Oops! This image does not follow our content guidelines. To continue publishing, please remove it or upload a different image.
NUNG KAPE KU MU
Nung kape ku mu, gisingan da ka neng abak. Itang atin ka pang pikayatan wawa, uman da na kang tambing!
Nung kape ku mu, patse marimla ya ing penandit pakapalyan daka panamdam.
Nung e ka mipaindatun kakaisip, sopan dakang misip. Maski alang mabayat kabaldugan.
Nung kape ku mu, yakung abe mu karing mangainip mung penandit. Itang maski ala nang manwala keka, yaku manaya mung igogo mu.
Nung kape ku mu. Nung magkape ka mu.
________________________________
Oops! This image does not follow our content guidelines. To continue publishing, please remove it or upload a different image.
MIYABENG MAGKAPE
Tunggal ditak milalabas ding aldong mamiragli Anti mo ing mayumu ta, ala na pin bayu pang sali. Mandam ku pang adwang sanggkap king siping tang bale Manyaman katang mipagkwentu kabang agnan magkape.
E minukal ining danum, ala tana waring tangki? Pandisal inutang ta, tiltil me e man mikapali. Kimbage mas map ini, ala katang kabangli E la manasakit ding kabukas tang mitatayid a labi.
Misan matabang ka sangkap, maralas mapait Ayus mu kan aku ita, basta parati ka tang mitayid. E ku sumawang migising balang abak ban magkape, Bastat ika mu, ing kan akung kayagnan, kayabe.
________________________________
Oops! This image does not follow our content guidelines. To continue publishing, please remove it or upload a different image.
Dalaga King Laguna
Mag maneu kung bisikleta king dalan ating babaing pasuba kanaku Linawe ke paka duku ya Marine ya? Matsura ya? Bayu ke pa limpasan abau ke Kilala ke bau, balu ke bau Sinitsit ya ing angin 'Balikdan me!'
King busal ding tanaman a sumangiran paka tanam king dalan. King dalan a e ku man bitasang balu nu papunta. King dalan kabud ku mu belausan. Dalan a mekad kalili ku uling e ku na balu ing pauli. Sikanan ku na pin man ing lub kambe ding bunduk a paka dungo. Belikdan ke ban pakibalwan nung iya. Kalawe ku minablas yang suglap. Maka libing ya ing metung nang taliri king arung na. Aliwa man iya!
________________________________
Oops! This image does not follow our content guidelines. To continue publishing, please remove it or upload a different image.
Nung Manyaman Ku Mu
Danupan ku. Teka mangan. Matamad ku. Ok. Ala mu rin ing buri ku. Ok. Ika ing buri ku. Ah ok. O ika ng buri mu? Tutung pamangan ing buri ku. Dakal a dakal a kiwi! Ah detang grin deta? Nanu la lasa? Manyaman ita. Manyaman pa keka! Buri mung sabyan, taganang manyaman ku, ne? Wa. Ha ha ha! ? Ali mu rin. E mu ku lakwan, nung manyaman ku mu.
