في لحضه 🚫

18 و 19

گال عمي حيدر ...غاليه يعمي شجاج اهدي ..

يولي مو كلشي بالعصبيه والهوسه ..

اني...عمي ابنك كسرني واني مااسكت ..

ام نور...عجل مو سكتي من جبتي زلم لغرفة ابوج

لو هناك السالفه حلتلج وسكتي ..

اني .. لج لو مابگد امي كان عرفت شلون احجي وياج ..

منو الي سكت لو اريد اسكت كان هسا اني راضيه ومتزوجته لهذا النذل ..

لج خسرت ابويه واخويه . وماسكتت ..

والدليل هسا همه وين وشنوو الي صار بيهم ..

عمي حيدرر...ام نور انتي ابيتي احترمي البيت اللي انتي بي .. ولاتحجين على عرضي فاااهمه ..

اني...لااااااا وحق الله اللي يجيب طاريي بعد الا اكص لسانو

وعاطت ام فهد ..

يمممه الحگو .. فهد تخربط وركضو بي همام وايهم للمستشفى ..

نور...اووووي سوده عليه .. حبيبي ماخلونه نتهنى وگامت تبجي ..

اني...لج بسسسسسسس سكتي .. انتي شنو من بشر

نور...شعليييييييج رجلي هذا

اني...ياربي صبرني ..

طلع عمي حيدر ..ووراه الولد وراح ..

گمت اني وفاطمه دخلنا الغرفة فهد ياربي ريحته بيها والله شتاقيتلك فهد والله ..

وگمت ابجي ..

تذكرت من نمت بغرفته واجه ينفخ بأذني ..

اخذته مخدته وشميتها ..

اوووووف ياريحتك فهد ..

گمت ألوب اريد اروح اشوفه ..

توسلت بيهم .. بس ليث مقبل گال محد يجي يمنه

رحت لكنتوره طلعت دشداشه من دشاديشه وظليت اشتم بيها وكأنما اخر مره راح اكون هنا ..

وساعه ونص احنه بس ننتظر تالي اجوي

وجهه اصفر حاطيله مغذي وهلكان

ايهم...فقر دم حاد وتعب

نور...سوده عليه عمري انت

فهد...تعاي نور لتعوفيني ..

انصدمت 😲 اني ..

اني...حسبي الله ونعم الوكيل ولكم شبييييكم والله هذا مسحوور دشوفووووووو ..

عمي حيدر..بنتي توكلي بالله يعمي هو الخسران يطبه مرض ..

اني...يعني شنو يابه ..

عمي حيدر...يعني يايابه يجيج الاحسن منه ..

وانتي بنيتي ومايهون عليه ترخصين روحج الة ..