خلي نقرر هالمره صدك .. ونحجي صدك .. ونخلي الليلة ليلة تغيير ... اريد آخذ قلوبكم شويه احجي وياها وارجعها..💙
الله عليك ماتعبت من الدنيا؟ ما مليت من البجي قبل النوم يوميه؟ والحزن والكآبة وسوء الحظ وعدم التوفيق؟؟ موكلشي تريده ميصير ودوم تردد ( هو اني بيمن كعد حظي حتى يكعد بهاي)
شنو رأيك تحل كل هالمشاكل؟ الحل بيدك.. صدكني بيدك .. انت بس سوي Delete للماضي وابدي حياتك الجديده بقرب ربك... اي ربك.. لك ربك الخلقك ووكفلك وستر عليك وانطاك عافية 💙ربك الماكو احن منه عليك .. حتلو خلصت اوراقك ع كد ما تبدي صفحات جديدة جيب دفتر جديد وابدي❤️
زاني؟ سارق؟ مخلصها علاقات حرام ؟ تسمع اغاني؟ تكذب؟ تشوف أشياء محرمة ؟ ميخالف ... ميخالف ... ربك ما خله شي اسمه توبه الا لان يدري بيك تذنب .. يقبلك والله .. انت بس تدنى ..ابدي تخطي خطوة نحوه .. فاجأ ابليسك وخرّب عليه .. فرح قلب امام زمانك الليلة..❤️ تدري شلون الله يغفرلك ويستر عليك ؟ يمحي ذنوبك من سجل الملائكة الموكّلين عليك بدون ميدرون ويمحي ذنوبك من بالهم بدون ميحسون ⠀الله يقبل من يأتيهِ معتذراً
فكيف يرفض من يأتيهِ توّاقا؟ ..
﴿ الله يحب التوابين ﴾ ثق و اعتقد انه شگد ما كنت مذنب نهائيا الله ما يعوفك حتى لو انت تنسى الله عزوجل هو ابد ما ينساك ، شگد ما اذنبت هو يبقى وياك .
يعني تخيل اليوم انت ممصلي الفجر ومسوي ذنب وبالليل قررت تتوب وتستغفر .. ثاني يوم الصبح تشوفك الملائكة عبارة عن قطعة نور️ لان ربك نسّاهم السويته البارحه🧡
التزم بصلاتك شويه شويه .. اذا عندك ذنب بموبايلك امسحه... اختلي وي صاحب الزمان واحجيله اللي بقلبك وكله من اليوم راح اتوكل ع الله وعليك وحياتي سلمتها بيدك انت تكفلها واني راضي بكلشي❤️
الماعنده ابو صاحب الزمان ابوه
الماعنده صديق صاحب الزمان صديقه
الماعنده احد صاحب الزمان عنده🍃
انت الغائب الذي لا يحضر وانا المشتاق الذي لاينسئ
#اللهم عجل لوليك الفرج
متباركين بالولادة أمامنا ومنقذنا الإمام المهدي المنتظر صاحب العصر والزمان " عجل الله تعالى فرجه الشريف "
أنت تقرأ
يوسف الزهراء 😔
Romanceأبا صالح 💚 مولاي كن لقلبي حافظآ وقائدآ وناصرآ ودليلآ وعينآ حتى تسكنه جنة عشقك طوعآ وتمتعه بالنظر الى جمالك اليوسفي طويلآ .. #آمل الغرباء #ياصاحب_الزمان #همسات مهدوية
