#غيرت قدري
الجزءالثالث
ل ورد العامري
فاطمه :صعدت وزينب ورده جنها احمدتضحك وتضحك الهوه كعدت يمي شويه ونزلت فتحت البرده خضار ساحربساتين المنضر ايهدء الاعصاب تمنيت اطلع وامشي بالبستان بس اذا كلت اطلع الكلمه اكبرمن جريمه القتل تصيرهسه عليه صاحو ع غده ونجمعن كلهن مينعرفن ياكلن لوايسولفن والاكل كومه اكثرمن شي محطوط الاكل من يصير هواي عبالك انحول تنسدنفسي اكلت شويه وكمت والكل عاط هاي شنو شكلتي ولج مناهل هاي شنوبتتج متاكل ورايحه معصعصه اني معصعصه وزني كان 58بس ماعرف طولي بذاك الوقت بس بالنسبه لعمري زين طولي جان هسه 160اني يعني كنت اكصر من هل طول شويه بس عندي معالم انثويه بجسمي مبينتني اكبر من 14سنه فضت هوسه الغده والمواعين صارت ساعه 2انتشرنه كل واحدايبدل وايحضرنفسه امي مشتريتلي فستان جان كصته يسموها سمجه مجسم ع جسم ومن جوه شويه بي عرض وطبعا امي جانت تحسبني جبيره عمري مال زواج هيه بكدي عدهاحسين فهاي كارثه اني بعدني ممخطوبه وهاي فرصت كل الامهات حته النسوان ايشوفن بناتهن وتبدي مسابقه هاي لاابني وذيج لاابني وخصوصااني لازم ايشوفوني لان ولدعمي كلهاكبارومزوجين لازم هسه يشوفوني بنات بنات سابع جدمن عمام امي وابويه بلكن ايخطبني قبل ماايعدي القطاروابور هذا جان فكر امي كبرت اني راح اعنس فااعتنت بلبسي وحذاءكعب حته ابين اطول واني روحي طالعه من اشوف امي هيج تسوي حته يشوفوني ويخطبوني احس اني رخيصه عدهاوتريدتخلص مني كاعده وامي تحركني مثل اللعبه وتمشط شعري حته تروح اثارالكصيبه وينفتح عدل وبعداللمسات الاخيره واني منتضره امي تشيل شعري وتخلصني شفتها كامت ها ماما ماضفريلي /امده حضي ولج كومي تريدضفيره فطيمه لان رايحه للمدرسه خلي مفتوح /يمه حاره احتركت اثخنه ع ركبتي /بوياي اكتل روحي ولج شوفي شوفي شديسون البنوات لوبس اني حضي مصخم ثاولج ولج راح اضلين ع كلبي مثل سميحه/طبعاللتنويه سميحه الله يرحمه بنت الجدالسابع عشر لاامي ماتت قبل الاف السنين لكن ذكرهاحي باانه ماتت وهيه ممزوجه وامي تخرمش بخدودهاوتحجي بحركه /يمه شبيج كلي 14سنه ليش مستعجله/بويه بويه لحكلي راح اتموتني بت علي ولج بكدج اني ع ايدي حسن وحامل بحسين وشايله عيال هااااكبرها ع راسي /الاسطوانه اليوميه لاامي /فطيمه تعدلي ونزلي وراي وها هيج رفعي جتافج من تمشين لاتحدبين وتركي هل ثول العدج والا يابت علي املخج بسنوني
#غيرت قدري
الجزءالرابع
ل وردالعامري
فاطمه :نزلت امي وطبن نسوان اخوتي الي حسب توجيهات امي لازم اينصحني ويحطن ابالي ان الزواج اهم شي للبنيه وكلام ابويه ع البنيه ولازم تدرس هذا حجي لبنيه مالهاغيربيت رجلها شتسوي بشهاده وكل وحده تحجي مغامراتهاوباي عمرازوجت وكلهن 14و16يعني هسه لازم اني ع قليل معقودمهري خصلت المحاضرات وجتي العروس ونزلت البنات يركصن واني كعدت اشرتلي امي اكعديمها كمت وكعدت يمهاوكل شويه نادستني كومي ويه البنات تحركي شوفيهن شيسون ماكو منج امل انتي مثل سميحه تحمضين ع كلبي ونسوان اخويه الي كل شويه وحده كومتني شويه وياهاواني اشوف لعيون احس رجلي تنشل والبنات تكول غساله عاطله ايهزن وبده لمزادالعالمي للفحص والتمحيص والتدقيق بحجت تبوسني تجرشعري لوتلزمني من اماكن معينه اخاف حاطه شي وبارز لوترفع ثوبي تشوف رجلي اخاف فحجه وادزني اجيب شي حته تشوف مشيتي ايجوزعرجه وتسئل حاطه كحل لوعيونج مكحله رباني (طبعامن عادات اهلنه اول ميجي المولودايترسون عينه كحل وحاجبه ينخط مثل توت عنخ امون) والخ تسئل يمه هذا حاجبج لوخاطته خط بقلم كحله وهاي تصيح اريدها لفلان والخ ترفع المزاد وتكول لاعيني لفلان ويبدي شرح عريس المستقبل وضهوره كالملاك من حجي امه وهوه ولابس سيف لمجرب لحدمطكت روحي اريدبس انهزم منهم اختنكت من اسلوب امي والفحص الي جنت بي
#غيرت قدري
الجزءالرابع
ل وردالعامري
فاطمه :نزلت امي وطبن نسوان اخوتي الي حسب توجيهات امي لازم اينصحني ويحطن ابالي ان الزواج اهم شي للبنيه وكلام ابويه ع البنيه ولازم تدرس هذا حجي لبنيه مالهاغيربيت رجلها شتسوي بشهاده وكل وحده تحجي مغامراتهاوباي عمرازوجت وكلهن 14و16يعني هسه لازم اني ع قليل معقودمهري خصلت المحاضرات وجتي العروس ونزلت البنات يركصن واني كعدت اشرتلي امي اكعديمها كمت وكعدت يمهاوكل شويه نادستني كومي ويه البنات تحركي شوفيهن شيسون ماكو منج امل انتي مثل سميحه تحمضين ع كلبي ونسوان اخويه الي كل شويه وحده كومتني شويه وياهاواني اشوف لعيون احس رجلي تنشل والبنات تكول غساله عاطله ايهزن وبده لمزادالعالمي للفحص والتمحيص والتدقيق بحجت تبوسني تجرشعري لوتلزمني من اماكن معينه اخاف حاطه شي وبارز لوترفع ثوبي تشوف رجلي اخاف فحجه وادزني اجيب شي حته تشوف مشيتي ايجوزعرجه وتسئل حاطه كحل لوعيونج مكحله رباني (طبعامن عادات اهلنه اول ميجي المولودايترسون عينه كحل وحاجبه ينخط مثل توت عنخ امون) والخ تسئل يمه هذا حاجبج لوخاطته خط بقلم كحله وهاي تصيح اريدها لفلان والخ ترفع المزاد وتكول لاعيني لفلان ويبدي شرح عريس المستقبل وضهوره كالملاك من حجي امه وهوه ولابس سيف لمجرب لحدمطكت روحي اريدبس انهزم منهم اختنكت من اسلوب امي والفحص الي جنت بي كأني عبء عليهم شي مثل المرض لازم نخلص منه كلهاتسئل ياااابعدج ممزوجه من تكولين لا يااا ومحد حاجي بيج جاجزج وتكولين لا تحسيهم مصدومين ختنكت وطلعت نسيت الممنوع والتحذير نسيت امي وتهديدها اذااخطي بره طلعت من بين النسوان وامشي بسرعه وكااني اهرول طلعت من الباب الخلفي للبيت يصير كدامه حديقه ومسيجه وبعدالسياج بستان بيت عمي واكوباب تربط البيت والبستان جان ميفتحوهاغيرمن يردون ايخبزون يتعدون شويه اكوتنورطين يخبزون بي ومحدايفوت ويطلع والباب دوم مسدودالاناره موقويه كلش بصيص ضوء وهدوء ممزوج بحركه اوراق الاشجاروعطرالزرع وهوه يردالروح وكفت بعيدعن باب الخارجي للبيت حته اخاف احديطلع ميشوفني ورايه بعدمسافه قليله باب البستان صاربضهري بكل قوتي اسحب النفس واهفي ابيدي امام وجهي وامسح وجهي والزم ركبتي وصدري احس ضاق النفس بصدري امنيتي اعيط بعلو صوتي احس اعصابي نار جسمي كله يرجف سمعت صوت خشن بزمخه صاح يابنت
#غيرت قدري
