احببت حياتي معك ل اماسي الليل

الجزءالاخير

#الناشربارق_العراقي
#احببت_حياتي_معك
#اماسي_الليل
الجزء الخامس
والاخيررررر
الدكتوره،، لا تخافين بنتي انتي حامل بتؤام 4 ولدين وبنتين اسم الله حولهم بس لازم عمليه لان ما راح تتحملي (بنات هاي حقيقه وحده اعرفها جابت 4 تؤام )
انسام،، بقيت فاتحه حلكي مثل تمساح مصدومه اشون اكو 4 ابطني
ورا ساعه دخلوني عالعمليات ما اعرف المده بس من فتحت عيوني احس سجاجين مغروزه ابطني من الوجع حتى ما تذكرت الجهال وره شويه كلت وينهم الجهال شفت عصام وعمتي وهدى يمي كلهم جانو فرحانين
عصام،، ولج انسام صار عدنا 4 ولاد ولج راح اتخبل اكلج البيت راح تصير حضانه الف مبرووك👨👨👩👩
انسام،، الله يبارك بيك وينهم
عمتي ،، هسه همه بالخدج بعد شويه يجيبوهم
جابوهم فدوه اشكد حلوين البنات يتشابهون والولاد هم يتشابهون
بعد يومين طلعت من المستشفى حضرولي غرفه جوه اشترينه مهد 4 صار الغرفه كلها حفاضات ومهد وحليب لا ليلي ليل ولا نهاري نهار عمتي هم اخذت ولد يمها بالغرفه واني وعصام 3 بقو يمنا
واحد يبجي والاثنين يكومون يبجون وياه
واني مره اضحك عليهم ومره من الضوجه والقهر ابجي وياهم
سميناهم حسن وحسين و زينب و زهراء
كثير تعبنه وياهم صار عمرهم سنه اشترينالهم حجله كل واحد حجله صار البيت فوضى عصام من وراهم حتى يوم جمعه يطلع من البيت
بس يرجع يشتاقلهم كلت لعصام
انسام،، عصام يكفي توبه بعد ما اريد يكفي هذوله
عصام،، اي والله انسام خاف هالمره تجيبين 8 هههههه
انسام،، ولك لا تضحك والله راح اموت من وراهم
اشكد مزعجين اذا واحد يبجي يكومون الثلاثه الخ وياه
عشنه اني وعصام بسعاده حبيت حياتي وياه وهو هم كثير يحبني كبرو الجهال مرات عصام ما يفرق بينهم بس اني اعرفهم
عمتي تغيرت تعاملها ويايه وسعاد بعد ابدا ما تحجي ويايه ومدى ومصطفى صار عدهم ولد سموه هيثم حلو كثير ابويه ورا 5 سنوات مات حزنه كلش عليه وانقهرنه بس هو ارتاح
بعد ما جبنه جهال كلنا كافي اربعه وربيناهم احسن تربيه

النهايه

اتمنى تعجبكم القصه