عشرة عمر 👭❤

ليلة السفر ✈🛄

-حطيلتي كل شي
- اوو تقول عليه جهاز عروسة
- منحب ينقصني شي غادي
-باااهي اجا شوف شنوا مزال محطيتوش باش متقولش منبعد سراب محطتليش و تبدا تدعي عليا
- مش فاضيا تو قاعدا نجبد في شعري
- اف منك يا ميسم بالله تو وقتو شعرك
قامت ميسم من بلاصتها و هي تتنفض الكلها لازمها تتأكد من كل شي باش تسافر و تبقى بعيدة ثلاثة شهور على الدار
اه سمحوني معرفتكمش بميسم
ميسم عبد الحق بنية مزيانة برشا شعرها طويل احمر عيناها كبار مارون بشرتها بيضاء طولها متوسط في حدود ميترو و ستين ضعيف كورها اعقد مزالت كيف نجحت الباك اختارت باش تقرا ثقافة الشعب الجزائري
ميسم يتيمة معندها حد كان هي و اختها سراب و خاها سليمان اما معرس و يسكن بعيد عليهم هو و  مرتو احلام
- سراب ؟؟ وينو مريولي الابيض
- ميسم عيش اختي خليهولي نلبسه 
قامت حضتن اختها و جبتتها ليها باش ترقد بحذاها اخر ليلة في عمرها قبل متسافر للجزائر باش تقرا