام او خرج لبرا)
الكوميسير:تفضلي نسمع القصة
*نرجعوا 5 سنين اللور و بالضبط لليوم الاسود نهار غادي تخرج رجاء سم لي فيها بالباين
رجاء:جمعي حوايجك نتي او برهوشة د ختك مابقاش نشوف كمارتكم عندي فهاد الدار
ملاك:اويلي ا ختي رجاء فين غان نمشيوا نتي عارفة ماعندنا لا حنين لا رحيم
رجاء:سوقكم هداك مهم خويو ليا داري
اكرام:هادي دار بابانا
رجاء:(ضحكة ضحكة طويلة او باستهزاء)ههههههههه كانت دار باكم اما دابا راها داري او فسميتي او دبا خرجوا عليا لباب الحباب
ملاك:الله ارحم ليك لواليدين لما ديري فينا غير هاد الخير
رجاء:لهلا ارحمهم انا مالي لخير فهاد الوقت نديروا فراسي هو اللول اما نتوما الا بغيتوا تبقاو خاصكم تخدموا
ملاك:الله اختي الله بقا ماخديت الاجازة هاهوا لعام قرب ايسالي ناخد الاجازة او نقلب على خدمة
رجاء:اوا صاااااااافي لاجازة ديالك هي لي غادي تخدمك اوا شبعنا خبز بكري ناس بدكتورة او راهم كاي ياكلوا العصا قدام البرلمان
اكرام:ماشي كلشي
رجاء:نتي سدي فمك البرهوشة قبل مانحسب ليك سنانك
ملاك:صافي ا رجاء ماتديش عليها باقا صغيرة اوا قولي ليا فين غان لقا هاد لخدمة
رجاء:اوا دبا هضرتي سمعوني مزيان او حلو وديناتكم او فهموا هضرتي بالحرف الواحد انا غانجيب الكليان لدار او نتوما تجلسوا تقصروا معهم ضحكوا تنشطوا تنعسوا مهم تنتفوا منهم الفلوس او راكم غادي توليو تعوموا فالفلوس على حسابي
اكرام او ملاك:(بصدمة)كيفااااااااااااااااااااش
رجاء:بغيتوا مرحبا مابغيتوش عطا الله لي يخدم معايا
اكرام:فالدعارة اويلي مكاي خافوش الله
ملاك:اكرام ختي خرجي لبرا بغيت نهضر انا او رجاء على انفراض
اكرام:ولكن..........(قاطعاتني ملاك بصوت حاد)
ملاك:قالت ليك خرجي برا
نضت او تميت خارجة زدحة الباب بجهد او وقفت موراه كانتصنت اش كايهضروا او شنو غادي يقرروا فاللخر