كمت اشيل نفسي كوة وامشي رحت سبحت بدلت وكمت اداوي جروحي من أثر ضرب رامي وسمعت صوت عمتى تنادينى حتى اطبخ الغدة وانظف البيت نزلت بية مابية طبخت نظفت صعدت حتى مااكلت اي شئ ونمت كعدت العصر ورامي فوك رأسي يريدنى اوقع انجبرت اوقع فرح وكام يبوسنى ويعتذرمني ونزعنى على أساس يراضينى وكمل حاجته منى وراح سبح وطلع يعنى بدون مشاعر...
ولاكانما كانت مرة جواه نايمة أي تفاعل ماكو بينا بالممارسة لدرجةفقدت اي احساس بالشهوة .
ثاني يوم رحت للدوام وحطيت مكياج حتى اغطي وجهي من الكدمات الي سواهن بوجهي رامي كنت بس ارتاح بالدوام ومن ارجع احس راجعة للسجن
ارجع اطبخ واكرف لليل ولدرجةماعندي وكت اهتم بنفسي...
ظليت على هلحال ل7سنين وبهل مدة أم رائد طلع بيها المرض الخبيث بالثدي وظلووا يراجعون بيها وقطعوا وحدة من ثدياتها ظلت 6اشهر بالفراش حتى جبتلها ممرضةخاصة اداريها وانطيها راتب مني وكامت تعتذروتطلب منى اسامحها وابرئها الذمة سامحتها لأن عانت هواية بمرضها واتؤفت وراها بسنة باعوا البيت والمحل وكلمن اخذ حصته واني اخذتلي بيت على كدنا اني ورامي وكملت رامي على فلوس حصته من الورث ودخل شريك بمعرض سيارات واخوه رائد سافرلتركيا ومناك قدموا لجوء بUn واحنا استقرينا بحياتنا تقريبا وكم مرة حاولت وية رامي نروح نسوى طفل انابيب ماقبل وبعدين فكرت كلت المن اخلف لرامي الي مايستحق يكون أب خليتها على آلله
فديوم بالدوام اجتنى ميادة فرحانة كالت هنا تدرين منو انقل يمنا كتلها منو كالت دريد الشاب الحلو الابيضانى ابو عيون عسلية هسة يم المدير وراح يجى يستلم شغله اهنا فرحت به لان كنا شلة وحدةبالكلية هو وميادةواني وزوج ميادة واحنا نحجي به اجي فجاءة شاب ثلاثينى يجنن الشعرالمرتب والوجه الابيض البشوش وعيونه العسلية وطوله الي كان 180سم اشبه بنجم من نجوم السينما سلم بحرارة علينا وكعدنا نحجى بايام الكلية وعرفنا اخباره وعرف اخبارنا
كانت نظرات دريد الي وهويكلمنى ادل على شئ مافهمته ...
كمنانحجي ونضحك على سوالفنا أيام الكلية وشلون جنا نستمع للراديو من يطلع برنامج سجى الليل ونسهر وياه للصبح ههههه ايام جميلة كانت طلب مني دريد رقمي ومن ميادة هم اتبادلنا الارقام وياه...
وبنهايةالدوام ودعنا بعض ورجعت للبيت نزعت حذائي(تكرمون)وذبيت الجنطة واتمددت على القنفة وغمضت عيوني اريد ارتاح اشوية وغفيت من 3ل6لكيت عندى مكالمة ورسالة فتحت الرسالة من رامي راح يسافر لغير محافظة علمود تحويل عقود سيارات والمكالمة كانت من دريد ودزيتله رسالة كتله اسفةكنت نائمة مااتصلت منعا للاحراج كدام زوجته مااعرف ظروف الناس شنو..
هواتصل رأسا ورديت عليه
الو
الو
هلو هنا
هلابيك
شلونج
حمدلله
حبيت اشوف خطج يشتغل لو كلاوات😂😂😂
لايشتغل حمدلله😂😂
هم زين😅😅
اي اطمئنيت😅
اي كلش هههههه ترى حتى ميادة اتصلت بيها
هههههه زين.يلة اخاف احرجج اترخص
ماكو اي احراج
مع السلامة
مع السلامة
من سدينا الخط لكيت نفسي كدام المراية والابتسامة تشك حلكى منا لهنا هههههههههه من زمان ماشفت نفسي بهل راحة النفسية رحت سبحت سويتلي عشا خفيف واتعشيت رحت فتحت التيفي وكعدت اتفرج ولاول مرة يبات رامي برة البيت حسيت بخوفة شوى فتحت موبايلي كمت اكلب بالفيس واليوتيوب ملل وميادة غير متصلة حتى اراسلها واني بهل افكار شفت اجاني طلب صداقة ساهرالليل كلت منو هذا دخلت الصفحة لكيت صورة لدريد عرفت صفحته وافقت عليه وراسا راسلنى بسمايلات ضحك 😂 كمت لااردايا اضحك وياه كال ليش سهرانة كتله زوجى مسافر ووحدى وماعندى احد اروحله او احد يجينى فظليت وحدى وانت ليش سهران
اني يوميةاسهرل2متعلم هههههه
زين المدام شلون تقبل بسهرك ههههه
المدام نائمة من 10خطيةتعبانة لان جانت عازمة اهلها اليوم هي اختصاصها زوارة وعزايم وسفرات وطلعات وبس اما زوجها اخر اهتماماتها(طبعا ماردت احجي شئ موزين على زوجتى لان شغلة تمس كرامتى اني هم بسالفتها)
ظلينا سهرانين ونراسل ل1واني نعست ونمت وهوخطية مراسل واني رايحة بسابع نومة ههههههه...
ثاني يوم بالدوام طبعا نسيت اكللكم مكتب دريدصار بغرفتنا اني وميادة اول مادخل سلم وابتسم وهمسلي بدون ماتسمعنا ميادة وكال خوش بليل عفتينى ونمتى
ههههههههه شلون عرفت
موشخيرج وصل يمي للماسنجر😂😂😂
