#جروح_غريب
#البارت_الخامس
مر..يومين..هو متصل ..ولا اي رسالة وصلتني منه الظاهر..كلمته وحدة..بعد ميتصل..زين اني شبيه ليش كل شوية اباوع عالموبايل بلكي الكة منه مكالمة لورسالة...اووف..هسه اني ليش..لساني متبري مني..خطيه تذكرت عيونه شلون صارن حمرمن غلطت على امه الظاهر حيل جان متعلق بيها..بس اني شمدريني هيه ميته..اوووف..شكد ضجت من عرفت هيه ميته واني غلطت عليها..صح ضربني..واني اول مرة احد يضربني بس هو رجال وعصبي ميصير يسمع احد يسب امه..ويسكت..بس..بس هو مستهتر..شلون يحصرني ع..الحايط ويبوس بيه بهالطريقة..التخجل..اني دمي نشف صح عضيته وشكيت شفته..بس يستاهل..هسه ليش افكر بيه خلي يولي يطبه مرض؟؟
احمد:::
ساعة11بالليل كاعد بغرفتي والدنيا طالعة من عيني..صار..يومين من عفت فرح..صح عفتها..بس عمري مراح انساها..مصدكت من شفت رقمها يتصل..شلته..
الوو
الووشلونك..احمد
الحمدلله عايش!!
احمد..اني اسفه!!
ههه..ع شنو اسفه..بالله..ع حلكي..الي فتحتيه لو ع المسبه؟؟
لا تستاهل افتح حلكك..وافتح راسك هم؟؟
هااا..هيجي؟؟
اي..
فرح شتردين؟؟
كتلك اريد اعتذر منك لان غلطت على امك..والله ما ادري هيه ميته الله يرحمها؟؟
ع شنو تعتذرين انتي هم اخذتي راشديات معدله؟؟
شو صوتها تغير يمكن بجت؟؟
اي استاهل تضربني..احمد..صح محد ضاربني قبل بس حقك؟؟
خررررب..خرررب..شبي صوتج فرح دتبحين؟؟
صارلي يومين ابجي..احمد..اكول لنفسي شبيه لساني متبري..مني ليش غلطت عليك شفتك حيل تأثرت..عيونك صارت حمر..الظاهر حيل متعلق بامك؟؟
اي فرح..صح..اني الزغير..وامي جانت كولشي بحياتي..فجأة عافتني وراحت جوة التراب...تدرين لحد الان ممصدك هيه ميته؟؟
اووف سودة عليه؟؟
ورجعت تبجي؟؟
فرح لتبجين...لخاطر..الله!!
احمد بعدك زعلان ..... مني؟؟
مزعلان..بس لتبجين..
يالله مراح ابجي..تصبح على خير؟؟
هاي وين رايحة فرح؟؟
اعتذرت منك وكافي لازم اروح؟؟
فرح..اني..احبج؟؟
شنو..شكلت؟؟
اني احبج فرح..والله احبج صح عرفتج قبل 10ايام بس والله احبج..
