ذكريات لا تموت

كيف تعيش ملاك في السجن

نادية:راني عارفك او نتي عارفة
حنان:وصاااااااااااافي
نادية:اوا الله ينعل ط.... مها ماكلة معاكم ملاك نوضي تهزي من دابا تا ق.... ما تجمع على الطبلة تجمعوا نشتتها
(تمات نادية غادا شوية جراتني قدامها مشينا جلسنا فالناموسية او نادية غا كات سب او تعاير ماخلات حتا كلمة ماقالتهاش)
نادية:ضسرتكم ارباعة ديال الق..... والعاهرات غان نرجع مع ز...... بوكم لعادة القديمة ملاك اري دوك حوايج لوسخ ايتصبنوا
ملاك:واخا
(مديت ليها الحوايج او حطاتهم فوق الفرشة او دارت اشارة بصبعها لواحد ختي اجي نتي هزيهم صبنيهم فالعشية نلقاهم مطوين واجدين او نتي اجي ديري لما سخون او مسدي ليا رجليا هاديك ل..... اه نتي صايبي لملاك ضفارها انا غير كان شوف او مصدومة ناري حتا وحدة مانفنفات معاها هههههه قربت لعندها او هضرت ليها فودنيها غير بشوية )
ملاك:ناري تسيفتي ياختي
(خنزرات فيا بمعنى قطعي حسك قبل مانقطعوا ليك عطيت يدي لديك خيتي تصايب ليا ضفاري او سهية كان فكر فاكرام او كي غادي تكون دابا واش تكون باقا كات بكي لا غادي تكون سكتات هي قوية ولكن انا ماشي معاها عنداك توقع ليها شي حاجة اويلي لا خالتي عائشة غادي تهلا فيها مستحيل توقع ليها شي حاجة بقاو الافكار كاي شطحوا ليا فراسي مرا هاكا مرة هاكدا حتا قفزاتني نادية بواحد الغوتة)
نادية:الله ينعل ..... مك لما بارد او كات قولي ليا سخنتيه
البنت :والله حتى سخنتوا
نادية:باينة حطيتي لو قاعو على العافية او خطفتيه اوا اجي ندوش ليك بيه(خواتوا ليها على راسها حتى عمرات دنيا ما) يالله نوضو سيقوا هاد دنيا قبل مانوري ل.... بوكم
(ناضو كاي سيقوا ديك الحالة او انا غا كانتفرج فهاد شي لي كاي طرا قدامي ناري نادية صدماتني مابانتش فيها قبيحة هاكا وليني راني مكلخة لهاد الدرجة انا جيت غير لبارح غادي نعرف
*عند إكرام حليت عيني على احساس زوين نضت دخلت دوشت خرجت نشفت شعري لبست حوايجي صليت صلاتي او خرجت لقيتهم كاي فطروا
إكرام :صباح الخير
الكل:صباح نور
خالتي عائشة :فقتي منورة الله اخليك ديما هاكا
إكرام :آمين كلشي بفضل عمي محمد
عمي محمد :انا مادرت والوا نتي لي قوية
إكرام :انا غادي نخرج نقلب على دار
خالتي عائشة :فييييين واش حماقيتي ماعندك فين تمشي
إكرام :خالتي انا قررت راك حضرتي لكولشي جامع او ماقلونيش فيه غدا ايهضروا فامين او اطيحوا من قيمتوا اولا اهضروا فايمان حتا هي راه مستحيل ترضا واخا ايطرا لي طرا او شحال مابقات صبارة غاي جي نهار لي تنفاجر لهما كلا ايشد تيقارو من احسن نبقا عزيزة
خالتي عائشة :بنتي...... (قاطعها عمي محمد)
عمي محمد :صافي ا عائشة خليها انا اصلا فالليل فكرة مزيان او لقيت ليها لحل عقلتي على شقة ديال سي ابراهيم شحال او هيا مسدودة عيطت لعساس ايحلوها ايسيقوها او دابا شوية نمشيو نشوفوها الا ماعجباتكش نقلبوا على دار خرا
إكرام :لا مايمكنش ماتعجبنيش مستحيل ولكن لكرا
عمي محمد :رتبي امورك او استاقري فحياتك عاد نشوفوا لكرا
(نضت عند عمي محمد او عنقتوا او بست ليه راسو)
اكرام:خيركم غرقني حتال الراس مانرضوا ليكم فساعة ديال الخير
خالتي عائشة :غادي ترديه الا ديتها فقرايتك او جبتي مزيان
أمين :اه ماما عندها الحق ا إكرام
إكرام :كونوا هانين انا من دابا غان بدا الحفاظة باش نجيت السوميستر بميزة جيدة بحال ديما
الكل:انشاء الله
إكرام :نمشيو نشوفوا الدار دابا عندي فضول نشوفها
عمي محمد :مزوبة باش تشوفيها واخا نكملوا الفطور او نمشيو
إكرام :واخا
(جلست نفطر او اما غان طير بالفرحة واخيرا غان بدا حياة زوينة انا وختي غان ستاقروا بوحدنا او كولشي غادي اتصلح مع الوقت بادن الله)
سلينا لفطور بغيت نجمع الطبلة ولكن حبساتني ايمان
ايمان:نتي غادي تحماقي تشوفي دار يالله سيري
اكرام:(بستها فحنكها) لهلا ايخطيك
جنة:نمشي معاكم حتا انا
إكرام :حبيبة نكمل توجاد الدار او نديك
جنة:صافي واخا ا اكرامتي
(خرجنا ركبنا فالطونوبيل او كسيرينا لدار لي كاينة فواحد الحي شعبي ماشي بحال لي كنت ساكنة فيه كان راقي وصلنا لباب واحد العمارة او تمينا طالعين حتى سخفت ساكنة فالطابق الرابع ما وصلت حتى عيت دخلنا لدار لقينا العيالات كاي سيقوا بقيت كان ندور دار صغيرة فيها جوج بيوت كوزينة طواليط حمام او صالون صغير او وسط الدار حتى هوا صغير بزاف هههههه هي كاملة قد لبيت لي كان عندي فدارنا دايرة بحال كرطونا ديال الحليب هادي هي دار ديال سرح رجليك تقلب كوكوط الجيران تكسل تفوري الروبني ههههه الاخت مولفا التواسع بيت ملاك كان كاي يدير من هاد الدار جوج بفففف شوف انا كي وليت لقيت دار تسترني او باقا كان هضر بقيت كان ضحك غا بوحدي بحال شي حمقا)
عمي محمد :عجباتك الدار
إكرام :اه بزااااف
خالتي عائشة :جاتني صغيرة ياك
إكرام :لا هادي كافياني باش نبدا فيها حياتي الجديدة انا او ختي منين تخرج
(بقا ماكملتش لهضرة حتى قاطعني التلفون كاي صوني)
خالتي عائشة :شكون
إكرام :معرفتش انا غان شوف
اكرام :الوووو
ملاك:اميرتي توحشتك
إكرام :ههه ملاكي حتى انا توحشتك اجي كيف درتي عيطتي ليا؟؟
ملاك :راه كاي عطيونا مكالمة ف 15 ليوم
اكرام :مزيان نيت نسمع صوتك
ملاك :ختي لوقت غادي ايسالي هانتي زيارة نهار السبت الجاي مع 11h اجي بكري جيبي ليا معاك شي كاشة او ايزار او غشاوات لمخاد او شي حويجات
إكرام :واخاااا اختي كوني هانية
ملاك:ردي لبال لراسك واخاااا او عنداك تنساي لاكارط
اكرام :كوني هانية احبيبة
ملاك:يالله بسلامة
اكرام:بسلامة بب(قطعات)