ققررنا اني ودريد نتزوج وفعلا اتقدملي وخطبني هو وأخوه وأمه وخواته وطلبوني من ميادة وخالد زوجها لأن همة فعلا اهلي بوكفاتهم وياي وتمت قراءة الفاتحة واصر دريد كلشي يصير حسب الأصول لأن اعتبر زواجه مني هو اول زواج بحياته واعتبر زواجه الاولي موزواج ولامحسوب .
اشترالي نيشان ذهب وسوالي حفلة ومهر بالعقد بيومها لبست بدلة كلش حلوة لونها تراكوزي يجنن تفاصله مخصروقصيروسويت شعري كيرلي مفتوح على طوله بسيط جدا بس طلعت واو ميادة ظلت تقرء المعوذات علية هههههههههه فديتها
وعزمت كل صديقاتى بالدوام وهوهم عزم كل جماعته واهله ورةالعقد دخل يلبسنى النيشان لبسنى وهويهمسلي شطالعة واللهم صبرني هههههه من كمل راح كعد وية الزلم عاد اني من فرحتى كمت اركص وية صديقاتى وخوات دريد اهله جانوا كلش طيبين وفرحانيين لدريد لأن يحسون سعادته وياي وفرحتى لهل مرة بزواجى من دريد احس اول فرحتى..
جانت حفلة حلوة ورةالحفلة ظل يمى شوية هو وميادةوخالد واتعشينا سوة وبعدين راحو..
ورة يوم طلب مني أبيع البيت واظم فلوسها إلي لأن مايريد يسكن ببيت كان ساكن بيها زوجي السابق وبه الي ذكريات وخاصة هوجان اله بيت كامل مكمل اكدر اغير به كل اثاته وفعلا غيرت بس غرفة النوم الاثاث الباقي عجبنى وكلت بمرور الايام نغيرها اتفقنا انو العرس يكون ورة أسبوع لان يخاف علية من كعدتى وحدى من بعت بيتى..
جابنى لبيت اهله حتى اكظى الأيام عدهم لحدالعرس وفعلا سكنت يم أهله وكمنا نكمل باقي امورالعرس ويةخواته اروح للسوك واشتريت بدلةالعرس بدلة نازكة مامنفوشة كلش وفستان للحنة كانت اجمل ايام حياتى حسيت بنفسي فعلا عروسة واني بزواجي من رامي حتى البدلة جابتها الي ام رائد آلله يرحمها .
وبيوم الحنة حنوننا اني ودريد وركصنا وضحكنا والسعادة جانت غامرتنا اني ودريد وثاني يوم زفتنا كانت من الصالون للمصور للقاعة كانت زفةحلوة ومن وصلنا للقاعة اتفاجات بالعدد الي حاظر حفلتنا لان دريد انسان محبوب جدا..
ورةالحفلة زفونا لبيتنا ومن قفلنا بابنا اجي حظنى وشالنى لغرفتنا وبوسنى من كصتى كالي مبروك عروستى كتله بخجل وفرح مبروك علينا اثنينا ابتسمنا لبعض كال يلة خلي نبدل ونصلي ونستغفروندعي ربنا يبارك زواجنا ويغفرالنا علاقتنا المحرمة قبل زواجنا والله غفور رحيم بدلنا وسبحنا واتوضيناوصلينا ودعينا من كملنا كاللي جوعانة كتله اي كال تعالي نتعشى رحنا لكينا انواع المشاوي والحلويات على ميز الطعام جايبيلنا من المطعم من كملنا كمت الم وانظف الميز من الاكل واحطه بثلاجة اجاني من ورة شبكنى وجرنى للغرفة وهو يبوس من ورة اذنى ويلحس رقبتى ويشمشم تالي اخذ شفايفي وجرهن بشفايفه وهمسلي احبببج ذوبنى وهمستله اعشقك ونزعنى ونزع وغمرنى واحتوانى بحبه وظلينا للصبح 💏💏💏
ثاني اليوم ب11الصبح لكينا الباب يندك وموبايل دريد يدك كانوا ميادةوزوجها جايبين ريوك النا فديتها اختى وحبيبتى وكعدوا ويانا شوية وباركولناوراحوا كعدنا نتريك اني اوكله وهو يوكلني من كملنا غسلت المواعين وغسلت ايدي رأسا سحبنى دريد للغرفة هههههههههه كتله ماتشبع كال اكو واحد يشبع من العسل ونام علية وو💏💏💏
ظلينا بالعسل اسبوع وراها سافرنا لاربيل كظينا اسبوع حلو ورجعنا وبعد كم يوم داومنا طبعا باركوللناللمرة الثانية ههههه
جنا نكمل دوام نرجع للبيت مايخلينى اتغدى الايتغدى بية الاول هههههه
ومر على زواجنا شهرين كله عسل بعسل حتى نسيت بيها الدورة الشهرية فديوم انتبهت على تاريخ احدى الصكوك لكيت الدورة فاتتنى سألت ميادة كالت يجوز عندج اكياس تمنعها تنزل كالت ورة الدوام نروح للدكتورة
فعلا ورةالدوام رحنا اني وهي ودريد طلبت مني الدكتورة اسوى تحليل خاصة من عرفت بزواجي قبل شهرين رحت حللت وكعدت ربع ساعة انتظر النتيجة وماصدكنا من كالت النتيجة حامل..
دخلنا للدكتورة اكدت الحمل كتلها شلون دكتورة اني كاللولي انتى عاقر وعندج خمول بالمبايض كالت تعاي خلي اسويلج سونار وفعلا سويت واتاكدت كيس الحمل على المبيض كالت الدكتورة لابد اكو غلط او اشتباه بتقاريرج كالت رحوا على الدكتورة وواجهيها بحملج وتقاريرها قبل سنوات فعلا رجعنا للبيت وشلت تقارير ورحت للدكتورة السابقة وواجهتها ظلت ماتعرف شتكول إلا هددتها كالت ارجوج زوجج واخوية بوقتها طلبوا هيج اكولج كالوا على اساس قلبج ضعيف وماتتحملين حمل ولادة وكالوا كتبي هيج تقرير حتى تقطع الامل بالحمل ونظمن حياتها وصدكتهم طلع رامي هوالي ميخلف وداره عليةلعدليش ماحملت منه سامحت الدكتورة لان فرحتى بالحمل خلتنى انسي واسامح دريد
فرحته ماتنوصف بس وصلنا للبيت اتؤضيت وصليت ركعتين شكر لله ودريد هم وياي من فرحتنا كمنا مانعرف شنسوى تالي عزمنى ع مطعم رحنا اتعشينا ورحنا للكورنيش كعدنا نباوع على العوائل ونحلم تكبر عائلتنا ونكون عائلة جبيرة مثل هاى العوائل وطول فترة حملي جان مدارينى مثل الماي بالصينية وورة 7اشهر جبت احلى بنوتة سماه دريد سجى على اسم برنامج سجى الليل الي جنا نسمعها ايام الكلية وملئت بيتنا فرح وسعادة جنا نخاف عليها من الهوى الطائر هههههههههه
ورة سنة حبلت بتوم ولد2سميتهم أحمد وفرات على اسماء بابا وعمي آلله يرحمهم
طبعا استقلت من شغلي لان جهالي صارو اهم شئ بحياتي وعانيت وية التوم كلش جانوا اهل دريد يساعدونى بيهم يومية وحدة من خواته يمي لو امه الي فرحتهم كانت اكبر منا بالاطفال ..
وورة سنة جبت بنت سميتها فرح ووراها جبت ولد سميته علي على اسم والد دريد الله يرحمه وحاليا حامل
😂😂😂 هسة تكولون شنو ارنبة بس موبيدى احب الاطفال ودريد هم يريد وببطنى حاليا بنت راح اسميها ديما على حرف ابوها ..د...وهسة اكدراكوللكم احنا سعيدين ومرتاحين بحياتنا اني ودريد والحب يجمعنا وحمدلله عائلتنا كبرت مثل ماردنا وبهذا خلصت قصتنا ..
واتمنى تكون عبرة قصتى لغيري ان ماترضي على الظلم لنفسها مهما كان ولازم تاخذ حقوقها ولو اني ظروفي كانت غير لان ماعندى اهل غير بيت عمي وتحملت سنوات الظلم والقهر والالم والمعاناة وأن شاءالله الي اجر بيها عند الله وحمدلله عوض صبري خير....
اتمنى عجبتكم القصة واذاعجبتكم اتمنى التصويت والتعليق وتحياتى الكم
والى اللقاء بقصة جديدة...نور
