للتنويه////هاي القصة حكاية وحدةمن المتابعات حبت تنقل الكم معاناتها وتجربتها حتى يتعظ غيرها من قصتها واني نقلتها الكم بطريقتى بالسرد اتمنى تعجبكم وادوسون على النجمة للتصويت احبكمNoor
الذي لا يفهم حزنك .. لا يستطيع إسعادك .. لذلك لا تسرف وقتك في حياة شخص .. لا يستطيع حتى أن يفهم أبسط احتياجاتك !
.
.
.
.كعدت اباوع للبيت الي شفت به أقسى أيام حياتى كانت كلها قاسية بس اهنا عانيت الاقسى عشت طفولة ضايعة مالها لذة ماحسيت بعطف الأم ولا دلال الآب وحمايتهم لأن كنت يتيمة من عمري كان 8 سنين فقدت أهلي بحادث سيارة على الطريق السريع اثناء سفرهم الى محافظة ثانية لحظور فاتحة احداصدقاء بابا آلله يرحمه ..
هذا البيت الي احجيلكم عنه هو بيت عمي فرات إلي اخذني لبيته من اتوفو أهلي وهو تكفل بيه لأن هو عمي الوحيد كان عنده ولد 2رائد ورامي وماعنده بنات ومرت عمي إيناس كانت جدا قاسية وياي وماترحمنى رغم طفولتى عمي كان مدللنى بس هي كانت تكرهنى لأن بابا آلله يرحمه جان ما موافق انو عمي يرتبط بيها لان كان شايفها مع واحد قبل زواجها بوضع مشين بس عمي حبها واخذها رغم عن بابا وبيبي ومن دخلت بيت جدى كدرت أنها تخلي بابا يطلع من البيت ويروح يتزوج بنت خالته الي هي ماما ويسكن بعيد وكان يزوربيبي او ياخذها يمه لايام بس كانت هم ترجع بيبي لبيتها لأن مكانها يم ابنها الجبير الي هو عمي ابورائد طبعا اني مالحكت اشوف بيبي اتؤفت قبل ولادتى بس كنت اسمع اهلي من يحجون عنها آلله يرحمهم جميعا...
لذلك إيناس كانت تنتقم مني هي وولدها بطريقتهم ولدعمي رائد كان عمره 18ورامي10 يعنى اكبرمني اثنينهم بس رغم ذالك كانوا يحاربونى بكل الطرق رائد كان يغتصب طفولتى كل يوم ويقظى حاجته الجنسية علية ينزعنى ويتلمس جسمي ويقذف علية ويهددنى لو احجى يقتلنى وكنت طفلة اخاف وظل مستمر حتى وصلت عمر14كدرت اوكفه عد حده كمت اخذ سجينة وياي لو اصرخ ورامي كان هم خبيث يشكك كتبي او دفاتري المدرسية واي حاجةيجبها عمي الي ياخذه مني ومرت عمي كانت مشغلتنى خدامة الها ماترحمنى ابد ماعدا ضربها الي ...
نسيت اعرفكم على نفسي اني ..هنا.. بطلةقصتكم عمري حاليا41سنة بيضة طويلة ملامحي جدا جميلةوجسمي متناسق جدا ومليان شوية...
نرجع لبيت عمي المرحوم الي تكفل بيةوبدراستى وكان وصي علية وعلى املاكي وكان حنين بشكل بس كان مريض بالقلب لذلك كنت مااحجيله عن ظلم عائلته إلي خوفا عليه مو منهم خلاني اكمل كلية وصلت حتى للدراسةالجامعية بفضله وبفضل حنيته علية خلصت أدارة واقتصاد وبيوم تخرجي اجيت للبيت كنت فرحانة بتخرجى لكيت عمي يصيح ويحجى ويه رائد الي كان يشتغل وية عمي بمحله مال قطع غيار السيارات لان ولد عمي كانوا فاشلين دراسيا ورامي هم كان يشتغل وياهم كان رائد مسوي مشكلة كبيرة مع واحد وذاك رايح مشتكى على رائد وعمي وعمي عمره مادخل مراكز شرطة بحياته فكان منفعل زايد لدرجة ارتفع ضغطه وأثر على قلبه فظربته جلطة واتوفئ بيومها قلبه ماتحمل كان وفاة عمي من اتعس الأيام لان فقدت الصدرالحنين الي كان يحمينى من غدر الزمن وخلانى وحيدة وعرفت تنتظرنى أيام سودة وية إيناس وولدها...
طبعا قرر رائد انو اتزوج رامي رغم ماكنت موافقة لكن غصب عنى عقدولي لانهم هددوني يقتلوني لانهم اهلي كدام الناس وطبعا ماكان الي احد ألجأ اله خوالي كانوا مايسالون عني ولابيوم
رضخت الهم واتزوجت رامي كان الايام الاولى زين وياي رغم مرات يطلع ويجي تالي الليل طبعا زواجي منه علمود ورثي من بابا لايروح للغريب بس أمه ماتغير شئ ظليت خدامة وطباخة الهم وكانت دوم تنكد علية باي فرصة تستغلها خاصة طولت وماكو حمل رغم مرور اشهر على زواجنا كانت تحجى وتسمعنى كلام وكامت تسمينى العاكر وكنت اتؤسل لرامي حتى نراجع اطباء ماجان يقبل بعد سنتين قبل نراجع بس بس بشرط هو يختار الدكتورة بمزاجه وكانت الدكتورة اخت صديقه وطلع الصوج مني (رغم بعدين اكتشفت انو كذبو علية واني مابية شئ والصوج منه ميخلف)
رجعت من الدكتورة وحالتى النفسية زفت ولازم اظل اتحملهم لاني فعلا عاكر على كولت عمتى ام رائد واتوظفت بالمصرف لأن رامي كان يريدنى اشتغل حتى اجيبله فلوس لأن هو جان عايش على السهرات والنسوان وبالنهار مكظيه نوم واخوه رائد ماكدريدير محل ابوه كام يخسر وكل مايريدون فلوس يجون يطلبون مني اوقع على شيكات حتى يسحبون من حسابي لأن عمي آلله يرحمه كان مكلف المحامي الي كان صديق بابا آلله يرحمه انو يحرص على ورثي ومااخطى خطوة دون استشارته ....
كنت فرحانة بدوامي بالمصرف وسعيدة بصديقتى من الكلية وياي بنفس المصرف نشتغل متنفسي الوحيد كان الدوام ومن جنت ارجع جنت استلم البيت رائد اتزوج بنت خاله اسمها شروق كانت حيل خبيثة مثل عمتها إيناس النهار نايمة وعصرتطلع لاهلها لو للسوك لو لصديقاتها وكلشي ماتشتغل بالبيت كله علية الكرف
وبهذا اليوم اجي علية الصبح رامي وراد اوقعله على شيك حتى يجيب غراض للمحل هو واخوه واعرف كذب يريد حتى يصرفها ع نسوان هلمرة ماقبلت كام يضربنى ويسحل بية ويغلط وامه تكول اي اي موتها بلكى نخلص منها هاى العاكر ورة ماتعب عافنى وطلع وانى الدم تارس حلكى وراسي وابجى بحركة حتى دوام ماراح اكدراداوم بهل وضع خابرت اخذت اجازة من المدير وكعدت اباوع للبيت هذا.....
وللحكاية بقية...
#سجى الليل...للكاتبة نور
