(يمة( ترى الرجال مثل الطفل لازم تراعيه والمرأة الحوك هية الي تكدر تخلي رجلها كلشي يسويلها من تمشي حجايته وبعدين بهدوء تطلب الي تريده ...يمة اذا عصب رجلج لا تلاسنيه اسكتي ومن يهدى تفاهمي وياه ....تريدين تسعدين نفسج بسطي الامور لا توكفين على امور متسوة....حبيبتي الله منطي لكل انسان اربع وعشرين حباية ناس مطيها مال وبنين وزوج صالح وصحة بس بدرجات وناس رافع وحدة من ذني ومزيد عليه بوحدة ثانية لذلك يابنتي ابد لا تباعين لغيرج ارضي بلي كتبه الله ...وخافي الله بعيالج لان الدنيا دين ومديون باجر جهالج يراعونج )
هاي كلمات امي بليلة حنتي وابد مانسيتها وطبقتها ست سنوات زواج وجنت فعلا سعيدة بحياتي صح تعب بس المهم راحة البال لحد السنة السادسة ....وين الخطا صار ماعرف كعدت اراجع كل اموري بيمن الصوج هم ماعرف ….خلي احجيلكم وانتو احكموا....
اسمي هبة عمري حاليا ٣٠ سنة خلي اوصف نفسي طولي ١٥٨ عيوني سود كبار بشرتي سمرة بس فاتح خشمي حلو صغير وشفايفي مرسومة يعني حلوة بس اني مليانة مو رشيقة وزني ٧٥ بس جسمي مرتب عندي اخوان اثنين واحد مزوج وشغله بالمحافظات الثاني مزوج وكاعد ويانا واختين مزوجات محافظات من ولد عمي وباقية اني واختي بالاعدادية..نقبلت كلية ادارة واقتصاد قسم محاسبة وجانت عندي صديقة اسمها غدير كلس مقربة مني تعرفنا بالاول كلية وبقينا صديقات اطباعنا مختلفة هي مرحة واجتماعيةبس تحب تحجي هواي اني هم زينة اجتماعية بس اميل اسمع اكثر...
بالسنة الثانية للكلية غدير عدها فقر دم حاد فجأة تتخربط يوم جان عدنا امتحانات ومحاظرات نسينا ناكل وبالوحدة تنحجي فجاة وكعت غدير واني تخبلت صارت صفرة كركم كمت ماعرف شسوي عاد ولد كال خلي ناخذها للمستشفى وديناها وحطولها مغذي وكالو خلوها تبات ....من الهبطة والخبصة ماخابرت احد ودك موبايلي شفت الساعة ب٤ وطلعوا اهلي حجيت الصار بابا كال راح ادزلج فراس ياخذج...ذكرت كلت خلي اخابر اهل غدير ..دورت جنطتها ولكيت الموبايل مخليته صامت واكو رقم مكتوب عليه محمد هواي داك عليها واعرف هذا اخوها هي حاجيتلي عنه ...رجعيت دكيت عليه
هبة....الو السلام عليكم
محمد....وعليكم هذا مو رقم غدير
هبة ....اي اخي اني صديقتها شوية تخربطت وديناها للمستشفى
محمد...مستشفى شوكت هاي ... شلونها هسة
هبة ...خلولها مغذي وبعدها ماكعدت...وب١ تخربطت
محمد.....هسة بالربعة وين جنتي هسة ذكرتي تخابرين
هبة....نخبصنة ..
هذا شبيه فوكاها...نص ساعة واجوا اهلها امها وابوها واثنين شباب واحد سال....انتي صديقتها
هبة...ايي
محمد....ومكدرتي تخابرينا صار ٣ ساعات
هبة....كتلك نخبصنة وماعرف ارقامكم
محمد...لعد شلون خابرتي هسة
هبة ...فتشت جنطتها وخابرتك من موبايلها مثل ماشفت
محمد...وين جان هذا التفكير قبلها
هبة....انت شبيك ترى مو اني الي خربطتها شكو نازل علي
محمد....ليش ترفعين صوتج
ابو غدير اجى....هاي بابا شبيك وية البنية فوك ماجابتها وماعايفتها...التفت علي....ميخالف بنيتي خاف عليها....
بهاللحظة اجى اخوي فراس وطلعوا عرف لان احنة نفس المنطقة بس مسافة بينا سلموا ناس على ناس وفراس تحمدلهم على سلامة غدير
وطلعنا....بس حس بنفسي كلش رزالته ...والله ياالله فوكها ....صح والله سوي زين وذب بالشط....
يومين بقت غدير ماداومت وخابرتني ثاني يوم
هبة....هالو لج شلون صرتي
غدير....الحمد لله ....تسلمين ماقصرتي وياي
هبة....لا حبي لاتحجين هيج انت هم جان سويتي نفس الشي
غدير...صراحة جانت عفتج ونهزمت....
هبة....ههههه ولا تبطلين من سوالفج عموما اني بعد مامشي وياج مابية حيل للهبطات
غدير...حبي باجر يمر عليج محمود اخوي ياخذ المحاظرات
هبة....اوكي
ثاني يوم اجني البنات هبة تعاي اخو غدير يدور عليج بس شنو شلون شاب صاك ....اني اعرف اخوها محمود حلو هي حاجيتلي عنه ورحت اشوفه....
شفت الي جاي محمد درت وجهي اريد ارجع حسيت سرع خطوت
محمد...هبة بس لحظة
هبة...خير رزالة جديدة لان تاخرت ماجبت المحاضرات
محمد...حقج بس اني حبيت اعتذر عن الي صار ...اني شوي عصبب
هبة...شوي
محمد...لا والله هواي وتعرفين غدير صغيرة البيت وظلينا بقلق والنوب اندك على التلفون محد يجاوب والوضع مزين وتخبلنا ...ماجان قصدي اتجاوز ...اسف
هبة....اعتذارك مقبول وهاي المحاضرات
محمد...تعبناج تسلمين
هبة....تعب غدورة راحة
محمد....هههههه هم ميخالف وحقج
&
&
&
#رواية_من_يعطيني_الامان 😻🦋
أنت تقرأ
من ـ يعطي ـ لأمأن (مكتملة )
Romanceقِصٌتّ فِّتّأّةّ عٌأّشٍتّ حٌيِّأّةّ زِّوِجِيِّةّ رأّئعٌةّ لَمَدِتّ َّستّ َّسنِوِأّتّ لَأّګنِ بِعٌدِهِأّ حٌدِثّتّ مَشٍګلَةّ لَروِيِّ لَګمَ قِصٌتّهِأّ مَنِ قِبِلَ زِّوِأّجِهِأّ وِلَئ أّلََّسنِةّ أّلََّسأّدَِّسةّ مَنِ زِّوِأّجِهِأّ
