#فصليتي_النائبه
الكاتبه الصاعده فوك النخل
القصه حقيقيه والي تعترض ارگعها بلوك دستوري
طبعا( قصص الخريط لازم بيها طبعا)اعرفكم على نفسي
اني مياده اهلي سموني لان اشبه مياده حناوي بالضبط
( عجيبه من الولاده الشبه مبين)
بيضه ثلج شعري طويل كستناىي
عيوني وحده زرگه وحده خضره
خشمي احمر
حلگي اصفر
جسمي يموت ( يمكن تنتل )
طبعا اني طبيبه
وماما طبيبه
وبابا طبيب
واني البنيه الوحيده بالعشيره والعشاير المجاوره
البنات كلهن بعشيرتنا كاننا طالعات سفره وانفجرت عليهن سياره مفخخه وماتن
صباح الخير ماما
كل قصه عراقيه لازم تبدي بصباح الخير ماما
وترد عليها الام صباح النور ماماتي
او الام تگعدها من الصبح ويبدون يتشاقون ويضحكون من الصبح واجواء السعاده تدرون ليش
لان يشربون جاي محمود
مو مثلكم تشربون جاي عطور
نرجع للخريط
صباح الخير ماماتي اليوم صايره احلى من البارحه
هههههه ماما اني طالعه عليج حلوه
بابا ههههه
الاب بالقصه لايهش ولاينش بس يضحك
تريكت وبدلت لبست قميص احمر وتنوره فوك الركبه وطلعت بسيارتي
بالطريق دعمت ذبانه وماتت
التمت الناس عليه
كرم هاشسويتي كتلتي ذبانه الوحيده بالعراق
مياده اني اسفه اخلي بابا يستوردلكم ذبان من فرنسا
كرم ميصير تتستوردين هذي ذبانه من عشيره معروفه ولازم ناخذج فصل
مياده مو مشكله اروح اصلا اني اعرف كل الفنون القتاليه وراح العب بيكم لعب
كرم طبعا اعرفكم على نفسي
اني كرم ابن شيخ عشيرة الماموجودين ( بس بالقصص)
طبعا مهندس ( من شروط التخرج من كلية الهندسه لازم ياخذ فصليه)
طويل اسمر عندي عضلات ( خرب حضي الكروش بس علينا ) وجسمي رياضي لا من الطفوله امارس ركوب المطايه
مياده رجعت للبيت وبشرت ماما الدكتوره وبابا الدكتور راح ياخذوني فصليه لعشيره الماموجودين لان دعمت ذبانتهم الوحيده
ماما رادت تبجي
لاتخافين ماما مو زين حصلت رجل احسن ماظاله على گلبج
ئي والله ماما فراگج عيد اقصد صعب
طلعت اني بسياره وبابا بسياره
وكنت لابسه تشيرت ضيق وجينز حصر (هاي الكلمه صارت شرط بالقصص)
وبابا يسوق بالسياره
واني اسوق بسيارتي
وصلنا للعشيره
بابا تركني وراح ( شوكت يحجي الاب )
شفت الشيخ فرهود
بملابسه العربيه وعباءه مزرفه من كثر الاطلاقات بالاعراس والفواتح
سلمت عليهم
هاي گايز
الشيخ هايات حمب قلبي
كرم بويه الفصليه اليه مو الك
الشيخ شنهي ولك الك غير اطردك انت وامك گاعدين على گلبي عطاله بطاله
كرم بويه فضحتنا بالقصه انه مهندس
مياده عمو الشيخ اني اريد كرم لان صاك
صارت عرك بينهم عليه
جان اضربهم اثنينهم بوكسات وراشديات وجريتهم من شعرهم للبيت
وهمه يصرخون
شافتني ام كرم
صاحت ولج انتي فصليه لو ميماتي
مياده اني فصليه جريىه يله ولج روحي سويلي غدى
فجي اني مااكل لحم
فجي شني خاله انوب
كرم يمه يعني فجل وبصل وهاي السوالف
مياده وانت كرم اصعد لغرفه وانتظرني وتعطر والبس برمودا حمره
اقصد فانيله حمره وشورت
كرم غير نتزوج على الورق اول مره على الاقل سطرين بالقصه
مياده ولك ياورق اني كلية الطب كلها ماگلبتني وانت تگلي ورق يله روح لغرفتك
كرم صعدت على الدرج اركض وابجي بدلت بسرعه بالفانيله الحمره والشورت كان مشگوك وامي مخيطته بخيط گواني
دخلت الفصليه للغرفه تباوعني وعيونها حمر واني ارجف وارجع على الحايط وهي تتقدم
حصرتني على الحايط
مياده هسه لازم تبوسني بعنف
جان يبوسني لحد طلع البوتاكس والفلر من شفتي ( عبالكم اگول دم )
واخذني على السرير وعشنا احلى رومانسيه
وريحة شعر كرم كلها زفره مال لحم من كثر مايفترون مشيات گعدت الصبح شفت كرم نايم مثل الملاك
طبعا اجتي رساله على فونه قريتها
وحده اسمها احميده
وتواعده يم العجل الاسود
ذبيت التلفون انصدمت وانوب رجعت انصدمت
گعدت گوم ابو كراعين
كرم خير شصاير فصليتي
مياده گوم جيب الاحزام
كرم الله يخليج مو بالحزام خليها راشديات وبوكسات
كرم وجان تضربني خمسه وخمسين راشدي
وسبع بوكسات
وحزامين
وطلعت للدوام
دخلت للحمام ( هذي الكتله الي يسموها غسل ولبس )
بعدها حمام
وغسلت بشامبو اسمه رجل الفصليه
وتعطرت بعطر رجل الفصليه خاص بالقصه
ونزلت طبخت ونظفت البيت من فوك ليجوا رجعت الفصليه
ظلت صافنا على البيت
صعدنا للغرفه واني مااحجي وياها
اقتربت مني ورفعت حنجي بايدها ( هذا المشهد حفظته)
اني خجلت ودنگت وكتلها
ها هم تريدين تضربيني بالحزام
ضحكت وگالت انت تسووين عصبي
وظليت كل ماتكتلني نعيش رومانسيه
فد يوم اجانا رئيس كتله طايحه بالانتخابات
ويدور صاكات يرشحن وياه بالانتخابات
مياده طلعت للشغل شفت عمي ويه رئيس كتله واني لابسه كت اسود وبنطرون جينز ميحتاج اگول حصر
شافني
وقنع الشيخ ارشح بالانتخابات
وخلوا صوري بالشوارع والشباب تبوس بالصور ومرات انطيهم رقمي واتساب حتى احل مشاكلهم العاطفيه وافتح وياهم سكايب واني لابسه برمودا وسيت نوم اسود وعدتهم بس افوز انزل فلم ساخن اني وكرم
حتى اعالج مشكلة الجفاف العاطفي عند شبابنا ويبطلون يقرون قصص فصليات
ورحت فد يوم لعشيره كلهم شيوخ واعلام وهوسات واحد هوس
گبل اقلام عدنا وهسه عدنا اقلام
فصليات واباحةاغتصاب يااسلام
ها خوتي ها
الجذب بالقصص مسفط
والفصليات تطشر بيه
ايه ايه
مياده هذا الكلام غير سحيح
هذا الكلام غير سحيح
حمايتي انداروا عليه كتل وضرب
اعتذر
اعذرينا ست والله مامقصوده وانه يتيم ومريض
بوس ايد النائبه بوسها ل ننعل والديك
رجعت للبيت تخربطت طلعت حامل بتوم
وهسه اني مرشحه للانتخابات واريد دعمكم حتى اوصل صوت الفصليات
والمضغوطات بسيطه اني الجن خلي اصير نائبه اذا مااخلي قانون كل رجال اله فصليه وحزام هديه من الدوله
رقمي بالقاىمه صفر
واسم القائمه
كلنا رابحون والشعب خسران
فديتكم صوتولي على الوتباد خلي الناس تقرا الخريط
طبعا احبكم 💋💋
