في لحضه 🚫

7 و 8

القشة في البحر يحركها التيار .. و الغصن على الشجرة تحركه الريح ..و الإنسان وحده ..

هو الذي تحركه إرادته ..

كل شيء في الدنيا يتحرك حسب قانون ..

إلا الإنسان.. فإنه يمشي على مزاجه .

الإنسان وحده هو الحر المتمرد الثائر على طبيعته وظروفه ولهذا يصطدم بالعالم ويصارعه .. ويستحيل في أية لحظة أن تتنبأ بمصيره..

إن ما يحدث داخل الإنسان وفي قلبه لا يخضع لقانون.. فكل شخص يتصرف .. بغريزته المدفونه داخله ..

فأما ان تنقذه هذه الغريزه وتسيره نحو الحقيقه وماهو صحيح ..

او تطمسه في قاع الحقيقه المزيفه والعادات الخاطئة ..

وتجعله يتسرع في تصرفاته او يتهور بعض الشئ ..

**جاي احجي وي ليث وابجي ..

اريد باااابا ليث .. بااابا وين احجي ..

دخل همام وعيونه حمر وحالته حالة ..

گبل اجه من بين الموجودين وسحبني حيييل من شعرييييي اخذني الغرفة ماما وبابا ..

واني ابجي واتوسل بي .. همام حباب گلي بابا وين ابجي واتوسل .. وماهمني شعري الي اذاني وهو يسحبني منه ..

دفعني بالغرفة وطب ..

قفل الباب واجه يضربني ويدفر ببطني ورگع راسي بالحايط ..

ماخلة مكان ماضربني بي ..

طلع قهرة وموت بابا كلة بيه ..

واني ابجي واگله همام والله ممسويه شي والله مظلومه همام اريد بابا ..

همام حبيبي اني اختك ..

الباب مناك تكسر ..

كلها تصيح همام اطلع ..

وهو ولا يمهم مستمر بالضرب ..

واني ابجي واعيط ..

مااعرف ابجي على ابويه الي راح ومن غير مااودعه ..

راح وهو مقهور من الي صارلي ..

راح ومن غير ماتثبت برائتي ..

لو ابجي ع حالي واخوية الي صار ضدي ..

بعد ماجان سندي بالدنيا..

انكسر الباب علينا ودخلو عمامي وليث سحبو همام من يمي..

ليث من شاف حالي ..

گام ضرب همام وگله اطلع من البيت لا ابتلي بيك ..

ومرة لخ اذا تجرأت وضربتها شو شيصير ..

واني بس ابجي وارجف ومااعرف شبيه ..

احس جسمي خدر ونملت اطرافي ..