حياتي

الجزء 01

- حنمشى 😊 انتى وعديتنى

- اليوم كان صعب خليها يوم تانى

سكتو البنتين وظاهر على وحدة الزعل

- م تكشرى خلاص نص ساعة ونطلع

ديل سمر ونهى . صديقات من سنتين اتقابلو فى البنك فى اول يوم شغل ل سمر وبقو صحبات

نهى قصيرة نوعا ما بيضاء وناعمة عايشة مع امها ربت منزل وابوها تاجر وعندها اخوها مهندس فى الامارات نهى قرت تقنية وشغالة فى القسم التقنى فى البنك

سمر بت وحيدة لامها التعبت فيها وربتا بعد م والدا اتوفى وكان حالو ميسور وبعد وفاتو اخوانو اكلو حقو لكن سلوى ام سمر صيدلانية وربت بتها وتعبت فيها وسمر قرت محاسبة بنوك

سمر سمرا م طويلة وم قصيرة عندها عيون جميلة وشعرها غزير وبصل لاخر ضهرها وامها دايما بتخاف عليها من العين

امها ربتا على التواضع رغم انها م غنية بس عندهم بيت وشغل امها بس نفسها عزيزة وم مطلعة

سمر ونهى كل شهر بطلعو مرة نظام ترفيه وكدا ولحسن الحظ كانو صارفين حافز

وقررو يعيشو اليوم دا فى فلم فى العفرا رومنسى لو م رومنسى سمر م بتمشى 😂 سمر رومنسية افلام بس م حصل حبت علاقتا مع الجنس الاخر محدودة كزملاء حتى كلمة صداقة م فى

نهى دى بتنبرش فى اى ولد وجيه بس كلام

سمر ضربت لامها كلمتا حتتاخر وبرضو نهى

خلصو شغل وكان فى ترحيل بجى بالعفرا ركبو فى كان معاهم واحد اسمو حاتم دا مكسر نهى😍 اول م وصلو نهى قالت ل سمر

- كان يجى معنا حتومى 🙈

سمر ضربتا 👊🏻

- ووب انا من حتومى والمنبرشة فى حتومى .. يلا ارح الفلم حيبدا

- ماشة تحضرى فلم رومنسى وانتى منعدمة الاحساس

- يلا ي عمر احساس الفلم

طبعا اشترو فشار 🍿 وشكولاتا عزو روحوهم 😂 ودخلو الفلم

قبل الفلم م يبدا سمر اتزكرت كلاما معا امها امبارح

ام سمر اربعينية وشبابية ومهتمة بروحا وحجابا وشغلا

- امى صرفتا الحافز .. لو محتاجة حاجة ممكن تشيلى انا م محتاجة لى

- لا حبيبتى انا م محتاجة اطلعى وانبسطى واشترى كم لبسة غيرى جو

سمر قعدت جم امها كانت بتحضر فى ذا دكتور the doctors

- خلاص الجمعة نمشى انا وانتى السوق وعازماك كوفير ان شاء الله محدش حوش 😂

- انا كبرتا على الكوفير