بقلم تيسير احمد 🔞
شهد:شنو انتي بقيتي م بتحكي لي قصتك شنو
ملاذ:شنو احكي ليك ماف حاجه احكيها
شهد:امس واول امس متغيره
ملاذ:مافي حاجه شهد زهجانه قته ليك
شهد:اممم السمعتو صاح يعني
ملاذ بهلعه:سمعتي شنو? ?
شهد:سمعته قالو وضعكم المادي اتازم وابوك جرد دكانو بخساره
ملاذ: الكلمك منو انتي
شهد:صاح يعني ومالك م كلمتني? ?!
ملاذ:م حبت اوجع راسك وبعدين لو حكيت لو م حكيت الحال ف حالو
شهد:ع الاقل ح تفضفضي م تشيلي ف قلبك ي ختي بكره تهون لو احتجتي اي شي انا موجوده
ملاذ:مشكوره م بتقصري
ف جانب :-
خالد:اااافهم ششششنو يعني
عازه:تفهم التفهمو ي خالد م اشتغلته م برجع معاك طبيعي
خالد:ووووانا لو لغيت ششغل مابي
عازه:انت اصلا م فتشته عشان تلقى ولا م تلقى خليك راجل وشوف ليك شغل
خالد:وووالله غييير بت خخخالتك دي ماف زول ممملا ليك راسك
عازه:م عندك شغله ف بت خالتي وانا كلمتك ي تتلمي ع الرجال وتشوف ليك شغل ي بشيل حاجاتي وولدي وبمشي اهلي العندي قتو وف الراسك سويو
ف البيت:-
حسين وعائشه كانو قاعدين نادوني مشيت عليهم
حسين:قبل اي شي اسمعيني وم تقاطعني
ملاذ:خير
حسين :سليم متقدم ليك وطالب يدك
ملاذ :م عايزه ارفضو
حسين بنفعال:ليه مالو عيبو شنو رجال وود رجال احسن منو م ح تلغي
ملاذ:انا قته ليكم وح اعيدو عرس م عايزه سامعني م عاااايزه
حسين:انا جيت اكلمك م جيت طالب رايك
ملاذ:يعني شنو الكلام دا
حسين:اديتو كلمتي والجمعه الخطوبه
ملاذ:كيف يعني ح اعرس انا ولا انت
عائشه:ملاذ صوتك م يعلا
ملاذ:انت بتعمل كدا ليه مالي انا عملته ليك شنو خلاص م قادر تتحملني عايز تتخلص مني حسين:انا بعمل كدا عشان مصلحتك ملاذ:ومصلحتي انك تجبرني
حسين:انا ابوك والبقولو اتنفذ
ملاذ:لوابوي صحي م كان جبرتني وكان فتشته لسعادتي
حسين:انا بجبرك لمصلحتك
ملاذ:وانا كبرته وعارفه مصلحتي وين وقته ليك م عايزه اعرس هسي
عائشه:انتي شوفي بس....
ملاذ:لا عايزه اشوف ولاغيرو
حسين:الجمعه كوني جاهزه
تاني يوم مشيت واخلاقي ف نخرتي ركبته المواصلات ف واحد قليل ادب اشيل واحدر لي عصرني ع الباب لدرجه لوفتحتو بقع زهجته منو وع زهجي داك طلعتي دبوستي وطزززز ف رجلو ود الكاب شيلته دبوستي بدمها قشيت بالمنديل وركبته ف طرحتي وهو لا عرف يكورك ولا عرف يسكت بس بقي ماسك رجلو وصلنا نزلته مديت بطاقتي وخشيت لقيت شهد ف وشي مشينا المحاضره وطلعنا الفطور
كســره :-
شهد بت خالتي وانا وهي صحبات)
شهد:اه مالك تاني
ملاذ:اتقدم لي واحد والخطوبه الجمعه
شهد:اششششي اه منو ووافقتي كيف
ملاذ:جابرني ابوي بتعرفي سليم عمر? ?
شهد:سليم عممممر م غيرو 😍😍
ملاذ:اي هو اه بتعرفي اديني زيتو
شهد بانفعال:ف زمتك دي دا واحد برفضو شفتي الجسم ولا الشعر ولا العيون ولا العضلات ولا العربيه وووبعلي وووبعلي ارتيني مكانك وافقي وانتي مغمضه
ملاذ:اختصرري بتعرفي? ?
شهد:طبعا مصاحبووف الفيس وعندي رقمو
ملاذ:جيبي
شهد:09... هههه شايفاك وافقتي دغري هههههه
ملاذ بتسامه:انا م بعمل شي طالما م عايزاو
شهد:قصدك شنو ناويه ع شنو انتي
ملاذ: م حتحصل خطوبه لو العريس م جا وطالما انا جابرني الح يجبر العريس منو
شهد:وح تقنعي كيف?? ?
ملاذ:بعد الح اقولو ليو مستحيييل يوافق
شهد:عايزه تقولي ليوشنو
ملاذ:ابوي م بكون كلمو لكن انا ح اكلمو وح تشوفي هو ح يتصل لابوي ويرفض
ملاذ:الوووو سليم عمر?? ??
سليم:ايوووه انا مين معاي
ملاذ:ملاذ معاك كنت عايزه اقوليك ......
يتبع ..
أنت تقرأ
الضياع
Short Story#الضياع ف نــاس وحاجات بتكــون متــاكده منها اكتر من نفســك بس فجــاه كل حياتك بتتغير 💔 م بتعــرف منو البحبــك ومنو البكــرهك اصعب لحظــات حيــاتك بتكــون واقف براك م معاك زول لاقريب ولا بعيــد بتجيك الطعنات من اقرب الاقربين تنزل عليك حاجات م كنت...
