بيت جدي**7**👴
؛:؛
<<نصيب مش في يد حد ديما خلوها في رؤسكم،الا ربي في يده كل شي ☝️ ))
؛:؛
اني:-لالا شن فوزيه هذي فوتني
جدي:-هاله لي يوسف ولد محمود وتم موضوع طيرو اتجنحو هاله لي يوسف ايوه
اني:-يا فرحه ماتمت ههههه
يوسف:-شنولالالالا كل شي باهي الاحد يدخل في مستقبلي خط احمر وهاله زي اختي من توا
عمتي سناء:-واني هاله منعطيهاش لي يوسف وكان اشبح شن يصير
وعطتني نضره موتت بعدها متع اني معاك ومتخافيش
عمتي سناء:- يا سيدي أعطي بنات عيله لي بعضهم لكن زي هاله وبنات وفاء اختي عندهم هل مرات تحشم ترد عليك وفاء طبعاً الاسجي
جدي صفن شويه:-باهي خلاص لو يوسف يبي وحده من بنات عيله يقول كان هذا هاله او شدي شنو هيا قول
(جدي كان يبي يضغط ع يوسف وكأن عرف وفهم عليه ان يبي وحده من بنات عيله)
ايوب كان يبي يغيرجو:-واني يا بويا معقوله صغار خوتي قبل
جدي:-لما اتسيب تكليم فرخات انتا وباقي شله متاعك انفكر وانتا شنو بتقول ولا كيف؟؟!
اني نوضت وجيت بنمشي
حنتي:-اقعدي يا ساره العفو خيرك مرضتي ولا شنو
اني:-والله يا حنينه كبدي ناضت عليا منمشي لي حمام(حشاكم) ونجي شويه بس
طبعاً ضني عمي وعمتي يبركو فيا حتي من يوسف ولد عمي
اني كنت نتكلم وعيوني لوطه وشبه بنبكي شده روحي بسيف قدامهم
جدي:-اما ساره فا عندي اني عريسها وعرسها
اني ابتسمت ابتسمه صفره وخلاص
وطلعت
جدي:-هيا يا يوسف شن صار نص ساعة وانتا تفكر
يوسف ولدعمي:-باهي...وضرب تالفونه
يوسف ولدعمي:-شويه يا جدي تالفون مهم هذا
جدي:-اطلع بعدين رد عليا
طلع كلم في تالفونه
اني مشيت لي حمام غسلت وجهي وطلعت نشم في هواء:-اه يا ربي صبرني
مهند خويا كان برا حتي هو:-خيرك يا حبي
اني:-مهند ونوضت نبكي قعدت نتفكر وشويه جاني مهند تعنقني
مهند:-خيرك تبكي يا خايبه
اني:-جديييي
مهند:-خيرا استغفر الله
أنت تقرأ
حوش جدي👴
Novela Juvenilحوش الجد ليه قصصه وليه المقالب وليه ضحكة وعلي كل حيط رسمنا طفوله كل شخص فينا وكل حب لينا.
