حياتي

الجزء 06

عدى على العزومة اسبوع سمر كانت بتكلم معا عمها كل فترة وتعرف اخبارو .. رافت اختفى تمام م سمعت عنو خبر

وكمان نهى بقيت طبيعى مشغولة فى التلفون وسمر محتارة بس اصلو ماسالتا

طبعا عرس بت خالتا قربت سمر قالت فى نفسها هى ي بت البشتنة ليك شنو .. طلعت كريماتا .. (سمر زى بعض البنات م بهتم بروحو الا لو فى مناسبة 😂) غايتو ربنا مديها سمار ناعم وشعر لاخر الضهر

سمر اتمسحت وقعدت فى نص السرير جاتا امها

- سمورتى☺

- انجزى ي عسل الشمار شنو

-👊🏻 ي بت اصلو م بتريحى انتى . عموما عمك عزم نفسو بكرة عندنا شاى المغرب

- ماهى المناسبة ايريدون خطبتك 😉

- سمر احسن اتلمى 👊🏻😒 .. بكرة تجى من الشغل تجيبى معاك فواكة و جاتو وكدا

- وكدا😉 حاضر انا كلى ليك

- شايفاك بالجونات والكريم خلاص كلموك العرس قرب قمتى تتجارى

- اعمل شنو طالعة ل امى قمر م بحتاج غير شوية صنفرة😂

- غايتو انتى .. يلا نومى

- طيب اشوف نهى وبنوم

- تصبحى على خير

- وانتى من اهلو

طلعت امها وسمر شالت تلفونا دقت ل نهى ادها انتظار😳 لا البت دى م طبيغية

قفلت منها وشالت ليها كتاب جاتا رسالة

( ربيكا كيفك ) دا منو؟ م فى زول بقول ليها ربيكا غير رافت قلبها بقى ❤💓 شوية تانى جاتا مكالمة

م ردت البت م بترد على رقم غريب😌 تانى اتصل غايتو شالت نفس

- الوو .. الوو

- يعنى شايلة ربيكا وكمان بتدلعى

سمر عرفت الصوت بس نظام دلع وكدا

-منو معاى😌

-بالله

- ياخ منو ي بقفل 😕

- الكسر ليك التلفون شخصيا

- رافت🙄

- لا ياخ .. بطلى استهبال

-طيب .. خير

-خيرين .. كيفك

-تمام وانت

-حسى كويس

- وقبل حسى

-كنت احسن كتير من حسى 😜

- ياشيخ ..

- بكرة ناس البيت جاينكم

- كلمتنى امى من شوية تنورو