جروح غريب

#جروح_غريب

#البارت_الرابع

منتظر الليل حتى اتصل بيها..صارت ساعة 10اتصلت..ماكو..مردت كلت يجوز اهلها كاعدين لو خلته صامت ..ومشافت المكالمة..انتظرت..شويه اتصلت..مرة لخ..هم مردت ..اهووو.هاي متقصدة تشلع كلبي..بعنادها بقيت اتصل اخير شي..ضجت دزيتلها رسالة:

ليش متردين مو شلعتي كلبي دجاوبي كولي ..ها...وجعا؟؟

ورة دقيقتين جتني رسالة:

اهلي بعدهم كاعدين..رجاءا لتتصل هسه والله روحي تنخطف لما اشوف رقمك يدوك؟؟

دزيت رسالة..

اي وشوكت ينامون:

لتلح اني ارمشلك..

اي رمشيلي انتظر مو تنامين؟؟

ماشي؟؟
انتظرت تقريبا ساعة وربع اووف اخيرا..رمشت
اتصلت:

الوو

الو

هلو..فرح
يولد..انت شتريد مني..ولويش هالكد تلح؟؟

الح؟؟

اي تلح..يعني شلون هيج تسوي تجي للمدرسه مالتي وتاخذ رقمي؟؟

اي..مو انتي مقبلتي تنطيني الرقم يعني شاسوي..انتي عنودية..

لا مو شغلة عنوديه..اني ما اريد انطي رقمي لاحد..يولد اسمع اكولك ترة اني مو من هالبنات الي يخابرن..ولازمات الموبايل؟؟

هاااا..شنو وحد لعد شكو مشتريه جهاز؟؟

انته..شعليك..يعني كل الي عدها جهاز تخلي بيه ارقام ولد وتخابرهم..

لج شنو ارقام ولد..

اي لعد مو هذا رقمك عندي..

هسه احنا شمسوين انتي ليش مكبرة السالفة؟؟

بعد شنسوي اكثر؟؟يعني من وراك اني جذبت على امي وكتلها صاعدة فوك اقره على ضوة البيتونه..وهسه دا احجي وياك والدنيا نص الليل يعني انته تشوف هذا صح؟؟

اوووف صح..حجيها بس موبيدي اريد اسمع صوتها فكلت:

بس احنا ممسوين غلط

لا غلط واكبر غلط؟؟

يعني هسه..انتي ضايجة لان اخذت رقمج وخابرتج..يعني متريدين اخابرج؟؟

اي..ما اريدك  تخابرني؟؟

براحتج..فرح..اني مو لزكة..ولا ماعندي كرامة..الله وياج..

وسديت الخط حيل ضجت من حجيها..بس عجبتني..حجيها كوله صح..

شمرت
موبايلي ع الميز جنت كولش ضايج..ردت اكوم اطلع للشارع اشتم هوه..بس كمت دك الموبايل...شفته رقمها؟؟

هاااا..فرح..ليش اتصلتي؟؟

يولد..امسح..رقمي والرسائل...

اي صار هسه امسحهن!!