Kailangan bang huwag na lang pansinin?
Kailanga bang hayaan na lang?
Bakit ba hindi mawaglit-waglit?
Sa sarili'y laging galit
Ang hirap palang kalabanin ang sarili
Puso't isip kay hirap ding labanan
Hanggang kailan sarili ay kakalabanin
Hanggang kailan lalabanan ang mali
Gabi-gabi luha ay pumapatak
Nagtatanong kung bakit pa naramdaman
Ang pag-ibig na pilit itinatanggi
Pag-ibig na dapat iwaglit
Paano ba tatakasan itong nararamdaman
Kailangan bang ako'y lumayo
Kailangan bang tuluyang lumisan
Para mawakasan damdaming nagsusumiksik.
