اجبرت على الزواج من حبيبي

حيات جديدة معك 27

مرحبا حبايبي يسعد صباحم
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

نور :احس الدنية طالعة من عيوني وما خاطر سمر جا ما رحت للزفه رحنة انة ونوران وعمة وي عمر وصلنة مانتبهتلة ابد بقو يحجون وايضحكون وانة ابعالم ثاني كلماتة ترن بذاني احس واجع بكلبي احسة ينزف من كلماتة معقولة انة هيج بنضرا مغرورا وانانية ومافكر غير بنفسي بس لان ردت احقق حلمي هففف وعلني من تفكيري صوت الهوسات والرمي يمكن لان عمامة شيوخ نزلنة ونزل  سجى واحمد باوعلي بالمراية وكال غطن وجوهجن ماهتميت بس غطيت واجهي الان العالم مقلوبة كلاب وجابو فدة ذبحو خطية

مصطفى :ياللة سمورا لبسي العباية راح نوصل ها مو تركصين هواي ولا توصلين للمطبخ وي العشة لان راح ينكلون للاكل للىبيت لا ادفنج

سمر :جاي البس بالعباء واسمع الاوامر كتلة اكدر انزل اذا ماكو اوامر ثانية يا زوجي هه

مصطفى :بتسم لاماكو بعد يامرتي ياللة نزلي

سمر :ماشي

سجى :وصلت الزفة اباوع احمد صار يعدل بشعرا والقاط وذب الجكارا الماوكعت من ايدة من طلعنة من بيتنة معقولة لهل درجة مو طايقني ومجبور بية وخذامي لان ما يريد يخسر عمر واللة اموت روحي اذا صدك بعدين شفتة باوعلي درت واجهي صار يعدل بالكبوس حتة مايطلع شي مني نزل ودار اعلية نزلني ولزم ايدي وصار رمي قوي وهوسات جلبت بيد احمد بقوا وكملوهه علي من ذبحو كدامي درت ضميت راسي بحضنة فتت لبيت احس اختنكت مكلوبة كلاب رغم بيتهم جبير بس الكبوس موتني كعدت واجت نور وماما نزعني ونور ضبطت شكلي ياللة شتميت الهوا وستقريت شتغلت الهوسات وصارت منافسة بين عماتة وخالتة شوي ويتعاركن مو يهوسن صدك ضحكت حتة نور ضحكت باوعت لحمد صافن علي بس شافني دار وشه وكام طلع خطية صاير احمر واجهه عركان من الخجل اجت نوران الخبلة وكعدت بمكانة ماعرف شلون حبايبي لزمن رواحن والركص كدامهن يمكن شبعن ابيتنة بس اباوع بنات عمة يباوعن بحقد علي وعلة البنات من نزعن عبيهن وبقن بالفساتين كصار وكصيفة احنة عدنة هاذ الشي عادي مادام ماكو وزلم وحتة خالاتة وبناتهن هم مثل لبسنة بس الضاهر اهم ماعدهم هيج شي مااكول مبهذلات لامراتبات بس لبسهن مستور وبيهن حتة محجبات تعرفت علة بنات خالاتة الماعرفهن وخلاتة لان ماصارت فرصة قبل اعرفهن عدلا كلش حبابات وهنة همات ماتن علي يكلل طالعة تركية وضلن يحجن وياي عن الفستان والتعديل شلون عاجبهن كلش فرحانات بية
ومة كل اشوي تجي تقرا المعوذات علي اتكلي اسمع النسوان بس يبسبسن عليج وعلة انة ما امن بالحسد وكلهه خالة عادي جانت الاجواء اتجنن نسيت الهم حتة نور اندمجت وتسولف
بس ضجت لان ماتقبل اتبات وياي وكلتي تجي باجر بس هم خطية تعبت وهنا خبصة مرات اباوعلهه تريد تاكل سارا بيعيونهه وذيج بس تغمزلهه وتضحك اكيد ضوجتهه من وراهه

احمد :ذيت قهري كلة بالدخان ماتمنيت هاي اللحضات اتمر بهاي الطريقة باحلة يوم بحياتنة كاعدين سوا وكلمن بعالمة تمنيت الزم ايدهه واكلهه احكد طالعة حلو وانة اسعد انسان اليوم لان انتي صرتي حلالي وام الاطفالي بس هية بانانيتهه دمرت كلشي بس ليش انة ضعيف كدامهه ليش من تلزم ايدي ومن تحتمي بية من اتخاف احس بسعادة وكلبي يحن عليهه وكلة كوم ومن تبتسم كوم ثاني بس اهاذ كلة ماراح ينسيني كلامهه انو انة مو الشخص المناسب الهه والتحلم بي هاي الفكرة احسة راح تخبلني وبدي اكلهه بسنوني لان خلتني لعبة بديهه بس تحلم اخليهه الواحد ثاني حتة لو ماتحبني تتحمل قراراتهه لان مو انة التنازل عن حقي وافوتهه الهة اف العالم مخبوصة بية رمي وهوسات وانة الابتسامة كوا متصنعهة انة عمي الجبير شيخ كلش احترمة واعتبرا مثل ابوي لان جان كلش ايحبة وهوا وكف ويا من اتخلة عنة ابو طلب ايكون عرسي كلة حسب الاصول العشائيرية طبخ وذبح وهوسات وها السوالف مو بالقاعة وانة طبعا وافقت لان انة اريد عرسي بهاي الطريقة لان انة عندي انتماء الهم وقاعد بديوانهم وماخذ من اطباعهم وكلش افتخر بيهم يعني العرس طلع بد شي وراح ايضل اتلثتيام علة هاي الحالة المهم صار المغرب صلت العالم وصبو العشة كلة مفطة والعالم مكلوبة كلاب جماعتي وهل ديرتي كلة اجت لان انة انة ابن اخو الشيخ حتة عمر خطية حضر ويكلي انة اخو العريس اليوم طبعا عمر اعضم صديق قابلتة بعمري وكلش اخاف اخسرا اللة يسعدة نشاللة وينولة البالة واخدمة يوم عرسة والان الضاهر نور ماتفرق عن بت عمهه مايجي من وراهن غير شلاع الكلب