احببت حياتي معك ل اماسي الليل

الجزءالاول

#الناشربارق_العراقي
#احببت_حياتي_معك
#بقلم_اماسي_الليل
الجزء الاول
مرحبا اسمي انسام عمري 18 سنه جنت بالمدرسه شاطره كثير قبل سنه امي وابويه سوو حادث امي ماتت وابويه انشل بعد ما يكدر يمشي
ومن عرف ابويه انو امي ماتت صار بيه جلطه وبعد ما كدر يحجي
عندي اخوان 2 قاسم ومصطفى واخت وحده متزوجه وعدها ولد واحد
اخواني متزوجين اخويه الجبير قاسم عصبي كثير وزوجتو اسمها سعاد بس الله لايسعدها وقحه وما تحبني ومخليه شغل البيت عليه ومن امي ماتت خلت اخويه يبطلني من مدرسه عدهم ولدين وبنت
اخويه الخ مصطفى اكبر مني بسنتين مزوج زوجتو تحبني وتساعدني بشغل البيت اسمها هدى
اخويه صغير لايحل ولا يربط ما عندو كلمه كدام اخويه هو يهتم بأبويه وابويه يحبو كثير ما عدهم جهال
بس يحب زوجتو كثير ويحبني هم واني هم احبهم كثير
اخويه قاسم قبل ما يتزوج جان كلش حباب بس من اتزوج اتغير
كعدت بالبيت شغل البيت اني هداوي نشتغلها
اني مو طويله كلش بس حلوه كثير البس جبب طويله لان قاسم ما يقبل واصلا ما اطلع من البيت بس اذا مرضت
هدى،، انسام حبي اليوم ما اعرف اش بيه دايخه كثير😩
انسام،، ليش اش بيج خاف تعبانه من شغل عوفي اني اشتغل اكعدي اهنا😦
هدى،، لا حبي ما يصير بعد باقي شغل كثير
سعاد ،، اش بيكم كاعدين وتسولفون كومي اشتغلي انسام لو تريدين اجيبلج جاي👹
انسام،، استغفر الله بدينا من الصبح
راحت العوبه وكمت كملت شغل وسويت غده ما خليت هدى تشتغل العصر مصطفى اخذ هدى علمستشفى
ومن رجعو جانو فرحانين واكو اكياس بايدهم
انسام،، ها هدى اش بيج اش كال الدكتور؟🤔
هدى،، انسامو راح تصيرين عمه😊
انساح،، عااا طاح حظج ولج الف مبرووووك ولك مصطفى راح تجي انسام
مصطفى،، منو انسام😲
انسام ،، غير بنتك اكيد راح تسميها على اسمي😙
مصطفى ،، ليش مخبل اني اسميها باسمج عيني اسميها هدى على اسم حبيبتي😂
انسام ،، عابتلك انت وياها الكم شرف تسموها باسمي😎
هدى ،، لا تزعلين حبي احنا اتفقنا اذا ولد مجد واذا بنت زينب على اسم عمتي
انسام حبي شوفي جبنه حلويات بهل مناسبه بالليل نلكلها خليها بالثلاجه
انسام،، جيبي هداوي روحي ارتاحي بغرفتج
سعاد من عرفت ما اهتمت ابدا واني كمت ما اخلي هدى تشتغل خطيه حملها ضعيف
#يتبع