تائهة بين اروقة الماضي
بقلم الكاتبة nuha-d-h
(((مساء القرنفل عليكم يا احبتي القراء))
((اليوم نزلت الكم بارت كلش طويل
يعادل عن بارتين
فارجو ان تقدرون التزامي وياكم بتنزيل البارت بالموعد لان الالتزام بحد ذاته
يعتبر مسؤلية وتعب عالكاتب ))
🌹🌹🌹🌹🌹🌹🌹🌹🌹🌹🌹🌹🌹🌹🌹
ميس: هيام انتي لازم تحجيلهم عن بيت عمج وخصوصا ابن عمج نبراس
هيام: ميس !!!!!
ميس: هيام لا تخافين على بابا وعمامي ترة همة
كدها ويكدرون يردعون عنج نبراس
انتبهت على ضرغام نهض من مكانه
ضرغام: ميس احجي شنو صاير اشبي ابن عمها نبراس
هيام: ماكو شي
راضي: عفو عليج خالو لهلدرجة ما عندج ثقة بينا
وتخافين تحجيلنا
هيام : لا والله خالو مو هشكل بس
ميس: بابا هيام مو ما عندها ثقة بيكم بس تخاف عليكم من المشاكل تكول اذا احجي اخاف يتأذون من وراي
وهمة ما ناقصين
ضرغام: وشنو احنا مو بعينج
ميس: بابا هيام تخاف ترجع وية عمها
لان ابن عمها نبراس من اتوفى ابوها كعد يهدد بيها
علمود يجبرها عالزواج من عندة
وهيام رفضتة وعمة هناء خافت على بنتها من نبراس واجتي للبصرة وجابتهن هنا علمود تحميهة من عندة
لان هو ضل يتوعد
وهيام من توفت امها ما كالت لعمها لان تدري بنبراس
راح يجي عليها ويطالب بيهن هي واختها ويستغلها فرصة يتيمة لا ام ولا اب فواثق هي راح تقبل بي
مع العلم يريدها تصير زوجتة الثانية
وهي هسة خايفة منة
جانت ميس تحجي واني اباوع عالوجوه شلون
انخطف لونها مصدومين من الي كاعد يسمعونة من ميس
انتبهت على ضرغام كام طلع جيكارة وشغلها
وكعد يدخن وينفث الدخان بغضب جنة تنين
اول مرة انتبه عليه يشرب جكاير ويباوع علية
راضي: ليش ساكتة هشكل عنة
اذا جنتي خايفة من ابن عمج يسويلنا شي
ترة خوالج مو كليلين شر اشو واحدنا
يدور العركة دوارة وعدنا
رجالنا تسد عين الشمس وداعتج
نحطة ونكتلة قابل انتي تايهتلة
ضرغام: المفروض تخافين على ابن عمج الشفية
من عدنا مو بالعكس
ما راح اكول انا وانا بس راح اخلي الافعال هي التحجي
انتبهت علية سحب سويج السيارة
وكام من مكانه ضرغام: ضاري تعال وياي شوية
وانت عمو حسن دليني هذا الرجال الي يتوسط بينكم اريدة يدليني على مكانهم وين بالموصل
اريد اشوف شلون يتجرء يهدد حرمة هالمخنث
اذا ما احرك عشيرتة ما اتسمة ضرغام
كلبي وكع من مكانة هيام: خالو عفية لا تخليه يروح
شافو الخوف والهلع بعيوني
راضي: ضرغام بوية اكعد خلينا نفتهم ترة انت مو احرص مني على بنات اختي ومو كلشي ينحل
بالقوة وضرب السباع على كيفك تريث وانتظر
نشوف عمها كال انا الباجر العصر اجي اخذ بنات اخوي
خلاص احنا ننتظره
زمخ بية ضرغام من شاف خوفي عليهم
: وانتي شبيج خايفة لا تخليني والله انعل سلف سلفاهم
واريد واحد يطلعلي اااااخ بوية
عض ايدة
: انتي ليش الله خلقج ثولة يعني يهددج وانتي ساكتة عليه معقولة اكو هيج غباء
نزلت الدموع غصب عني من ورة كلامه : حقك تحجي هشكل لان انت حياتك طبيعية وما عندك سمعة تخاف عليها
