#جمعنا_القدر
#البارت_التاسع عشر
منى: ااي اي ادلل طبيت ركض على امي وحچيتلهه كلشي
ام جاسم: الله يهدي شرايدين احنه لعد
منى: يلا يمه اني رايحه اسويله العشاا ليگلب عليه
ام جاسم: روحي روحي
منى: سويتله عشا وصبيتله چاي والوكت كله😑 صافنه عليه لا اكيد هاذه مو بوعية
جاسم: تعالي دحچي وياچ بموضوع
منى: اي جيت
جاسم: اشبيچ ولچ صافنه بوجهي 😑
منى: هاا لا كلشي
جاسم: اگولچ راح احچي وياچ وانتبهي ويايه
منى: صار
جاسم: شنو رئيچ بعلي
منى: اول مگال علي گلت يا ستار😳 چنت دشرب چاي وچان اغص بالچاي
جاسم: اصمله هاچ مي
منى: تسلم
جاسم: يلا سئلتچ جاوبيني
منى: وشجاب سيرت علي هسه 😓
جاسم: شوفي منى على طلب ايدچ للزواج توافقين لو لا انطيني جواب ثابت تره صارت عدنه عبررة من وره اختچ
فاحچي الصراحة وداعت ابوي ما اسويلچ شي بس انطيني جواب ب( اي او لا )
وبدون اي اسئله
منى: گلت احسن شي اصير سباعيه واجاوبه بصراحه گتله اي
جاسم: يعني موافقه بي وجواب نهائي
منى: اي موافقه
جاسم: خوش لعد اني سئلتچ وجاوبتيني بس قسمالله اذا سويتي شي ورايا مثل اختچ ليصير موتچ على ايدي
منى: لا انشالله ماكو شي 😋
جاسم: خوش لعد حرد خبر للولد ويجون يمشون عليچ حسب الاصول
منى: انشالله كيفت ورحت ركض لامي يمه يمه
ام جاسم: شكو شكو اشبيچ
منى: يمه جاسم قبل بزواجي من علي😃
ام جاسم: صدگ اي بيهه الخير بنيتي
منى: واخيراا
ام جاسم: اصار هلگد فرحانه لازم حابته يوول 😑
منى: لا شهلحچي بس الصراحه اي 😀
ام جاسم: وعلااا😐 فوگاهه اجاوب اي
منى: ظليت الليل كله منمت واذكره معقوله علي حيصير من نصيبي بس اتمنيت لو سناء ويايه 😢 چان هسه فرحتلي
طلعت الشمس واني بس افكر گمت صليت وقريت قران وسويت ريوگ ونظفت
ام جاسم: اليوم مغبشه لو ندري من زمان موافقين على خطوبتچ
أنت تقرأ
جمعنا القدر
Novela Juvenilقصة حب غير شكل عن باقي القصص قصة قديمة من 1940 وحقيقة مية بالمية وصاحبة القصة هسه مرة چبيرة وعدهه احفااد التقيت بيهه من خلال احد المناسبات وحچتلي قصتهه وطلبت منهه انشرهه وهية وافقت بس بدون ذكر الاسماء الحقيقة القصة بعنوان (جمعنا القدر) اروع قصه قدي...
