ام ورود :يمه مروة اختچ اتأخرت وين صارت صارلها نص ساعه وگلبي وجعني عليها يمه روحي شوفي اختچ خاف صار بيها شي
مروة :يمه هسه تجي يجوز لگت الفرن معزل راحت الغيره ما بيه حيل اطلع وادور خلي نتانيها شويه اذا ما اجت اروح وراها
بهذه الاثناء دخلت ورود وكانت حالتها فضيعه ملابسها ممزقه ومنهاره وتبچي
ام ورود : يمه بنيتي يمه حاچيني ياهو سوه بيچ هيچ
مروة :ورود فدوة شكو شصايرلچ منو مزلغ اديچ ولج احچي
ورود : وصلت البيتنه اتلگتني امي ومروة بالبچي والاسأله وانه ما اگدر اجاوب بس ابچي والخوف موتني ضليت اصرخ
ما اعرف ما اعرفه ما شفته فدوة لا تحجون لأحد
اسكتو فدوة
بعدين امي انتبهت ع الدم نازل على رجليه ضلت تندب حظها واتدگ على راسها
گالت المروة اتخابر على ابوي خلي يعزل ويجي بسرعه
مروة خابرت ابوي وامي اخذتني للحمام سبحتني ولبستني ثوب
وره ربع ساعه اجه ابوي ومحمد
وامي سولفتلهم الصار ابوي ضل يصيح لا حول الله
ارحمنا يا ربي
محمد : والله الا اشرب من دمه وينه بس گلولي منو
ضلو يصيحون ويسألون بيه گلتلهم ما اعرفه خلوني انام
ابوي گال ما تنامين امشي ولچ نروح للشرطة نخليهم يدورون عليه
امي لزمت ايده
فدوة ابو محمد ما نريد فضايح عدنا بنات متزوجات وعدهن عيال
وعدنه بنيه بعدها ما متزوجه بس تروح تصير حچايتنه بحلگ اليسوه والما يسوه
وتنهدم بيوت بناتنا
ابو ورود :چا شلون يا مره نضل ساكتين وبنتچ اغتصبوها
ورود : اي بويه لا تروح ما اعرفه المن رايح شگللهم
فدوة بويه اسكت
ابو ورود اتراجع عن روحته للمركز
محمد طلع من البيت وجان مقهور وعصبي
أنت تقرأ
"في ضهيرة شتاء بارد " (مكتملة)
Short Storyقصة باللهجة العراقية عن طفلة تم سرقت منها اغلى ما تملك 💔
