الجزءالخامس
ل وردالعامري
فاطمه: جفلت من الصوت انداريت بسرعه شفت رجال معكل بعدمسافه عني بثواني صاربوجهي مباشرتا اقل حته من ثانيه بعدني مدافعه نفس الفزه بعدني بشهكتي لزمني ويصيح المن تأشرين ويصيح اذارجال شوفني شكلك اني بس فاتحه عيوني عليه اندارعليه ضغط ع ايدي بقوه كال النجاسه موبهل بيت اتصير بت ياعايب انتي الي معرف ييربيج اريدافلت ايدي منه ماكدر هد ايدي احترم نفسك ابويه اشرف منك جرني عليه بقوه وعاط بوجهي اشوفج الي اشرف مني منو ضاغط ع ايدي وجرني كل قوته ردت اوكع ع وجهي ادفع باايده احسهاخلعت زندي واصيح هدني وهوه يجربيه كانما بهيمه يسحل طببني للبيت بوجهه صارت ام جبارمره تساعدخالتي بس بالعزايم تجي بزمخ كلها صيحي الشيخه المره ركضت وسحل سحل بيه طببني بغرفه صغيره بيهابوفيه فراش ايصفطون عليها نضده الفرش دفعني واني لابسه كعب وكعت بس بشوغه روح كمت صرت كباله هوه طويل يعني ارفع راسي شويه يله اباوع وجهه صحت بي انت منو حته تعاملني بهل طريقه مخنزر وعيونه تجدح هسه اشوفج اني منوبس خل اعرف الي ربو سايبه مثلج منو/احترم نفسك والزم حدودك السايب انت واهلك بعلو صوته صاح لايابنت ال رفع ايده ده يضربني وسمعت خالتي تصيح سترك ياربي شكوشكو هوه طويل وضخم صاير ضهره ع باب ووجهه الي واني جني عصفور كباله اندار ع امه كلها هاي مجايبج ومعازيمج خالتي خطيه جتي عليه من شافتني خلتني وره ضهره وتصيح شصارشصار يمه شسويتي فاطمه /مسويت شي خاله هذا لمختل هجم عليه/بت الكلب منو المختل /لايمه ممقبوله منك تغلط ع عمك /شنهو عمي من/يمدهور عمك علي شبيك/وعمي علي شعليه بهل رعنه/كتلك لتغلط /خايبه فاطمه سدي حلكج يمه فطيمه بنت عمك علي ليش ماتعرفها/وشعدها بره طالعه مفرعه مشلحه وماعرف لمن اتأشراختج وين عنها/دشوفني ملابس هدوم مثلاحته مشلحه والمن ااشر مثلا للنخله انت بيك شي مريض بابا/ منو المريض /ده يجي بتجاهي وخالتي لزمته جيته مال واحد يريديضرب دخلت امي تصرخ شصاير شبيهافطيمه /مابيهاشي شبيج طابه مخروعه هياتها يمي /ام جبار جات علي تصيح لحكي بنيتج راح يخلص عليها صكر شسويت يمه صكرشبيها وياك /خالتي بنتج مومربايه ربيها واذا ماتكدرين اربيهاالج انا/متربيه احسن من... بعدني ممكمله الجمله واجاني راشدي من امي /مشكور يبعدامك اني اربيها السموحه منكم جرتني وطلعت
#غيرت قدري
الجزءالسادس
ل ورد العامري
السلام عليكم انا صكرابن الشيخ مجبل والشيخ من بعده الله يطولنه بعمره م69 عندي ست خوان واربع خوات الي كلمه مسموعه ع الكل والكل يجنبني معروف اني عصبي اويمكن مثل مايكولون بضهري مريض بس هم يحسون اني مريض انا اوزع عقل ع قبيله بس ماامن لحد وبذات جنس حوه وحدتهن حيه ناعمه جسد تتسلل لحد مااتأمن تلذغ وتذب سم هذا رئي بيهن اختي بنت امي وابوي ماامن الها مااخليهن يوصلن لباب لوتنازع الروح كدامي عندي اشيلها ادفنها ولااطلعها من خواتي قريبه ع كلبي اختي زينب حنينه وطيبه ومن اجه خطبهااحمدابن عمي علي عصبت وضربتها لان احمدببغدادويجي خطار منين شافها وعرفها حته يخطبها بالاسم بعدها عرفت ان جاي وطالع ويه اخوي للبستان وهنه يخبزن وامي معرفته عليها بحكم انها بنت خالته بنت عمه اليوم خطوبه سكينه وامي ماخلت احد ماعزمته وجابت الي اينشدن مارضيت بالبدايه بعدين قنعتني انه مولودللنبي ونفرح اختك رضيت وحذرتها ممنوع اشوف مره تخطي عتبت الباب لامن صديجاتج ولامن اهلنه البيت فارغ مابقه بي ازلمه حته ياخذ راحتهن كاعد يم صديج الي واقترح نطلع للمكناص واني روحي معلكه بالكنص تذكرت سلاحي بالبيت وعيب ادخل تذكرت باب البستان مفتاحه عندي حته لااحديطلع تسحبت حته لايشوفني احد فكرت ادخل بسرعه اخذ سلاحي واطلع والديوانيه الي بيهالحفله بعيده عن وره البيت محدايشوفني دخلت وصاربوجهي ضهر بنت وتاشر بيدها ضنيتها من الي جابتهن امي لان ماعدنه احديلبس هل لبس ولايطلع مفرع عرفت انها اتاشر لااحد جريتها واني ناراعصابي وهيه تجادل واكثر كلمه اكرهه هيه انت مريض بعدها عرفت انها بنت عمي علي وعمي علي الوحيدالي من احجي يسمعني وي اكدلي اني مومريض ماعرف شلون حجيت هيج بس من اعصب مااصيطر ع روحي خصوصا اني اعرف بستانه محدايطبه ومسيج ع كبره بس شكي يتغلب علي دايما حسيت ع. روحي من ضربتها خالتي وتعذرت رغم انه الي اجاوزت ويه خالتي جان لازم مااحجي هيج هذي شعر شاربي شلون اكول عنها ممتربيه طلعت خالتي واني حاس بغلطتي بس كبريائي يمنعني اعترف نضرت امي الي حسستني اني جرحتها ركضت وره اختها واني طلعت لنفس المكان الي جانت واكفه بيه شبيك صكر شبيك ليش متنسه الصارليش لسه تشك حته بااقرب الناس الك صارسنين انسه عاد انسه كافي طلع الصارمن حياتك وارتاح وريح الحواليك
#غيرت قدري
الجزءالسابع
ل ورد العامري
ام صكر :خايبه مناهل شبيج ماتعرفين بصكر
ام فاطمه: ماصارشي خيتي
ام صكر: ماتعرفين صكر انتي لاتكدرين خاطرج حبيبه
ام فاطمه: لايخيتي مغلطان انه بنتي ممتربيه
ام صكر: هاا عاد كلها اله فاطمه ماارضه عليهه خايبه هدي ايد البت اضافيرج طبن بلحمها لاتزعلين بنيتي هذا اخوج الجبير بس هو شوي عصبي امسحي دموعي يبعد بيتي روحي يمه غسلي روحي
مناهل شبيج ويه البت ليش هيج اصابعج طابعه بخدها /خيتي هيه رخيصه عليه بس ضربتها اني احسن مايضربها صكر اعرفه من يتعصب مايشوف كدامه ان ضربتها اني تزعل ساعه وتالي ترضه انه امها بس ان ضربها صكر بنتي واعرفها تتخبل /يرويحت اختج لاتزعلين وهاي حبت راسج امسحيها بوجهي يخيتي /لاام صكر وجهج ابيض ماصارشي صكر بعمرحسن ازعل من ابني شبيج انتي
فاطمه :دزتني خالتي اغسل سديت الباب وسمعت امي شكالت وخالتي ماكنت متقصده اوكف بس وكفت امسح دموعي لااحدايشوفني ومن سمعت يحجن فضولي دفعني اسمع رحت اغسل المغسله قريبه ع درج غسلت ورفعت راسي ع مرايه شفته واكف ولازم محجرالدرج انداريت عليه عيوني احسهاتريدتطلع من الاعصاب العندي ضل ايباوع عليه ومخنزر واني فاتحه عيني بغضب واباوع عليه تقرب عليه
صكر :شكدعينج وكحه نزلي عينج
فاطمه :مغلطت ولاتهتمت حته احديكسر عيني وينزلها هوه اطول مني دنج راسه حته ايصير بمستوايه
صكر: حطي هل كلام بعقلج موصكرالي ماتنزل عيون احدكدامه اضاهرعمي علي نسه يكسرلج ضلع
فاطمه: ضحكت بااستفزاز (رغم ميته خوف منه مبينت خوفي) لان يعرف اني انسانه موحيوانه حته يعاملني بهل طريقه المتخلفه
شفت عيونه انفتحن عفته ومشيت ولوماكبريائي ماستسمحلي ابين خوفي اله جان ركضت
صكر; دخلت اخذ سلاحي وشفتهامدنجه تغسل شعرها عبايه نازله ع ضهره رفعت راسهاواندارت عليه بسرعه عيونها كبار شكدمتماسكه مبين عليها لخوف حبيت استفزهامن تقربت انتبهت عيونها عسلي فاتح وجهه طفولي خشمها صغير شفافها مرسومه رسم بشرتهالاهيه بيضه ولاهيه سمره متوسطه الاثنين بس كلامهااستفزني عافتني ومشت هاي شوكت كبرت ذاك اليوم جانت تصيحلي عمو هسه تحط راسها براسي ده اصعدلغرفتي اجيب سلاحي وخرب واهسي ماروح خليها غيرمره رجعت رجوع للبستان وطلعت
