خطوت_نحوك
بقـــلم
زوزه
رحت تمددت ع السرير تعبانـه ماحسيـت ع نفسـي من غفـيت
بس صـحيت ع صـوت صريـخ جوه
رگضـت اشـوف شصاير وصـلت النص الدرج اسـمع خالتي ام هـــُمام تصـيح
_يـمه عزا العزانـي وي جانت مضـمومتلـي
والبنات يـبجون ولا خالي ولا همام ولا ادم موجووديـن سألتهم
_شكوو شصاير
_آدم مسوي حادث وحالته خطـره
_گومي گومي يمه نيڤيين جيبي عباتي خلي اروح اشوف اخوج گومي
_يـمه اهدي اصلا انتي حته متعرفين بـأي مشفى
_دگي ع همام شـوفي ويين همه
_يـمه همام لو يـريـد يـگول همه بـأي مشـفى چان گال بس ميريد يـحجـي
بـقيـنه 6 سـاعات گاعدييـن منـدري شصار ويـاهم
انخابـرهم محد يـرد حته اخواني وابوي اخابرهم ماكو
ومن خابـرت نوره گلـتلـــي بهاء وصله خبر الحادث وكلهم طلعوا
بـقيـــنه گاعديـن ع نار مابيـدنه نسـوي اي شي ولا اي احد طمنـه
الـي بيـنه تبـجي والي تقره قـرآن والي تصـلي والي تدعـي
الـى ان السـاعه 8 ونص چنت گاعده بـغرفـتي دگ موبايـلي " سـندي "
_الوؤ ها حبيبي زياد طمنه
_هاا ريـمه شـطمنج حالته ابد متسـر وهسـه هوه بالعنايـه المشـدده
الـى الان حالته خطره ومو مسـتقره
_توؤ استغفر الله الله يگومـه بالسلامـه انشالله
_انشالله هسه بهاء رح يـرجع خالي للبيت وابوي وياه لان كولش تعبوا
واني وهمام وخالد رح انبات اليوم يـمه
_ماشي حبيبي ديـرو بالكم ع نفـسكم وطمنـي أول بـأول
_ماشي
نـزلت اگلهم
_خاله زياد دگ عليه
_اييي يمه وشگالج
مـــردت اگلها حالته خطره خاف يصير بيها شي خلي خالي لما يجي يـحجيلها
_هوا محجالي تفاصـيل بـس گالي انو خالي رح يـجي هسـه
_يـمه احجي الصدگ شـگلج
_صـدگيـني خالتـي مگلـي شي هسه يجي خالو ونفهم منه
گمت للمطـبخ طلعـت من الفريز بطاطا جاهزه بس تتـگلـــه
شعلت النار وحطيـت الطاوه وحطيت فوگها زيـت والبطاطا وبديت اگلي
حـطيـت مي وشاي بـقـوري كهربائـي وبـده يـغلـي
بهل اثـناء دخلت داليـن گالت
_شـدسـوييـن
_دااگلـي مثل ماانتـي شـايفـه خالو وبابا وبهاء جايين بالطريـق يـمكن جوعانيـن
شـلون باالله يـبقـون بلا عـشـه
