اجبرت على الزواج من حبيبي

البارت 7

في بيت عمر

عمر : بابا اكدر احجي وياك بموضوع

سامي : اكيد عمر خير صاير شي

:لا سلامتك بس انة اريد ازوج واكيد انتة تعرف منو

:واخيرا نويت الف مبروك اكيد اعرف اكو غيرها انة احجي وي عمك بالموضوع بس انتة ونور متفقين يعني هية مستعدة تزوج وهي تدرس

:شنو يعني تريدني انتضرها تخلص جامعة بعدين انة اكيد مارح امنعهة من الدراسة شنو اخذ رائيهة انة قررت ونتها كافي ادللت هواي خلص الصبر وياها

:علكيفك عمر شبيك عصبت انتو بيناتكم مشاكل ليكون نور ما موافقة

:اسف يابة بس واللة خبلتني خلص انة قررت ونتها

:خلص ماشي ابني الي تريدة يصير اليوم احجي وي عمك بالموضوع ونروح نقرا الفاتحة ونخلص من خبالكم بس عمر احذرك هاي بتي و ماسامحلك تئذيهة واللة ولا ازوجك اياها واخليهة حسرا بكلبك

:هههههه واللة يابوية ماتكدر ابنك اذا خلة شي براسة ياخذة بس لا تخاف وتوصيني لان ماكو واحد اياذي روحة بعدين خاف علبنك بت اخوك مو سهلة شيبتني

نور : كعدت من النوم الضهر ودخلت اخذت شور نزلت علة الغدة ودك تلفون بابا وكان المتصل عمي

خالد :اتشرف بيك خوية انشاءاللة باجر انتضركم اللة وياك خوية

نور :خير بابا شيرد عمو

الاب: باجر عمج ايريد يجي يقرا فاتحتج انتي وعمر

نور :شنو بابا بس انة ماريد ازوج ايد اكمل دراستي انة مو موافقة واصلن انة ماريد عمر ماريد ازوجة

لاب وهو يضرب على الطاولة وعيونة حمرة من الغضب موهية الشغلة بكيفج اضاهر انة دللتج هواي تردين تفشليني وي اخوي مو بعدين شبي عمر ماعاجبج بسلا دخلتي جامعة وشفتيلج شوفة

نور :هئ هئ هئ بابا انتة المربيني تكول هيج لا تخاف انة ماشايفة شوفة بس ماريد واحد ايريد يملكني مثل اي سلعة بحجت انو ابن عمي بابا ماريد ازوج ماريد وماتكدرون تجبروني تركت المائدة وصعدت وانة مشتعلة من الغضب الغرفتي

الاب : لاحول اللة شنو باللة بناتج سلوى عقلي بتج راح تاخذ ابن عمهة غصبن عليهة ماريد ارد اخوي

سلوى : سامي هدي روحك انة راح احجي وي نور واقنعهة بعدين انتة تعرفة جكد تحب عمر بس اكيديد متعاركين كل عادة مخليهة تعاند وترفض

نور : ماعرف ليش هيج سويت مع انو انة احب عمر كومة بس ماجنت اريد ازوج بهاي الطريقة احنة لحد الان معشنة قصت حب ولا مرا عترفلي دائما عرك ومشاكل وحجية وياي كلة اوامر وحتة هسة خطبني بدون مياخذ رائيي عندن بيه اوف شراح اسوي هسة ماكدر اكسر كلمت بابا وفشلة وي عمو اف

عمر : ادري السويتة غلط جان لازم اخذ رائيهة قبل
لا رليش اخذ رائيهة مو هي تريد تعاند خل لعناد يفيدهه وخلا شهر راح تصير مرتي برضاتهة او لا

:-) :-) :-) :-) :-) :-) :-) :-) :-) :-) :-) :-) :-) :-) :-)

في اليوم التالي

نور :اليوم راح يجي عمو علمود يقروا الفاتحة وبابا ماخذ رفضي بعين العتبار بس انة ماراح اصير مثل ماما (بابا من النوع العصبي ومتحكم بكلشي وماما دورها بس تنفذ وماتعترض علة شي بحيث انو بابا عصبي حتة ماسمح الهة تكمل بوضيفتة بعد الزواج) وعمر احسة نسخة ثانية من بابا متحكم وعصبي قاطع تفكيري ماما

لام نور :ياللة كومي غيري ملابسج ونزي اجة عمج

نور:شنو انتو ليش ماجاي تفهموني كتلكم ماريد ازوج يعني لان ابن عمي لازم انجبر ازوجة

سلوى : شبيج يا يمة انتي تدرين راح يجي هاذ اليوم وبعدين عمر ما يعيبة شي وهو يحبج ونتي تحبينة

نور : ماما انة ما مستعدة فهميني

سلوى: فاهمتج يا ماما بس مابيدي شي ياللة حبيبتي كومي عمج ينتضرج

نور :ماشي ماما جاية وراج نور دخلت للحمام لبست فستان مرتب لون بيجي ومكياج خفيف ونزلت جانو عمو بالستقبال وعمر وبابا ودخلت وبيدي العصير كعدت يم ماما وعمر مدنك راسة ومبين ضايج

عم نور :  سامي انتة تدري علة شنو جايين اليوم احنة اهل ومابينة هاي المقدمات اريد نقرا فاتحة نور عمر هاذة بعد اذنك وموافقت نور طبعا هاي حياتهة

ابو نور : البت بتكم وانة مالكة احسن من عمر وبيت اخوي لبتي

عم نور : ونعم منك خوية بقة بس نسمع رائي نور شنور ائيهة نور عمو شتكولين اشو ماسمعنة صوتج

نور : من سئلني عمو عن رائيي ختنكت ماعرف شكول مناحية بابا وعمر وعمو مناحية انة مامقتنعة
شفت عمر ينضرلي بتحدي وبابا ينضرلي بتوعد ياربي ساعدني ليش انة مالي رائي بحياتي

عم نور : خير عمو اشو ساكتة وكولي احجي ولا تخافين محد يكدر يجبرج علة شي ماتردينة

نور : باوعت علة عمر ودنكت راسي عمو انة مو مستعدة واريد اكمل دراستي

عمر : هو معصب وصاك سنونة شنو يعني افهم من حجيج انتي ما موافقة انة ماكدر انتضر اكثر بعد اربع سنوات وانة اكيد ماراح امنعج من الدراسة

نور : بس انة مو مستعدة لزواج وتحمل المسؤلية وماتكدر تجبرني لا نتة ولا غيرك بشي ماريدة

ابو نور  : نووووور اضاهر انو انة ماعرفت اربيج ودللتج زيادة وكمت اريد اضربهة

نور : بابا عصب بعد كلامي وكام يريد يضربني بس عمر لزم ايدة وعمي حجةعلية وهدى

عمر : لزم عمي وكتلة لاعمي ماكو داعي تضربهى هاي حياتهة وانة اكيد ماراح اجبرها علة شي تقربت منهة وهية منزلة راسهة وتبجي واحس شي بية انكسر وكانو مو ها نور الحبيتهة ومتاني اللحضة الي تكون بيهة مرتي رفعت راسهة وكتلهة اخر كلمة راح تسمعهة مني ( نور احنة نتهينة) وتركته وطلعت

نور : تقرب مني عمر وانة عيوني تصب وكال كلمة عرفت خلالهة اثر القرار الي انة اخذتة عرفت حجم الجرح السببتة الة ولبابا ولنفسي من كال هاي الكلمة احس انكسر شي بية حسيت انو خسرت عمر للابد (احنة نتهينة )كلمة بعدهة صرت عايشة بدون روح
:-) :-) :-)
ياترا شنو راح يصير بعد قرار نور راح نشوف بالبارت الجاي