ترجمة احاسيس

سؤالهم عنك ينرفزني

قاعده احاول انحاش من السؤال الي ينرفزني و يحرق قلبي لمن احد يسالني اياه ...اهو يعني لك واجد بحياتك بس انتي
 شنو تعنين له بحياته ؟؟
انت شكو جد جد شلي حارك عشان تعرف انا شنو اعني له بحياته .. انا ما اعني له شيء . انا الي احب اهو يلعب .. اهو بكيفه يوم يحب و عشره يغيب يوم يقرب و عشرين يبعد يوم انا الاول يوم انا الاخير
تعرفون الشعور في بعض الاحيان تكونين متحمسه انك تجاوبين على اي سؤال يسالونك تبين تجاوبينه صح
لكن معاه ما ابي اكون صح ما ابي تكون اجاباتي صح راضيه اجاباتي تكون غلط و مو في محلها ... ادري انه انا مو من اولوياته و ادري انه ما يشوفني .. ادري .. ادري انه يطمئن علي من بعيد لبعيد عشان كذا لا تسالوني اذا انا اعني له هالكثر ولا لا لانكم راح تشوفون اجابه ما تعجبكم لاني قاعده اقول لكم الكلام الي المفروض اوجه حق نفسي الي المفروض يعورني  تشوفون السوء الي فيني  ...اني  احب انسان يعني لي الكثير .. و انا الى اليوم ما ادري اذا انا اعني له شيء ولا لا ...بس هذا ما يخصكم ولا الي يزيد الطين بله انه جيك احد يقول لك انزين انت راضي تحب احد ما يطالع و مع غيرك و يستمتع و يسولف مع غيرك و انتي اخر الي يفكر فيهم بيومه و تعالي انتي شوفي اذا تذكرك ولا درى عنك انزين ليش تعورون قلبي تسمعوني كلام الي يحرق قلبي و يقطعه ....ادري والله ادري انه مالي بقربه نصيب .. و ادري انه ما يطالعني ادري انه ما يحبني يكرهني والله ادري ... بس تبوني اصير صح لا ما ابي اصير صح ابي امثل كل شيء بمثل انه اهو يحبني و يطالعني و يحاتين و يقصدي في كلامه و يهديني اغانيه و يحلم فيني ابي اكذب الكذبه و اصدقها انتو شكو .. انا ولا شيء بنسبه له ما يدري عني لانه مافي حل و انا راضيه انتو شكو انا راضيه و بالعه موس و ساكته .. تقولون ما يهون علينا نشوفك تعبانه .. يعني انا راضيه تشوفوني تعبانه انا راضيه اشوف نفسي تعبانه .. تقولون انتي تستاهلين اكثر .. والله ادري اني استاهل اكثر و استاهل الي يحبني و يقدرني ..بس مو بيدي 💔💔😭😭