احببت حياتي معك ل اماسي الليل

الجزءالثاني

#الناشربارق_العراقي
#احببت_حياتي_معك
#اماسي_الليل
الجزء الثاني
مر شهور واحنا نفس حاله سعاد ما تشتغل واني ما قبلت هدى تساعدني خطيه لان حامل
بيوم من الايام جنت بالمطبخ اسوي الغده سمعت صوت قاسم يصيح
طلعت شفت قاسم يحجي ويه مصطفى
قاسم،، ليش اش بيه الرجال عادي خلي تتزوج كافي عاد منو راح يدك بابنا محد يريدها😠
مصطفى،، خويه اشلون تريد تزوج اختك لواحد مثل عصام هي بعدها صغيره وحلوه اكيد راح يجيلها قسمه احسن وبعدها صغيره الله يخليك عوف هالشغله
قاسم ،، اني انطيت كلمه للرجال وما راح اتراجع يوم الخميس الخطوبه وراها باسبوع العرس لحد يدخل

اني جنت مصدومه ما اعرف منو هذا الرجال وليش اصواتهم عاليه معقوله اخويه يزوجني بس حتى يتخلص مني بس عرفت كلها من ورا زوجتو
اتغدينه وخلصنا جيت داروح على غرفتي قاسم صاحني
قاسم،، انسام تعالي اكعدي عندي حجي وياج
انسام ،، اي خويه جيت
رحت كعدت كام يحجي واني ما اكدر افتح حلكي
قاسم ،، شوفي اكو رجال من طرف سعاد رايد يزوج اجا يخطبج واني وافقت هو الرجال زين وموظف بدائره حكوميه راتبه زين راح تعيشين مرتاحه هو عمرو 28 سنه صح كبير عليج بس تاخذين واحد كبير احسن من تاخذين واحد اصغر منج او بعمرج ما يكون عندو شخصيه حضري حالج يوم
الخميس خطوبه والاسبوع الوراه العرس
انسام جنت اسمع ومصدومه اشون راح يزوجني لواحد اكبر مني بهوايه وطلع العريس من طرف سعاد الله لا يوفقج يا سعاد
بس ما اكدر اعترض وافقت مجبوره مصطفى وهدى اخذوني عالسوك كمت اشتري اغراض خطوبه والعرس لان ماكو مجال حضرت الاغراض اجا يوم الخميس لبست فستان ازرق فاتح والردن دانتيل رفعت شعري بتسريحه حلوه وخليت مكياج جنت كاعده كالو راح يفوت عصام لهسه ما كن شفتو فات واحد و وراه النسوان جنت مدنكه رفعت راسي اتوقعت هذا يكون اخو العريس بس دشو هو اتقدم هوايه كعد يمي واني مصدومه طلع هذا هو العريس😲
مرحبا خلي اعرفكم على نفسي اني عصام موظف بدائره حكوميه اني الوحيد لاهلي عندي 6 خوات كلهم مزوجات ابويه متوفي امي لحت عليه كثير اتزوج وافقت بنت خالي سعاد مزوجه كالت راح ازوجك بنيه كلش حلوه هي اخت زوجي من كالت عمرها كلت اشون ازوج وحده اني اكبر منها بهواي امي كالت عمرها 18 سنه وعادي فرق العمر وافقت

اني كصير وعندي كرش وشويه سمين صح اني ما وسيم بس ما عندي سوالف شباب المكسره اهم شي عندي صلاتي وصومي ورضا امي اني البس مناظر لان من ورا دراسه والشغل عيوني كامت توجعني صار خطوبه رحت كعدت يم البنيه من رفعت راسها بقت مصدومه او يمكن متوتره جانت كلش حلوه كلت اشون هي وافقت
المهم صار خطوبه لبسنا حلقات رجعنا عالبيت ظلت صورتها ابالي ما اخذت رقمها استحيت
مر الاسبوع ابد ما ارتاحينه هي تحضر جهازها واني احضر الغرفه رحنا عالمحكمه اتزوجنه صار يوم العرس لبست ملابسي وطلعت راح نروح نجيب العروسه رحنا دخلنا شفت ملاك لابسه ابيض كلش حلوه تخبل لزمت ايدها واخذتها هي جانت بطولي هم زين مو اطول مني ههههه
خذتها عالبيت ما اجرنا القاعه لان غالي كثير خلص العرس دخلنا عالغرفه وووووو
#يتبع