في لحضه 🚫

الاول

مساء الجوري حبايب ..
ورجعتلكم بقصه جديده .. 20
///البارت الاول ///
#في_لحظة 🚫♥️
#بقلمي_الكاتبة_شمس ..
القصة حقيقية 100% وصاحبة القصه دتابع ويانا ..
6
**شعور صعب عندما تجد نفسك وحيدا تائها .. گ ورقه في الخريف 🍂 تسقطها الرياح في أي لحظة .. 1

**والاصعب هو ان تنقلب حياتك رأسا على عقب .. من غير ان يكون لك اي ذنب .. لكن كل من حولك يشير لك بأصابع الاتهام .. واللوم وكأنك المذنب الوحيد .. 7

**اليوم المشؤوم..
باوعت للساعه ب 12 الظهر شهر 8 وحارة ..
حسيت روحي تعبانه ومالي خلگ ..
طلبت أذن من مدير القناة وطلعت ..
طلبت من سايق القناة يوصلني ..
وصلت للبيت ساعه 12 وربع .. 35
تعجبت البيت فارغ ..
اتصلت ع بابا ..
رن الموبايل 📲📲
الو .. هلو بابا حبيبي .. اشو ماكو احد ..
امممم عافيات حبيبي . تونسوا انتوا اني تعبانه راح انام ..يله باي حبيبي وبوسلي ماما ..
بابا وماما طالعين يتغدون ..
ردت ادخل طلعت بوجهي مريم مبدله وتريد تطلع ..
مريم .. هلا عيني غاليه .. اشو اليوم راجعه من وكت ..

غاليه .. اي تعبانه وتخربطت فطلبت اذن وطلعت .
لعد اخواني ماكو . يتأخرون . 12
مريم .. هااا اي ماهمه . سافروا العمامج عندهم شغله وي فهد ..
واني رايحه يم صديقتي گلت الهمام وگلي روحي .
غاليه .. اوك ع راحتج . اني تعبانه راح اصعد اخذ شاور وانام ..

مريم .. هم تطلعين لو لا .. 4

غاليه .. اي اروح للقناة ساعه 4 ..

مريم اخذتلها صفنه وگالت .. اوووف نسيت شغله بغرفتي اخذها واطلع .. 7

غاليه . اني صاعده وانتي سدي الباب وراج من تطلعين ..

باوعت الغرفة اهلي بارده ومفتوح السبلت بيها ..
تعاجزت بعد اروح الغرفتي ..
رحت ارتاحيت بيها وتمددت ع السرير ..
شعور حلو من تجي تعبان وحاره ..
وتلگي سرير وجو بارد ومنعش . تنسى التعب كله ..
بقيت 40 دقيقه .
مسترخيه .. ومرتاحه وعيوني بدت تغفى ..
تذكرت موبايلي نسيته بالمطبخ ..
اووووف اگوم اجيبه ليتصل احد. واني ماادري ..

گمت داانزل ..
وشفت گبالي ثلاث اشخاص بالبيت گبالي ..
- شلونج يحلوه . شنو عايفيج وحدج ..
اكو واحد يعوف هيج جمال وحده بالبيت ويطلع .
غاليه .. انت شدتسوي هنا وشلون دخلت . اطلع ياحقير
وذولي منو ..
گمت اصيح .. مررررريم .. مرررريم وينج ..
بس ماكو صوت ..
خفت واحس اطرافي انشلت ..
بس حاولت اكون قويه .. وصعدت لفوگ بسرعه الغرفة بابا ..
دخلت وردت اقفلها بسرعه ..
بس مالحگت ..
اندفعت الباب حيل ..
بسرعه تراجعت لورى .. والخوف موتني .
وگلبي يخفق بقوه ..
مشاعر ملخبطه . بين خوف ودموع وتوسل وتحدي .
كل المشاعر انمزجت وحاوطتني من كل جهه.
مااعرف شنو نيتهم وشنو يردون مني ..
وشلون دخلوا .
وليش ???
11
**نرجع للبدايه .. الكاتبة شمس
اسمي غاليه مواليد 90 ..
البنت الوحيده الاهلي ..
عندي اثنين اخوان ..
ليث وهمام ..
همام اخويه الكبير نقيب بالجيش عمره 30 سنه .. متزوج وزوجته اسمها مريم ..
وليث ضابط تحقيق عمره 28 سنه ..
بابا كان ضابط من النظام السابق ..
ماما دكتوره اسنان .. 11
احنه عائله ميسورين الحال . والله فاتحها علينا والحمد لله ..
اصلنا من احدى محافظات الغربيه. .
بس اني انولدت وعشت ببغداد .
يعني ربيت وترعرعت ببغداد ..
بس هذا مو يعني انكر عروبيتي .
اهلي وعمامي كلهم هناك واغلبهم ضباط وواصلين ..
عمامي سبعه ..
واولادهم 13 ولد ماشاء الله .
وكلهم عسكريين ..
ماعدا اثنين منهم .
واحد هندسه ..
وواحد تربيه ..
وخوالي ايضا 7 بس اولادهم سته مو هواي ههههه . 10
اني عشت ببغداد وكبرت واخذت طباعها .
يعني مو هالگد احب اختلط بعمامي ..
لان حياتهم غير حياتي ..
وطباعهم مختلفه عنا .. 1
اني البنت الوحيده الاهلي والمدللة ..
واخواني شايليني ع كفوف الراحه ..
وبابا ناطيني الحرية .
بس عمري مااستخدمتها خطأ .
كانت حريتي بحدود .
بس هو ماقيد طموحي ولاطمس شخصيتي .. 28
دخلت كليه تربيه لغه عربيه ..
بس كان طموحي غير .
كنت احب اشارك بمنظمات انسانيه ..
واساعد المتعففين ..
بس مصارت ..
اني من النوع اللبقه بالكلام .. وشخصيتي ظاهره .
وبالكليه الكل يعرفني ويقدرني ..
كانت عندي صديقه اسمها سما ومثل اخت الي ..
اشاركها بكل شي واحجيلها ..
علاقتنا قويه ..
وتعرف انه طموحي اصير اعلاميه ..
واشتغل بالاعلام .. 2
وفعلا صار الي كنت اطمح اله وبأرادة الله ..
بيوم اجه زميل الي اسمه علي ..
وگلي غاليه .. انتي انسانه واعيه ومثقفه بالاضافه الى لباقتج وشجاعتج ..
اريدج تشتغلين ويانه بالقناة…… لان نحتاج هيج انسانه مثلج .. 3
غاليه .. والله ياعلي مااعرف شنو اگولك اشوف اهلي وارجعلك خبر ..