حياتي

الجزء 12

سمر فضلت اسبوع بتفكر كيف تلقى رافت

وفى يوم قاعدة فى المكتب اتصل عليها رقم غريب شوية وتانى رجع

سمر ردت وكان الزول بتكلم

-قلت ليك سمر م بترد على رقم غريب بسهولا

سمر صرخت

-نهى جيتى متين

-ي بت خلعتنى .. ياخ مشتاقين عاينى ياسر طالع بحمر لى عايز التلفون 😂 اى كلام خلى ل بعدين تجى تتغدى معاى مع سلامة

جنس اختصار 😂

سمر ماتت بالضحك ومتين تخلص شغل عشان تمشى ليها

وهى م عارفة فرحتا عشان نهى ولا حتشوف رافت😍

سمر طلعت من الشغل ومشت البيت غبرت لبست فستان احمر على اسود وسرحت شعرا ضنب حصان وعملت مكياج وكل مرة تمشى وتجى تعاين للمرايا 😂

اشترت هدية نهى بتحب التحف اشترت ليها ساعة حايط لكن شكل ورود من الفخار

امها كان عندها محاضرات رسلت ليها فى الوتس ومشت ل ناس عمها

استقبلتا طيبة ومبسوطة بيها

-كيفك سمورتى طولتى م جيتنا

-معليش خالتو بس مع الشغل كيف انتى

-بخير نهى فوق اطلعى ليها

سمر خجلانة م بتحب تتدخل وكدا ..طيبة فهمتا قالت ليها -ياسر طلع مع خالد الغدا قالو بيتزا غايتو مجانين ودعاء م جات من الجامعة .. الدار امان 😂

سمر جرت ل نهى وسلام واحضان وبكى تقول ليهم سنه م شافو بعض

-البركة فيكم سمورة

-البركة فى الجميع .. انتى كيف .. وكدا م تتصلى بى

-م كان عندنا تلفون 🙈

-بالله ربنا يسعدك

- جمعا دى هديتى

-مفروض

تسلمى لى ي راقية

- وااااو دى الساعة العجبتنى تسلمى لى .. حتكون شالت نص مرتبك😂

-بايخة .. فداك

وقعدو يتونسو فترة وسمر قالت ل نهى

- رافت قال عايز ي ...

-وانتى 😉قلتى شنو

-شكلكم عارفين

-كلمنى ياسر 😂

-بالله تانى عاد م بقول ليك سر

-فى سر بين متزوجين هبلة هانم

-👊🏻 فى الاول بس 😂

اممم م رديت لى هو شكلو زعل م اتصل بى وقال لى اخر مرة م حاسالك ردى لى اما تكونى عايزة وانا م حاقول الا يسال 😔