والله مشتاگين لاقرب ناسنه
ذوله اليعيشون وسط احساسنه
ذوله اليجرحونه حيل
الشفنه من حبهم الويل
شو بعدهم كاعدين ابراسنه
اليسولف ع الجرح لتكلي مامجروح
القره القرآن يعرف قاري ياسوره
شيفيد النفس للكاضي عمره هموم
شتظن تكفيه جكاره الروحه مقهوره
كلهه تنشد لو مشه وراح الحبيب
وياهو بالعشاك واصل حالتي
فوك راس الابره اتمدد وانام
وانكلب يسره ويمين براحتي
وين ادير عيوني ظلك عافني
وين اودي اجروحي شامت شافني
ردلي لاتخليني اطك
واكره ايام العشك
صرت مرقد ياهو كام وطافني
شط فراكهم كالسيف حدراي
بركبتي ونيشنت للراي حدراي
جنازه وما لكيت امتون حدراي
سحل للمكبره يسحلون بيه
مو ذاك الوكت والناس غير الناس
كلها تغيرت والصاحب تبدل
كلت ماروح اكله وغشني بيه العوز
مااعثر بعد وبخطوتي اتمهل
عله وجهه شفت مكتوب المن جاي
وعله السانه تلعلع كلمة ادلل
انفاس البشر خطوات للتابوت
بعد ماضل عمر يستاهل اتوسل
من كثر الطعن صار الكلب غربيل
حطيت الربع بس مايهم وشل
بوكــــــاحة عيــــن جاي اتريد شتريد؟
ولاخجـــــــلان اجيـــــــــت ورايـــد اتعود
وتحاسبنـــــي على هجرك جنــي غلطان
وعجيــــبه اتريد منــــــي الجرحك شهود
الحـــمد ل الله على هاي وشاهدي وياي
غيـــــر اثار دمعــــــي الفـــــوك الخدود
حتـــى اذكـــــــرك هالمــــــره خليــــت
خنـــجر طعنــتــــــك ليهســـه مــــوجود
أنت تقرأ
اشعار عراقيه
شِعرمﺆﻟﻤَﺔ , ﺗِﻠﻚَ ﺁﻟﺸَﻬﻘَﺔ ﺁﻟﺘِﻲ ﺗَﺨﺮﺝَ ﻣﻨﻚ ﻭَﻗﺖَ ﺁﻟﺒُﻜَﺂﺀ , ﻭﺗﻜﺘِﻣﻬﺂ ﺗَﺸْﻌﺭ ﺣِﻴﻨَﻬَﺂ ,? ﺁﻥّ ﻗَﻠﺒُﻚ ﺗَﻮﻗَﻒَ ﻋﻦ ﺁﻟﻨﺒﺾْ
