حال المجتمع فـِ❣ـيْ هذا الزمن

الجزء السابع

البارت ٧
للكاتب (ملازم🌟حسين)
ونزلت جوة بس خاطري مكسور ومن اول يوم الي بيت الشيخ وضحلي انو اني لاشيئ بالنسبه اله وينام ويايه من يعجبه وبس المهم نزلت جوة وجتي عمتي وجايبه الريوك مال الصباحيه وكلتلي شلونج وحجت ويايه وسلمت عليه وكلتلي حنان هم سلم عليج كالت اليوم رح ارجع ل بغداد
وراحت عمتي ودرت وجهي وجان اشوف الشيخ يمشي وحدة كامشته وخاله راسها على جتفه وضعيفه كلش وجه اصفر وجابها وكعدها وكعد على الريوك ماكدرت اخلي لكمه بحلكي انغثيت كلش شلون صباحيه هاي شلون زواجه غبرة كلت بس سكتت ومناك اجتي امه وياها طفل صغير نسخه من الشيخ راح كعد يم امه وطول مكاعدة مرت الشيخ تباوع عليه
تريد تاكلني بس شكلها يقهر كلش والولد كلش فقير ابد
ميتحرك كاعدة بمكانه عد شفتهم كلهم يباوعون عليه
عبالك مااخذة مكان مو مالي عد كلت خلي الطف الجو
كتله الطفل انت شنو اسمك باوع على ابو وجان ابو هز راسه يعني احجي جان يكلي صفوان كتله حلو اسمك وانت هم حلو كتله تجي اوكلك وديجي وجان تكمش امه يدة وكعدته واني فشلت كلش وخلص الريوك ومحد يحجي ويايه
والحجيه دورات احسه زينه ودورات احسها من جوة ليجوة
بس كلت لازم مااااخليهم  يضوجون مني
كمت داشيل الاكل وجان دكلي الحجيه مالج دخل هسه تجي ام مصطفى تشيلهن كتلها لا حجيه عادي اني
اشيلهن وكمت اوديهن للمطبخ واباوع الشيخ كامش يد مرته ويضحكله وهيا هم بس هيا مابيه حيل مبين عليها
ورة شويه كومها وداها للغرفه وظل يمه وطلع ومحجه ويايه ابد وبعدين طلع ماادري وين راح وبقه الولد الصغير كتله تعاي اجه كعد يمي يخاف يتحرك خطيه ماادري شبي
ومخلتني الحجيه اسوي شي
حاولت اخفف دمي احجي ويا الحجيه بس ماكو فايدة بس ام مصطفى التشتغل يمهم كلش حبابه وكعدت
تسولف ويايه وسئلتها على مرت الشيخ شنو بيها كالتلي هاي قبل سنه على غفله تمرضت وداها الشيخ لبغداد للدكاترة وماعرفو شنو بيه وكامت يوم ورة يوم تضعف وقابليتها هم تضعف وهاي يوميه تتمرض اكثر
خطيه جانت شكد حلوة والشيخ كلش يحبه وهسه من تمرضت صار محد يكدر يحجي وياة دائما عصبي
وخطيه دورات يكمش هذا الطفل يبسطه يطلع كل ضيم كلبه بي كلت خطيه من هذا ميتحرك من مكانه مسكين
جان دكول يخاف من الشيخ كلش
كلتلي انتي ليش زوجتي الشيخ وتعرفين عندة مرة
كتلها والله مااعرف  شيخ شكد عمرة ولااعرف عندة مرة
كالت صدك كتلها اي والله كالت الشيخ عمرة ٣٣سنه وهو ماعندة لا اخ ولا اخت بس هوا وابو اخذ مرته الثانيه وراح عاش بغداد وعندة اخت واخ بس من مرت ابو
وهو الشيخ شقي وكلش سبع والدنيا كله تهابه لهذا السبب
هو صار الشيخ كلتلي بنتي دربالج دكوليله لا
وتعارضي

يتبع.....