خـطوت نحوك
بقلم
زوزه
چـنت گاعده بالغرفـه يـم ماما ...
ودااقـرالها قـرآن ...
دخلت الــممـرضـــه ...
اجت شـافت المغذي وشيـكت حالة ماما وطلعت ...
اسـتمريـنه ع هل حاله مدة ثلث اسابيع ...
نفس حالتها متغـيــر منها شـي تصـحى شـوي وترجع تنام ...
قـرر الطبيب المشرف ع حالة امي نقوم بعملية سحب المي ...
الصاعد ع گلبـها مع انها كانت عمليه خطيـره ...
قبل لتتحضـر امي للعمليه طلبت مني اتصل بخالـي ...
حته يجـي للمشـفى عدها حجـي وياا حسب مگالت ...
اتصـلت بي وطلبت منـه يـجي وخطيه هوه بأقل من ساعه وصـل ...
دخـل عند امـي وحده وتقريـبا بقـه يـمها مده مااعرف شـگد بالضبط ...
طلع من يـمها واجه گعد يـمنه ع كراسـي الانتظار ...
جهزوا ماما للعمليـه وصـار وقت دخولها ...
قبل لتدخل ودعناها اني واخوتـي ...
تقـويت گدامها ومبـجيت بس بعد مدخلت انهاريت ...
كنت خايفـه متطلع من هل عمليـه سـالمه ...
كنت خايـفه مااشـوفها بـعد ...
مااصـبح بوجها ...
مااحجـيلها عن يـومي ...
مااسـمع نصائحها وارشاداتها ...
كنت خايفه افقدها وتروح منـي شـلون اعيش بلاها ...
دخلوها الساعه 12 بالليل ...
مرت 3 سـاعاات ع العملـيه واحنه ع نفس الحاله ...
توتـر وخوف قلق وارتباك مشـــــــــــــــــــــــاعر متضـاربـه ...
الـى ان طلـع الطبيب وبشـرنه بنجاح العمليه ...
حسيـت الحياة رجعتلـي گعدت ع الكرسي بخمول ...
حطيت ايدي ع راسـي ودنـگت ...
_ريـومه لتخافييـن انشالله تـگوم بالسلامه وترجع احسن من قبل
_ انشالله ... زياد وييـن بهاء وابويـه من دخلت ماما للعمليـه مشفتهم
_ بهاء اخذ ابويـه وراحوا بالحديقـه الجوه لان تعب وماگدر يـتحمل الجوو هنا
_خالـي روح بشـرهم العمليـه نجحت
_ انشالله
_ ريـومه بابا اريـدج تصيـرين قويه گدام امج تره انتي نقطة ضعفها
اذ شافتج قويه تقوه بس اذ شافتج ضعيفه ومكسـوره تـضـعف
_ انشالله خالو اني مااريـد شـي بس تصـحى وترجع خنسـاء المره الحنونه الطيبه الي مدلله بنتها واولادها ورجلها وگايمه ببيـتها وتحرس ع راحتهم
بـجيت ... خالو ماما يـمته صار بيها هيـج
_ اسـتهدي بالرحمان بنتـي مسـمعتي الدكتور شـگال
بعـدين تونـي شحجي وياج اني عود ردت اقوييـج
سـمعت صـوت خالد يصيـح بأسـمـي
_ ارياااام اريااام
_ خالد
_بشـري شـلون صارت امي
_ گمت ع حيلي ودفعته بأيـديني الاثنين للخلف
انتت شـنووو ماكو احساس ماكو ضـميييير لك امك هنااا دتموت
وانت ملتهي بالشـرب و الـسـا... انتتتت شـنووو من بشـررر هاااا
شـعندك جااي ارجع لزبالتك شـعندك جاي هااااااااا احجيييييي
